للتقييم لو سمحتوا

**egy_3assy** · 25-04-2013 02:42 AM

مساء الخير يا رجاله الاسبرانزا ... انا احمد العاصي , جاركو من منتدى البروتون :)
عندي استفسار كده .. في صديق ليا عنده عربيه 516 موديل 2011
بتاعه والده الله يرحمه .. العربيه عامله 22000 كيلو و العربيه حس انها كبيره ومش هيعرف يسوقها فا عايز يبيعها .. الفكره انها مركونه بقالها كام شهر كده والكاوتش نام و في الغالب باظ خلاص .. بس بيدورها كل يوم شويه طبعا .. طبعا العربيه فبريكه تماما جوه و بره وكل حاجه بتاعتها عشان كسر زيرو ... عايز اعرف ابيعها بكام كده ؟ ايه الرقم الصح فيها ؟

الف شكر يا رجاله مقدما و اتمنى مكونش ضيف تقيل

**fourseasons** · 25-04-2013 11:02 AM

تعملها فى رينج الخامسينات يا باشا من 55 وانت طالع لحد 60 لأن الزيرو منها عامل 76 ده لو الفول اوبشن لو طاسات وتكييف بكر حتقل شوية حوالى 5000 كده ذائد ال حيشترى حيخصم من الرينج ال قولتو 2000 بتوع الكاوتش و 1000 سيور وزيت وكده وحتفرق برضوا لو فى الضمان ولا لأ...........وربنا يوفقك فى الخير ان شاء الله

**bassemali** · 25-04-2013 11:16 AM

تعمل حوالي 50000 بالحاله دي ... عداد 22000 كيلو وفابريقه بره وجوه .... ولو لسه ف الضمان ممكن تفرق شويه في السعر 5000 مثلا ... إنما لو كانت الهاف أوبشن اللي هيا بطاسات .. تعمل حوالي 45000 .. والله أعلم

**osaa92003** · 25-04-2013 02:32 PM

لاتقل عن 55 الف .............. الموديل الجديد انفى ومش فارق عنها كتير بالعكس القديم موتوره افضل بتتباع ب 84 الف اما ال 516 موديل السنه ب 75 الف ...مع ارتفاع الاسعار لاتفرط فيها باقلل من 55 وهتلاقى كتير يشتروا