الموضوع: احذروا محصل الكهرباء كان بيسرقنى 300 جنية كل شهر وشوفوا طريقة نصب ازاى

المشاركة الأصلية كتبت بواسطة ahmed_adham

عليك وعلى النيابه الاداريه. أوعى تشتكي في الكهربا عشان الفساد دايما عصابات مفيش موظف بيسرق لوحده فهتلاقي زمايله ويمكن مديره في الغالب بيقسم معاه وشكوتك هتترمي في الزباله. هتروح النيابه الاداريه تعمل محضر وتأكد انهم هيهتمو وموضوع زي ده هيتحول للمباحث وممكن يعملو تحريات من معظم المستهلكين اللي بيتعامل معاهم المحصل ده من غير ما يحس ويظبطوله المهموز على الهادي لحد ما ييجي وقت وينفخوه. اعمل اللي عليك وسيب دور غيرك عليه وميصعبش عليك عياله عشان هوه دبحك بدون رحمه ومترددش لحظه انه يسرق رزقك ورزق عيالك بدم بارد.

روح النيابه الاداريه وهما هيقولولك تعمل ايه وممكن تكون اسبب في الكشف عن عصابه تزوير ونصب كبيره في الكهربا وترحم الناس من شرورهم وربنا يجازيك خير عن عملك ان شاء الله.

وده موقع عام لكل شركات الكهربا في مصر كلها تستعلم منهم عن فاتورك كل شهر

newinter

كلام مظبوط

وبالنسبة للاخ صاحب الموضوع فمتزعلش منى بس الساكت عن الحق شيطان اخرس
وفعلا الشكوى فى الكهرباء نفسها مش هتعمل حاجة
ونصيحة منى ليك لوجة الله روح مباشرة على الرقابة الادارية فى عاصمة االمحافظة التى تقيم فيها وبلغهم ووريهم ايصالات الكهربا المزورة التى معك وهم هيعملوا كمين للمحصل وهيتسجل صوت وصورة وهيمسكوا متلبس
النيابة الادارية هتعمل كدة بردة وهتنسق مع الرقابة الادارية علشان يمسكوا المحصل دة متلبس ....فإختصارا للطريق روح الرقابة الادارية مباشرة ........... ومتخفش ان شاء الله على عيالك
المحصل دة بيعمل كدة لوحدة واخرة ان رئيس قسم الشئون التجارية بادارة الكهربا التى يعمل بها يكون معه وممكن ميكنش معاه .......المهم متخفش هما مش عصابة قتل وضرب نار دول شوية موظفين فاسدين لا غير .....

واخيرا لو حضرتك نويت تعمل حاجة اكتب اذا ناوى وانا هساعد حضرتك بحكم عملى
متسبش حقك علشان ربنا هيسألك فى الاخرة ليه سبت الحرامى دة

تصدق وتآمن بالله أنا عندي نفس القصة والحوار ده بالمللي ... كأنك بتحكي مشكلتي بالظبط

انا هاشوف بقى الموضوع زي ما انت عملت ولو اكتشفت وجود فرق اقسم بالله ليكون مربوط في شجرة لحد ما يطلعله صاحب

هاشوف وابلغكم بالنتيجة ان شاء الله

يا جماعة الموضوع ابسط من كده - انا عندي ملف اكسل كاتب فيه الشرايح - يعني تكتب القرائة السابقة والحالية في الفاتورة تعرف قيمة الفاتورة كده صح ولا لآ - وانت ممكن من قرائة الفاتورة السابقة وانت بنفسك تبص على العداد لما ييجي يقرأ تبقى عارف فاتورتك القادمة هاتبقى كام - ونتأكد من صدق الراجل

لو فيه طريقة ارفعه هنا في المنتدى حد يعرفني - انا آخري صور :)

المشاركة الأصلية كتبت بواسطة Y a r i s

لا واللهي يا ابو كوكو
الموضوع في لعب من تحت لتحت ... هقولك ازاي. ... يعني ممكن. المحصل. يغيب او ميعديش شهر ويجيلك الشهر الي بعدوا ويقلك اصل نزلناها اقساط. ....

