ملاحظاتي علي استلام جين تو 2013 امس

**mohamed2015** · 25-04-2013 05:53 PM

هل يا جماعة البور بتاع العربية تقيل كدة و في الملفات لازم ترجع الدركسيون بأديك و ثانيا المفتاح بيطلع بس علي البارك طب اسيب العصا علي مور ازاي

**Gexo** · 25-04-2013 06:57 PM

اولا الف مبروك ياباشا انتم السابقون ونحن اللاحقون..وثانيا انا بصراحه معرفش حكاية الباور دي لكن موضوع انك تشيل المفتاح من العربيه دي لااااااااااااازم تبقى على الباركنج مينفعش على المور...واعتقد ان دي وسيلة امان للعربيه عشان متنساش وتسيب العربيه وهيا على المور...نصيحه مني عشان متتعبش نفسك..مش كل حاجه تحصل في العربيه تركز معاها اوي وتعمل عليها موضوع كبير..اللهم الا الحاجات الكبيره طبعا..دا بس عشان متتعبش نفسك وتستمتع بالعربيه..ربنا يباركلك فها وانا برده ان شاء الله هستلم على الاتنين او التلات ان شاء الله

**Raul_7** · 25-04-2013 08:02 PM

اجابتي علي الملاحظتين أه.

**Gexo** · 25-04-2013 08:09 PM

المشاركة الأصلية كتبت بواسطة raul_7

اجابتي علي الملاحظتين أه.

ممكن معلش توضيح طيب بالنسبه لملاحظة الدريكسيون..عشان اتاقلم عليها لما استلمها ان شاء الله بس

**m_elhasafy** · 25-04-2013 08:12 PM

أولاً مبروك عليك و ربنا يكفيك شرها
فعلاً الجين تو و البيرسونا المفتاح ما بيطلعش غير على p
أنا معايا ساجا و الطارة تقيلة برضه وواضح إنها سمة عامة للبروتون بس الموضوع راجع للعربية اللى كنت راكبها لإنها لو خفيفة قوى فحتحس بفرق كبير ... و هكذا
و موضوع رجوع الطارة للعدل بعد الملفات فلازم تكون العربية سريعة شوية مش على الهادى و عموماً اللى بيرجع الطارة لمكانها الكبالن مش حاجة تانية ... عموماً قولهم على الشكوى دى فى صيانة الألف وشوف الرد إيه