a4 2003 مؤشر الحراره بيعدى 90 مع التهديه فى المطبات

**erp** · 26-04-2013 08:26 PM

بس الله انا ان شاء الله هحكى حكاية بالتفصيل

يوم الاربعاء ماشى بالعربيه فى الاوتو ستراد العربيه وقفت منى مره واحده وكانت قبل كده بتغيب منى فى الدواره مره تشتغل ومره لاء المهم فى اليوم ده فولت العربيه بنزين جيت اشغل العربيه مش عايزه تدور المهم فتحت الكونتاك وسيبتها تحضر بنزين شويه ودورتها دارة وبعدين مشيت بعد كده راحت واقفه منى فى الاوتو ستيراد

قلت لاء لازم اروح بيها لميكانيكى قولت اروح لمحمد سمير قريب منى

روحت لاقيت الورشه كلها جريت على العربيه لان مؤشر الحراره خلاص كان داخل على الشورت الحمراء
طبعا انا مش واخد بالى من مؤشر الحراره لانى مركز مع طبطيل العربيه المهم بسرعه فتحت الكبوت ببوص لاقيت المروحه قافشه غيرت مروحه جيبتها من المحل اللى فوق بتاع قطع الغيار 1350 انا عارف ان انا اتظبط بس هعمل ايه مضطر غيرت المروحه

نيجى لمشكلة الدواره محمد سمير قاس العربيه على الجهاز قالى دى مشكلة طرمبة بنزين قاسها قالى دى 2 بار المفروض تكون 4 بار المهم قالى هنغير طرمبة البنزين جيبتها من المحل اللى فوق بتاع قطع الغيار 1500 انا عارف ان انا اتظبط بس هعمل ايه مضطر

المهم نجرب المروحه شغاله الحمد لله بس المؤشر رافع عن التسعين بشرطه ومختار بيحط العربيه على الجهاز علشان يشيك على الشغل علشان امشى المهمبالصدفه المهندس هانى اخو محمد سمير كان هناك مختار جرى على جوه قالو الحق ساهندسه المؤشر عالى على تسعين

المهندس هانى قاله اكيد فى حاجه مسدوده عايز تسلك قاله براحه كده علشان منفتحش فتحه تانيه والوقت كان متاخر انا رايح متاخر كانت الساعه 6 موضوع التجربه ده كان الساعه 9 المهم

بيبوصوا على خرطوم الراجع اللى جاى من القربه اللى هوا الصغير ده لاقاه مسدود قعد يسلك فيه بابره كده بس عذبه على ما سلك وجاب مياه وغيرنا المتله الصغيره دى ب3 فتحات وغيرنا كوعه كده رباعيه لانها كانت فى فتحه فيها باشت من الملوحه المهم ومشينا على كده

دلوقتى العربيه وهيا ماشيه الحراره على تسعين عند المطبات المؤشر بيرفع

المهم فى ميكانيكى جمبى لسى رايحله وجاى من عنده قاله صباع الحراره مهيس اللى هوا الاخضر ده شاله وبص عليه لاه كده متاكل قالى جيبه فسالت عليه بالتليفون لاقيته ب 70 جنيه

وانا عايز اطمن اكيد صباع الحراره اللى هوا الاخضر ده 4 بنات هوا ممكن يعمل المشاكل دى فى العداد

مع العلم انا المروحه بتشتغل وكل حاجه

انا اس ف على الاطاله بس قولت اقول كل حاجه علشان تعرفغوا تفيدونى

وشكرااااااااااااااااااااا ااااااااااااااا

**erp** · 26-04-2013 09:43 PM

ممكن الخص اللى انا عايزه

1- فعلا الموضوع ده هيكون العيب من الصباع الاخضر ده الاربع بن

2- ولا ده ترموستات الكوعه وازاى اتاكد ان ترموستات الكوعه شغلاه بكفاءه ولا لاء

**mado_xxx** · 26-04-2013 10:26 PM

طب ما قول لحضرتك حاجة
فك الترموستات وامشى من غيره يوم مثلا لو المشكلة ماتكررتش يبقى اشترى واحد
ولو اتكررت شوف صباع الحرارة