القراء فعلا مشكلة مش بيشتغلوا بضمير - اغلبهم - ممكن يروح شهر وشهر تانى يطنش وينزل متوسطات مره بالزيادة ومرة بالنقص - و ممكن التغلب على ده عن طريق ابلاغ القراءة بالنت او مباشره لموظف الشركة وعندى ناس بترسل لى القراءة على الموبايل برساله او بالاتصال بي وبيكون فى ميعاد ثابت غالبا منتصف الشهر


وحتى قرايت العداد. مرات. يقولك لا لسه اصل القراية الحالية دي هتنزل الشهر الي بعدوا ... انا واللهي وكلمة. احاسب عليها يوم الدين مفتش كهربا صديق قالي بعظمت لسانوا (( ان كان في عجز في شركة الكهربا نتيجة سرقت التيار )) فشركة الكهربا علشان تسدد هذا العجز. بتقوم من غير ما يحس المواطن بترمي على كل فاتورة جنية او اتنين جنية علشان يقدروا يحلوا. هذا العجز .

المصيبة مش في تحملنا احنا عجز شركة الكهربا. او في سرقة المحصليين المشكلة. نظام. محاسبة شركة الكهربا نظام فاشل وشرائح ويتوهوك معاهم علشان يقرطسوا الواحد في الفلوس. ...

فعلا نظام الشرائح صعب فهمه شويه وغير مبسط لكنه معمول بتدرج مراعاة للناس الغلابه كدعم الدوله لهم وبتزيد الشريحه على الاستهلاك العالى باعتبار انهم مرتفعى الدخل وكمثال بسيط فى المحاسبه المنزليه الالف كيلو الاولى ب330 بمتوسط 33 قرشا وكل كيلو تالى ب67 قرش - على فكرة المحاسبه بتفرق لو فى شهور مغلقة او فى كمية متراكمه


وفي نفس ذات الوقت انا اهو وانتا اهو تعاله اكتوبر قدام مسجد الحصري شوف كام بترينة مفتوحة وكل واحد واخد وصلة كهربا من عمود النور وشغال الله ينور . وشركة الكهربا نايمة في العسل .

ده حتى. قدام نادي سته اكتوبر في عربيات النص نقل الي بتبيع بطيخ واخد ابن اللزينة وصلة كهربا وعايش حياتوا عادي فين مفتشين الكهربا. فين مباحث الكهربا. تحس انهم مع الثورة فص ملح ودابوا وفي النهاية يحملوا سرقة التيار على المواطنين ويسرقوا من الناس ومن مرتباتهم

ولسه في ناس. في شوققها. عاملين (( كومتره )) وفي منهم الي بينيم عدادات الكهربا. بالليل علشان العداد يبطل يلف. وفي منهم الي بيستخدم المغناطيس وفي منهم الي بيستخدم طريقة الابرة. وملالالالاين بتخسرها الدولة. وبتتسرق من البلد فالدولة تعوض العجز ده مننا ااحنا ... وعارف لو اتصلت بالبلوليس ولا النجدة ابلغ. ان واحد سارق تيار مفيش حد هيتحرك


كل واحد وضميره فى موضوع التلاعب وربنا مش غافل عن سرقة الكهرباء وان شاء الله يبتليهم بمصائب على سرقتهم فلوس الدوله
بس اكيد دور شرطة الكهرباء مطلوب جدا ولو اشتغلوا وعملوا محاضر هيختفي التلاعب
كمان جوه كل شركة كهرباء ادارة مسئوله عن السرقات والمخالفات مع اختلاف المسميات - ادارة التفتيش الفنى والتجارى - ويكفى ذكر ان محضر سرقة الكهرباء بالاضافة لمسماه اللى يكسف كمان بيتعرض على النيابة حتى لو تم التصالح والتصالح بيكون ب5 اضعاف السعر العادى

لاحول ولاقوه الا بالله
مشكور على التحذير
وفعلا العيب على شركه الكهرباء ومديرينها والمسئولين الكبار انا برضو فى محلى كان بيجيلى 50 و60ج ومعنديش الا لمبات موفره فقط
فجاه دخلت فى شريحه 120 و140 يعنى الضعف وزياده اسال ليه
يقولك قديم ومتكوم عليك شويه يقولك روح اشتكى وقولهم
المهم روحت واتكيت ودفعت 50ج رسوم معاينه حد يجى يشوف العداد المهم دفعت ياخونا وومحدش جه والله
ولا سالو فيا ولا حللو ال50ج اللى دفعتها
كله نصب فى نصب وكله سرقه فى المواطن لاتقولى مرسى ولا حسنى
يبقى الوضع كما هو عليه
وربما يلطف بينا والله انت موضوعك ده اثر فيا وكلامك ربنا يعينك على اهل بيتك ومصاريفك ويغنيك بالحلال اخى الكريم

لتحميل ملف حساب قيمة فواتير الكهرباء