فيوز المروحة

**islamnasser10** · 25-04-2013 01:43 AM

النهاردة وانا ماشي لقيت دخان طالع من الكبوت قلبي وقع في رجلي ونزلت لقيت مايه خضرا في الارض
فتحت الكبوت لقيت الماية بتطلع من اربة الماية وبتغلي
بصيت علي مؤشر الحرارة مظبوظ
بطلت شوية الماية اللي بتغلي تهدي وبعدين ركبت وطلعت علي اقرب كهربائي
قعد يلعب في علبة الفيوزات وقالي فيوز المروحة ساح وجه يخلع الفيوز اتكسر وطلعه بالعافيه بمفك وقالي الفيوز ده عايز يتغير
ووصل سلك مكان الفيوز المراوح اشتغلت وخد 15 جنيه وقالي هات الفيوز من اي حد وركبة عادي

السؤال بقي
امشي علي السلك ده عادي امان ولا اجيب الفيوز في اقرب وقت
والفيوز تمنه كام والمحل اللي هشتري منه ملزم يركبهولي ولا هياخد فلوس علي التركيب كمان
وفيه سؤال برضة ايه اللي سيح فيوز المروحه من الاول اصلا ماهو ممكن الجديد يسيح برضة لنفس السبب ويبقي المشكلة متحلتش

**blazer** · 25-04-2013 01:48 AM

اكيد حصلت مشكله فى دايره الكهرباء بتاعة المراوح
طبعا غلط انك تمشى على السلك
المفروض متمشيش بيها خالص الا لما تركب الفيوز ودى حاجه سهله جدا المهم تجيبه نفس الامبير بتاع القديم

**shur3000** · 25-04-2013 02:26 AM

ركبة انت بس يبقى نفس الفولت

**م. محمد نافع** · 25-04-2013 10:09 PM

علي فكره انت عندك مشكله في مؤشر الحراره
ازاي درجه حراره المياه تعلي وضغط المياه يرتفع و صمام الامان اللي في غطاء القربه يفتح و كل ده ومؤشر الحراره مضبوط
المفروض كنت تلاقي المؤشر فوق الربع الثالث
اما بالنسبه للفيوز فمفيش مشكله حضرتك هتشتري الفيوز نفس الامبير تقريبا 30 امبير وهتركبه بدون قلق لانه لو كانت المشكله ما زالت موجوده او لو حصلت مشكله تانيه الفيوز هيضرب تاني ومش هتعمل مشكله

**islamnasser10** · 26-04-2013 03:40 AM

جبته وخليت الراجل ينضف مكان القديم ويركب الجديد وخد 15 جنيه

**islamnasser10** · 26-04-2013 03:41 AM

المشاركة الأصلية كتبت بواسطة م. محمد نافع

علي فكره انت عندك مشكله في مؤشر الحراره
ازاي درجه حراره المياه تعلي وضغط المياه يرتفع و صمام الامان اللي في غطاء القربه يفتح و كل ده ومؤشر الحراره مضبوط
المفروض كنت تلاقي المؤشر فوق الربع الثالث
اما بالنسبه للفيوز فمفيش مشكله حضرتك هتشتري الفيوز نفس الامبير تقريبا 30 امبير وهتركبه بدون قلق لانه لو كانت المشكله ما زالت موجوده او لو حصلت مشكله تانيه الفيوز هيضرب تاني ومش هتعمل مشكله

اعرف منين مؤشر الحرارة شغال ولا لا
لما بدور العربية وهي بايته بيبقي تحت خالص وبيطلع تدريجي لحد قبل النص بشوية اعتقد كدة شغال
فيه حاجة اقدر اعرف منها المؤئر سليم ولا لا

**م. محمد نافع** · 26-04-2013 04:16 PM

فيه حركه بيعملوها بيلمسوا السلك بتاع مؤشر الحراره اللي بيكب في وش السلندر في جسم الموتور ويفكوه خالص في واحده بيرفع المؤشر للاخر وفي التانيه بينزل المؤشر تحت خالص
علشان تتأكد انه شغال كويس

**mhopa2440** · 27-04-2013 01:40 AM

لي ملاحظة هامة جدا

معني ان الفيوز يسيح يعني ارتفاع درجة الحرارة بصورة كبيرة والعيب دا اكيد من المروحة

حضرتك لازم تعمل التجربة دي عشان مش توقع ف المشكلة تاني انك تتاكد ان المروحة سيلمة

هفتك فيشة المروحة خالص وتعمل توصيلة للمروحة مباشرة على البطارية وتشغلها وتلاحظ الاتي
سرعة تشغيل المروحة سيلمة ولا أيه
السلك اللي انت عملته من البطارية للمروحة هيسخن ولا لأ لو السلك بدا يسخن والمروحة شغالة اعرف كدا ان شربون المروحة اتاكل شوية واتحرك من مكانة ولمس مع بيعض يعني عمل قفلة جوة المروح وهي بتشتغل بردو لعند السلك ما يسيح بس طبعا مش تسيبه يسيح لو سخن افصل بسرعة

هتشوف كهربائي شاطر يغير لك شربون المروحة بس الافضل انك تشتير موتور مروحة جديد وتركبه على القميس والريش اللي عندك

انا لو اشتغلت سيلمة والسلك مسخنش يبقى عندك عيب تاني لازم تتاكد منه

بس انا ارجح موضوع ان شربون المروحة ملمس لان الموضوع دا كان عندي كل مااركب فيوز يضرب ولما عملت التجربة دي السلك التوصيل سخن فكيت المروحة ف البيت ولقيت الشربون ملمس بس انا اشتريت دماغي واشتريت موتور جديد وانا اللي ركبته

**tarek_2005** · 27-04-2013 02:35 PM

وبجانب المشاركة السابقة اعمل حسابك هتغير غطاء القربة قريب

-

الموضوع: فيوز المروحة

LinkBack

أدوات الموضوع

عرض

فيوز المروحة - انشر الموضوع فى :

-

-

-

-

-

-

المواضيع المتشابهه

فيوز المروحة

استفسار في المروحة ومؤشر الحرارة في الشاهين

المروحة

مشكلة في تكييف الابيزا 98 - المروحة سرعة واحدة ولا اثنين؟؟؟

إمتى تشتغــل المروحة فى إيبيــزا موديل 1994؟

الكلمات الدلالية لهذا الموضوع

المفضلات

المفضلات

ضوابط المشاركة