العربية مخنوقة

**m.ghanem** · 25-04-2013 08:17 PM

وانا كمان حسيت بهذا
وبلغتهم فى صيانة 5000
من 3 ايام فىاوتو ايجيبت
وبلغونى انهم كشفوا عليها بالجهاز
ولا يوجد شى كله عادى
وهم يقدروا يعرفوا من غير ما يجربوا العربية فى السحب دة سؤال ؟
المهم ان عامل شكوى مع مهندس الصيانة وبلغونى انهم هيكلمونى يوم السبت
وشكلى كدة هاروح للسبع
بعد اذنك بعد ما تعملها فى السبع بلغنى اية اللى حصل
وشكرا لحضرتك

**tarekMANDOUH** · 26-04-2013 12:25 AM

المشاركة الأصلية كتبت بواسطة m.ghanem

وانا كمان حسيت بهذا
وبلغتهم فى صيانة 5000
من 3 ايام فىاوتو ايجيبت
وبلغونى انهم كشفوا عليها بالجهاز
ولا يوجد شى كله عادى
وهم يقدروا يعرفوا من غير ما يجربوا العربية فى السحب دة سؤال ؟
المهم ان عامل شكوى مع مهندس الصيانة وبلغونى انهم هيكلمونى يوم السبت
وشكلى كدة هاروح للسبع
بعد اذنك بعد ما تعملها فى السبع بلغنى اية اللى حصل
وشكرا لحضرتك

تحت امرك ان شاء الله

**tarekMANDOUH** · 26-04-2013 12:26 AM

المشاركة الأصلية كتبت بواسطة leitosr

اضافة للاعراض دي اكشف علي قواعد الفتيس والموتور.
انا لما قاعدة الفتيس عندي اتكسرت كانت بغيب في الطلعة وكانت وهيا واقفة مبرحلة وبحسها هتبطل.

طب هي قواعد الفتيس والموتور مالها ومال خنقة العربية

**Ahmed Amin** · 26-04-2013 05:12 AM

المشاركة الأصلية كتبت بواسطة tarekmandouh

طب هي قواعد الفتيس والموتور مالها ومال خنقة العربية

قعدة الفتيس هيا اللي بتمتص حركة الموتور لما بتديله الغيارات,
لأن الموتور بيتحرك لورا مع النقلات الامامية,, ولقدام مع النقلة الخلفية.
ممكن تبقي تشوفها بنفسك تنزل تفتح الكبوت وتخلي حد يدي العربية ال d او ال r وتشوف حركة الموتور.

القاعدة دي كاوتش وبتتاكل مع الوقت من حركة الموتور وبتتاكل اسرع من المطبات والحفر..

لما القاعدة بتتكسر او بتتاكل الموتور بيميل علي جنبة وبيبقي صوت العربية مخنوق وبتلاقيها مبرجلة علي ال أر بي ام الواطي,
وتقيلة ف السحب مع اول حركة للموتر بتعشيقة الغيار بعد كدا بتسحب عادي, وتبدأ تحس نفس الاحساس ان السحب تقيل مع كل نقلة.. ولازم تدوس جامد عشان تجمع بسرعه.
ولو وقفت وجيت تطلع تاني هتلاقيها تقيلة جداً وبتغيب ف الطلعة عن ما كانت قبل كدا..
دي أعراض تأكل قاعدة الفتيس..

فعشان كدا قلت لك تبص عليها لأنها ممكن تكون أتاكلت وسبب المشكلة, وممكن لأ.

**Sehsss** · 26-04-2013 12:04 PM

المشاركة الأصلية كتبت بواسطة fbiahmed

هههههههههههههههه الضفيره اللعينه و لكن في الصني 2012 البوابه كهربا فاعرضها بتبئا كده

+1111111111

**tarekMANDOUH** · 26-04-2013 06:39 PM

انا لسة جي من مشوار بالعربية والمفاجأة ان العربية ولا كأن كان فيها حاجة العربية مظبوطة على السلنسية ومبتبرجلش والسحب رجع طبيعي ومفيش اي مشكلة .
مش عارف الجنان الحصلها دا كان من اية

**Elsebily** · 26-04-2013 07:06 PM

المشاركة الأصلية كتبت بواسطة tarekmandouh

انا لسة جي من مشوار بالعربية والمفاجأة ان العربية ولا كأن كان فيها حاجة العربية مظبوطة على السلنسية ومبتبرجلش والسحب رجع طبيعي ومفيش اي مشكلة .
مش عارف الجنان الحصلها دا كان من اية

لا كدي بقي لو الحوار ده اتكرر تاني يبقي هضم صوتي لكل اللي قالو ضفيره

**tarekMANDOUH** · 07-05-2013 09:04 AM

انا روحت يوم السبت توكيل السبع وقلت للمهندس / احمد ناجي على الأعراض البتحصل طلع بص على الموتور وقفل على طول وقلي هنغير ضفيرة الكهرباء وهي في الضمان فا مفيش مشكلة بس هنعملها اوردر عشان مش موجودة واول ما تيجي هنكلمك .