عايز اشد العربيه وهغير حاجات كتيير فعايز اعرف سعرها

**shaddadfalcon1** · 28-04-2013 10:34 AM

المشاركة الأصلية كتبت بواسطة algazar2

انت كده عايزلك نزله لبورسعيد تظبط الحاجات دى كلها و تاخدها شروه واحده افضل و تفاصل فيها براحتك بس اهم حاجة يبقى تاجر كويس و امين

هل مستاهله فعلا بورسعيد؟ خلي بالك انا من الأسكندريه يعني عايزلي عربيه نقل اروح بيها ودي مش اقل من 200 او 250 جنيه ده غير ان اي حاجه هلاقيها بايظه او محتاجه ورقها زي الموتور هيلزمني مشوار تاني لبورسعيد

انا بفكر انزل الفراهده او صلاح الدين في الأسكندريه

**AlGazar2** · 28-04-2013 07:53 PM

المفروض ان الحاجة دى فى اسكندرية تبقى قريبه من اسعار بورسعيد

بس طالما هاتجيب حاجات كتيره يبقى الاحسن بورسعيد ( بالنسبه للى فى القاهره كل المسافه مشوار ساعه و نص يعنى اقل ما تعدى شارع فيصل بالعربيه )

الاسكندرية المفروض فيها مينا فاعتقد هتلاقى الاسعار قريبه و لف الاول و اسأل فى اسكندرية و خلى حد من الاعضاء الى فى بورسعيد يسألك على االاسعار هناك عاملة ازاى و شوف بعد النقل و الاكل فى بورسعيد لكل الى معاك طبعا التكلفه هتبقى كام و من اسكندرية هاتبقى كام لقيت التكلفه قريبه يبقى هات الحاجة من اسكندرية جنبك و اهو لو فى حاجة يبقى المشوار قريب لو الفرق كبير يبقى توفر فلوسك و تجيب من الحته الارخص

**shaddadfalcon1** · 09-05-2013 09:33 AM

السلام عليكم

الحمد لله ابتديت شد العربيه يوم السبت اللي فات بس معرفتش اكتب عشان كنت موقوف :)

انا اشتريت الاتي حتي الان:

1- 4 ابواب استيراد حمر كاملين ب 1700
2- رفرفين امامي حمر استيراد برده ب 550
3- عداد فيه rpm ب 100
4- فانوسين جداد قدام ب 300 (صيني درجة نضيفه علي كلام الراجل)
5- اكصدام قدام تايلاندي ب 200
6- اكصدام خلفي استيراد كامل بالشاسيه ب 500

عملت شوية باالبارومه اللي كانو في السقف وحتي فوق العجله اللي ورا شمال وحتي في الشفه اللي في الشنطه

السمكره مخدتش يوم والصنايعي كان عايز 600 واخد 350 حتي الان وحاسه بيستهبل لانه مشتغل 6 ساعات علي بعض في العربيه واشكلي هخرب معاه

اتفقت في البويه ب 1000 جنيه ومليش دعوه باي حاجه يعني هو هيجيب البويه والمعجون والسنفره وكل حاجه

ياريت تقولولي بقي الأسعار دي والمصنعيات كويسه ولا انضحك عليا

اول 4 حاجات جبننهم من عند عماد نوفل في الفراهده والباقي من كفر الدوار عشان مكنتش عايز اروح الأسكندريه تاني

سالت علي المكنه ال 2 كامه ال 1500 قالي ب 3500 من غير الفتيس و ب 4000 بالفتيس
وحتي المكنه العاديه ال 1 كامه ب 3500 برده
حاسه بيستهبل مش كده ؟

**shaddadfalcon1** · 09-05-2013 10:00 AM

انا عايز اغير الجنوط والكوتش كمان وكنت عايز اجيب جنوط 15 بس في ناس بتقولي هيحط في الرفارف
هل الكلام ده صحيح ؟ وهل ممكن اعوض الفرق من الكوتش؟ يبقي كوتش واطع مش عالي؟ واكيد هيبقي انشف طبعا صح ؟

ممكن لو ينفع تقولولي المقاسات ؟

**تامر.محمد** · 09-05-2013 10:10 AM

بلاش 15 عشان هاتعوض الفرق في الكاوتش و العربية هاتنشف اوي
14 مع كاوتش نضيف النتيجة هاتبقى كويسة ان شاء الله , و كاوتشه 14 185 60

**shaddadfalcon1** · 09-05-2013 11:36 AM

شكرا ياتامر باشا :)

**shaddadfalcon1** · 11-05-2013 03:59 PM

انا كنت شاري عداد فيه rpm وقلت للكهربائي يوميها يشوفه شغال ولا لآ قالي لا تمام وشكله كويس وبتاع والنهارده لما جه يركبه قالي ده خفيف وعايز يتغير منه لله بقي

هو اخد سلكه ووصلها بحاجه من جنب المكنه من عند الكويل كده وكان العداد لما افتح الكونتاك بيقف علي 1 (rpm ) مش علي صفر ولما ادور العربيه بيبقي بيطء جدا

هو عداد لحد 220 وال rpm فيه علامه خضراء من بعد ال 2 لحد ال 2.5 والدواير اللي فيها العدادات بلون تاني رمادي وشكلها حلو قوي غير التاني اللي هو 200 بس وكله لون واحد شبه بتاع النص

هل كده فعلا العدادات دي باظيه ؟ وممكن لينك لاي موضوع بيشرح ازاي اركب العداد ده علي اللانوي النص؟ عشان كهربائي تاني فضل يفتي ويقولي هو برده مش هيبقي مظبوط عشان الكامله بيبقي فيها مكنه للعداد بتاع ال rpm وانت هتوصله بسلكه ومش عارف ايه

افيديوني افادكم الله عشانا انا راجع مش طايق نفسي

**shaddadfalcon1** · 12-05-2013 12:51 AM

فين الردود ياجدعان

**shaddadfalcon1** · 12-05-2013 08:34 AM

المشاركة الأصلية كتبت بواسطة algazar2

كان فى موضوع للعداد ده و هو فى الغالب بيبقى ليه حساس على الفتيس

الماتور ده انا حاسس سعره مبالغ فيه بصراحة

مبروووووووووووك على الابواب و الحاجة كلها بس حاسس ان سعرها زياده شوية

ماهي غاليه فعلا بس ده عشان موضوع الدولار ولقيتها غاليه في كل حته ودي الأسعار بعد الفصال كمان