**erp** · 26-04-2013 10:30 PM

الموضوع صعب يانايل موتورز ولا انا اللى مش عارف اشخص العيب اقول بطريقه اخرى
انا لما ابطل العربيه بسمع المروحه لسه شغاله دقيقتين كده وبعدين المروحه بتفصل فبعتقد ان كده المفروض الحراره قلت ولما افتح الكونتاكت الاقي المؤشر فوق التسعين مع ان المروحه بطلت بس فعلا لما اشغل العربيه المروحه بتشتغل تاني ( بس اللي محيرني انهارده ان وانا واقف بالعربيه قبل ما ابطل المؤشر بيكون بعد التسعين بشرطه وشرطتين ولما ابطل العربيه شويه وافتح الكونتاكت الاقي المؤشر فوق التسعين وبعدين اما اشغل العربيه ترجع تانى على التسعين هوه ده اللي مجنني علي العموم هكشف علي الترموستات وهشوف

انا ان شاء الله هشترى حساس الحراره بكره عايز اى افاده او معلومه

شكررررررررررررررررررررررر ررررا

**erp** · 26-04-2013 10:43 PM

المشاركة الأصلية كتبت بواسطة mado_xxx

طب ما قول لحضرتك حاجة
فك الترموستات وامشى من غيره يوم مثلا لو المشكلة ماتكررتش يبقى اشترى واحد
ولو اتكررت شوف صباع الحرارة

شكرا ياستاذ مادو على المتابعه

طب ممكن ياباشاااااااا تقولى الترموستات دى مكاناها فين وسهلة الفك ولا لازم فنى

وشكرا على المتابعه

**kareemafifi** · 27-04-2013 12:20 PM

مؤشر الحرارة الاصلي يا باشا ب 120 مش ب 70 و ربنا يعوض عليك في شوية الحرامية دول و الله الناس ما بقاش عندها ضمير يعني المروحة دلوقتي مستحيل تلاقي الاصلي الا لو استعمال فيما عدا ذلك فكله غش و الاستعمال تعملها 450 جنيه بالكتير لاني لسة دايخ دوختك ديه قريب بس الحمد لله علي كل حال

**Moratoz** · 27-04-2013 06:42 PM

طيب ما انتا لسه دافع فلوس والعيب متحلش كله فروح لسمير تاني يكمل شغله

**aw2100** · 28-04-2013 01:04 AM

فيه سؤال حضرتك بتستعمل ميه خضراء؟
نوعها ايه؟

**طارق _عبد السلام** · 28-04-2013 01:31 AM

2- ولا ده ترموستات الكوعه وازاى اتاكد ان ترموستات الكوعه شغلاه بكفاءه ولا لاء

لو الحراره ثابته على 90 وما بتنزلش عن كده وانت بتجرى يبقى الثرمو سليم

هو يبوظ فى حالتين الاولى مش هتعرف تمشى بالعربيه وهو لو باظ قافل مش فاتح يعنى هتلاقى مؤشر الحراره
عندك داخل على 120 والموتور بارد لكن الرياديتير مولع كده يبقى بايظ وهو قافل (مش هتعرف تمشى بالعربيه غير يا تغيره يا تشيله خالص )

لكن لو باظ الثرمو وهو فاتح هتلاقى العربيه ماشيه حراره 90 عادى وممكن تنزل ل60 كده يبقى ثرموستات بايظ بس مفتوح

والحراره لو 92 مش مضره قوى مش عارف اقولك ايه انت غيرت الحساس الاخضر

هو حضرتك حاطط الميه الحمراء الاصليه للعربيه ولا حاطط ميه من الحنفيه