ركبة هيونداى اكسيل

**mohameda73** · 28-04-2013 12:49 AM

عندى مشكله فى العربيى بتحدف يمين ولما كشفت عليها لقيت الركبة اليمين مكسورة
الراجل قال نعملها زرجينه وخوصة حديد تربط الركبة اليمين بالشمال
المهم انا مش عارف اعمل الخوصة دى ولا اغير الركبة احسن
ويا ترى الركبة دى بكام؟
يا جماعة يا ريت اللى يعرف يرد عليا الموضوع دا معكنن عليا وحاسس ان العربية بقيت معيوبه مع انى محافظ عليها اوى ومش مخليها ناقصه اى حاجه
شكرا على الرد مقدما

**magyver** · 10-05-2013 04:55 AM

اولا الشرخ اللي عندك دة في كل العربيات الاكسيل ومايعملش حدفة خاالص
ممكن يكون عندك حااجة تانية روح لعفشجي تاني وشوف هايقلك اية

**mohameda73** · 11-05-2013 01:04 AM

الف شكر يا حبيبى على الرد
يعنى الاول اروح لعفشجى ولا اروح لبتاع زوايا وهو يقولى فيها ايه
ومعلش الشرخ دا الحمه ولا اسيبه حتى لو هو مش السبب

**mrastra** · 12-05-2013 02:38 PM

مهو الشرخ دة اكتر عيب فى الاكسيل
حضرتك روح لبتاع زوايا وهو تحتها هايؤلك انت مشكتلك فى اية لو فى شغل عافشة
ولو عفشتك مظوبطة يتكل على الله ويظبط زوايا

**ahmedalaahosny** · 12-05-2013 04:19 PM

اما هو عيب ف كل الاكسيل كل ماحد يطلب نصيحة ف عربية ف رينج تلاتينات بترزعوهالوا اول حاجة ومناسبة ليك ومش عارف ايه يعني انا عملت موضوع عشان عايز عربيه تلاتينات اهه http://www.nilemotors.net/Nile/355745-a.html وجه برده اللي قالي اكسيل حد هيرد دلوقتي ويقولي ما ال 128 فيها برده مشاكل ف الشاسية وبتحتاج لحامات وانتشرت هقوله دي تكنولجية السبعينات والغلط ان احنا اخدنا التصميم زي ماهو وصنعناه تاني وعذرا لاصحاب العربية دي والطريقة اللي اتكلمت بيها بس الغريب انك وانت بتقارن لازم حد يطلعلك القطط الفاطصة وتشتري الاكسيل وتيجي تقولهم طب فيها كذا ده ف كل الاكسيل

**mohameda73** · 23-05-2013 01:49 AM

انا رحت للعفشجى ولقى كل حاجه فى العفشه سليمه وكل اللى عمله ان غير مسمار ميزان وكاوتش الميزان وشحم جلب المقصات وبعتنى لحمت الشرخ وبعد ضبط الزوايا لسه فى حدفه وصوت حكه خفيفة فى العجله اللى راكبه على الركبه المكسوره
المهم بتاع الزوايا قالى العيب فى الكاوتش الامامى غيره
وغيرته ب 750 جنيه وفعلا الحدفه دى قلت بنسبه 90% بس صوت الحكه لسه موجود ومحدش من الصنيعية عارف السبب

**mohameda73** · 23-05-2013 01:51 AM

يا جماعة اللى يعرف حل للمشكلة او يعرف صنايعى بيفهم كويس يقولى لانى كدا صرفت كتير اوى من غير نتيجه
وربنا يجازى كل اللى رد عليا خير

**mrastra** · 29-05-2013 02:03 PM

طب راجع على ارتفاع العربية من ادام زى بعض ومن الخلف زى بعض
طب الحدفة فى المشى على الطوالى ولا مع الفرامل
وطبعا لازم ضغط الكاوتش يكون مظبوط والاربعة مقاستهم واحدة

**mado83** · 29-05-2013 02:14 PM

الحدفه دى ممكن تكون من الزوايا مش مظبوطه وطالما قلت بنسبه كبيره يبقى سيبك منها دلوقتى
هتتحل لما تعرف ايه اللى بيحك
بس قولى الحكه دى عباره عن ايه لان ممكن تكون بليه عجل وانته مش عارف
وممكن تكون المساعد او السوسته سبب الحكه
ماتقلقش كلها حاجات عبيطه المهم التشخيص السليم
وممكن حاجه كمان يكون من الجنط نفسه حاول تغيره كده وشوف حط اى جنط تانى لو حتى الاستبن وجرب
الخوصه مهمه وكويسه ولكن ماتركبهاش الا لما تحل اللى عندك الاول
الشرخ قولى لحمته ازاى وبكام وياريت لو تدخل الرابطه بتاعت الاكسيل يمكن حد يكون حصل عنده نفس القصه ويفيدك