احذروا محصل الكهرباء كان بيسرقنى 300 جنية كل شهر وشوفوا طريقة نصب ازاى

**AHMED12345678** · 26-04-2013 02:47 PM

المشاركة الأصلية كتبت بواسطة a.saad

عن خبرة فى التعامل مع المختلسين عدة سنوات

المحصل ده ممكن يقسم مع رئيسه ويبقى عارف انه حرامى وش
او بيجامله بهدايا ويقوله بقشيش من الزباين علشان ماينقلوش منطقة تانية وينكشف

علشان تكشفه مش شرط تبلغ باسمك
ممكن جوابات من مجهول للرقابة الادارية ومن غير بياناتك
اكتب فيها بس ان المحصل بيلعب بتزوير الفواتير وياخد فلوس اكتر من الاستهلاك الفعلى وممكن تتاكدوا من عينة من سكان منطقة كذا
وهما هنا هيراجعوا عينة وانت هتكون فيها وهتلاقى ناس تانية معاك
او يتجرد عليه وهو فى التحصيل ويتمسك بالفواتير المزورة
طريقته
يزور فاتورة بمبلغ عالى
يسدد الاصلية للشرك
يختلس الفرق
على فكرة الحرامى بيفضل حرامى لحد ما يتمسك
ويستاهل المسك العقاب
وافتكر تضررك وانت بتدفع مبلغ لا يستحق عليك وانه هيفضل يعمل كدة مع ناس تانية
ومش هيفكر يعمل حاجة لو التحقيق اتفتح
لان الرقابة مش هتسكت ولا هتقبل تنازل الا لو ظابط التحرى من اللى بيقبلوا ضغوط ومجاملات
وبتوع الرقابة مش كدة

الرقابة الادارية حضرتك لا تحقق فى اى شكاوى من مجهول

**Y a r i s** · 26-04-2013 02:55 PM

المشاركة الأصلية كتبت بواسطة د.أبونضال

اسمه فوري ودي ماكينة كريديت كارد متوصلة بسيم كارد بيحطوها في أي محل وحضرتك تروح تدفع فواتيرك وبياخد 2 جنيه عموله

فوري بتاعت الموبايلات يا دكتور !!
طب ودي هبعت رصيد الفاتورة لمين ... او هيعرفوا ان الفلوس تبع انهي شقة ازااي ... وتحياتي

**ahmed1981** · 27-04-2013 09:22 AM

كان حصل مشاكل برضه مع الكهربا وكتبت موضوع عنها:ــ
http://www.nilemotors.net/Nile/50961-a.html

-
-

**velkouf** · 27-04-2013 10:32 AM

حسبى الله ونعم الوكيل
متسيبش حقك وعرف جيرانك اللى حصل و اتجمعوا وقدموا بلاغ فى الكهربا عن اللى بيحصل
دى سرقة علنى
ومتقلقلش من المشاكل لما تتجمعوا محدش هيفكر يقربلك
ومتنساش البواب اللى الراجل بيقسم معاة لازم يتوضب

**ديمو** · 03-05-2013 09:08 AM

للرفع حتى لا يتنصب عليكم

**أشرف فتحى** · 05-05-2013 05:39 AM

لو عندك امكانيه بما انك عارف متوسط استهلاكك...تدفع مبلغ تحت حساب الإستهلاك ومش هتطلع فاتوره اصلا أو هتطلع بالخمسه جنيه بتاعه النظافه لأنك هتبقى مسدد مقدما لغايه ما الاستهلاك يتجاوز قيمه الدفعه المقدمه..

**Land_Cruiser** · 05-05-2013 12:25 PM

شكرًا يا فندم علي التحذير. الموضوع ده ممكن يتحل ببساطه لو الكهرباء. عملوا خدمه الاستعلام عن الرصيد بالتليفون او اشتراك في خدمه رسائل ترسل الاستهلاك كل شهر و قيمه الفاتوره او حتي عن طريق موقع علي الانترنت و يبقي الدفع فيه متاح عن طريق الانترنت زي فاتوره التليفون و بكده يقضوا علي النصب ده و كمان التحصيل هيبقي اسهل بالنسبه لهم و فيه مرونه اكتر لان معظم المحصلين بيروحوا في أوقات عجيبه بيكون الناس فيها في إشغالهم او ما بيروحوش بانتظام كل شهر

**Elawany13** · 05-05-2013 01:49 PM

المشاركة الأصلية كتبت بواسطة Land_Cruiser

شكرًا يا فندم علي التحذير. الموضوع ده ممكن يتحل ببساطه لو الكهرباء. عملوا خدمه الاستعلام عن الرصيد بالتليفون او اشتراك في خدمه رسائل ترسل الاستهلاك كل شهر و قيمه الفاتوره او حتي عن طريق موقع علي الانترنت و يبقي الدفع فيه متاح عن طريق الانترنت زي فاتوره التليفون و بكده يقضوا علي النصب ده و كمان التحصيل هيبقي اسهل بالنسبه لهم و فيه مرونه اكتر لان معظم المحصلين بيروحوا في أوقات عجيبه بيكون الناس فيها في إشغالهم او ما بيروحوش بانتظام كل شهر

ممكن تستعلم عن فاتورة الكهرباء من على النت زى فاتورة التيليفون

Sent from my GT-S6500D using Forum Runner