احذروا محصل الكهرباء كان بيسرقنى 300 جنية كل شهر وشوفوا طريقة نصب ازاى

**طارق _عبد السلام** · 26-04-2013 01:38 AM

شكرا يا دكتور على النصيحه
بس بجد الموضوع ده وانت بعيد جدا ومش هتكون معروف للمحصل ولا للبواب وشوف حد معرفه أو انت
تقدم شكوى فى النيابه الاداريه وهما هيقوموا بالواجب وانت مش فى الصوره بتوع النيابه الاداريه مابيرحموش اى تسيب وياريت اى اخ هنا فى المنتدى يكون من الجهاز أو يعرف حد فى النيابه الاداريه يوصلك الشكوى
لان من امن العقاب اساء التصرف يعنى ده هيجنى على غيرك كتير

**egyptiandiver** · 26-04-2013 02:44 AM

نسيت أقول جزاك الله خير

**Y a r i s** · 26-04-2013 02:57 AM

انا اسف على التاخير
موضوع الكومترة ده بقه يا سيدي بيبقى عندك سلكين واحد جي من الكهربا العمومية ويغزي فيش الشقة. علا طول ... من غير ما يعدي تيار الكهربا. على العداد ... طبعاً متستغربش لمن تروح. على بعض الشقق وتلاقيهم مشغلين تكيفات ٢٤ ساعه حتى في الشتا. وانور وتلاجات وعايش حياتوا الاخ وفي النهاية تجيلوا فاتورة الكهربا ٤٠ جنية و١٥ مليلم ههههههه

طبعاً بيكون عامل. سويتش الي هيا اسمها كومتره. بحيث. طول الشهر. العداد واقف وفي نص الشهر يشغل العداد شوية كده يلفلوا لفتين او تلاقيه مشغل الافندي الكهربا الصبح على العداد وبالليل يقلك مفيش حد هيعدي وياخود دايركت من ابو بلاش. هو البلد دي اتخرب بيتها من شوية ... وعلى فكرة اغلب الي بيعملوا الحركات دي بيكونوا موظفين حكومة. وبيجاملوا بعض :)

قلي بقه ياباشا. اسه حكاية دفع الفواتير الفوري دي من غير محصل بتيم ازاي ومنين. ... وتحياتي

**speed_magnum** · 26-04-2013 03:01 AM

السلبيه وحشه ما فيش كلام

**A.Saad** · 26-04-2013 08:46 AM

عن خبرة فى التعامل مع المختلسين عدة سنوات

المحصل ده ممكن يقسم مع رئيسه ويبقى عارف انه حرامى وش
او بيجامله بهدايا ويقوله بقشيش من الزباين علشان ماينقلوش منطقة تانية وينكشف

علشان تكشفه مش شرط تبلغ باسمك
ممكن جوابات من مجهول للرقابة الادارية ومن غير بياناتك
اكتب فيها بس ان المحصل بيلعب بتزوير الفواتير وياخد فلوس اكتر من الاستهلاك الفعلى وممكن تتاكدوا من عينة من سكان منطقة كذا
وهما هنا هيراجعوا عينة وانت هتكون فيها وهتلاقى ناس تانية معاك
او يتجرد عليه وهو فى التحصيل ويتمسك بالفواتير المزورة
طريقته
يزور فاتورة بمبلغ عالى
يسدد الاصلية للشرك
يختلس الفرق
على فكرة الحرامى بيفضل حرامى لحد ما يتمسك
ويستاهل المسك العقاب
وافتكر تضررك وانت بتدفع مبلغ لا يستحق عليك وانه هيفضل يعمل كدة مع ناس تانية
ومش هيفكر يعمل حاجة لو التحقيق اتفتح
لان الرقابة مش هتسكت ولا هتقبل تنازل الا لو ظابط التحرى من اللى بيقبلوا ضغوط ومجاملات
وبتوع الرقابة مش كدة