الموضوع: صوت تاكتكه بعد تغيير جوان وش سليندر واولسيهات وتم الحل ولكن !! ابيزا 94

عامود الكامه عندك تحته كوستبانات ولا تاكيهات ؟؟

المشاركة الأصلية كتبت بواسطة mohammad isdf

الأسئلة ..

1 - ما هو سبب الصوت ؟
استنى تلين شويه وأن شاء الله تظبط



2- ما هو نوع الفلتر المناسب ؟
أفضلهم فولكس علامات http://nileup.com/up/uploads/nilemotors_13671454441.jpg

3 - ما هو الزيت المناسب ؟
http://nileup.com/up/uploads/nilemotors_13671454442.jpg

وعمتا الكل شكر فى شيل الاصفر

4 - المروحة بتبدأ تشتغل بعد ما المؤشر يجيى فى النص بين العلامتين البيض .. الأولى والتانية .. مش العريضة اللى فى الأول ، وعلى الرغم انها الأول كانت تشتغل لما تيجى على العلامة البيضة الأولى .. هى بتبرد ولكن كده بيبقى فى بطئ شويه ولو الجو حر شوية معرفش هيحصل ايه !؟

أظن ده راجع لنوع ظبط الترموستات وأنتا حط مياه زرقاء g11 وهتساعدك فى الصيف وكمان هتحافظ على دورة التبريد وزودها بماية موبيل

5 - انهاردة وش الفنوس اتكسر ريحت على الميكروباص شوية .. اجيبه منين وبكام ؟
اسأل عليه عند البطل برمسيس وفتح الباب

المشاركة الأصلية كتبت بواسطة mohammad isdf

السلام عليكم ورحمة الله وبركاته

ربنا يكفيكم شر العين والحسد يا ابيزاويه

العربية 94 1300 كارب

الحرارة عليت منى وانا راجع من الشغل بشكل ملحوظ وسريع وده بعد ما نضفت الريدياتير، المهم روحت البيت لاقيتها بتغلى , سبتها تبرد .. لاقيتها محتاجه مايه كتير جدا !!

المهم ضفت المياه وعملت بيها مشوار تانى يوم عملت نفس الحوار .. روحت لواحد تانى سحبلى منها الهواء .. مشيت بيها لاقيتها سخنت جدا المهم العربية جابت جوان وش السليندر واولسيهات .. وجابت مايه مع عادم من الشكمان !!

ودتها لميكانيكى عندنا فكها لاقى ماسورة المياه محروقه وفيها خرم 2 سم !!!

جاب قطع الغيار الألمانى وركب وغير زيت كمان .. قالى جبت زيت عاده عشان يلم الوساخة ونغيره بعدين .. ومغيرش فلتر زيت

العربية دارت وظبطلى كاربيراتير عشان الخنقة اللى قولتلكم عليها .. العربية فرقت كتير ولكن فى صوت خارج من الماتور من التاكيهات من عند وش السليندر .. تاك تاك تاك تاك تاك !! وبتسرع مع سرعة العربية طبعاً ! ولمبة الزيت بترعش واحيانا تثبت شويه وتطفى لوحدها

حاسس انى راكب عربية ميكروباص جمعية !!

قالى ده بسبب ان فى لسه مايه فى العربية فى الماتور وهى هتجف خلال يومين كده .. وده سبب الصوت .. وقالى فلتر الزيت بردوا لازم يتغيير !!


الأسئلة ..

1 - ما هو سبب الصوت ؟
2- ما هو نوع الفلتر المناسب ؟
3 - ما هو الزيت المناسب ؟
4 - المروحة بتبدأ تشتغل بعد ما المؤشر يجيى فى النص بين العلامتين البيض .. الأولى والتانية .. مش العريضة اللى فى الأول ، وعلى الرغم انها الأول كانت تشتغل لما تيجى على العلامة البيضة الأولى .. هى بتبرد ولكن كده بيبقى فى بطئ شويه ولو الجو حر شوية معرفش هيحصل ايه !؟
5 - انهاردة وش الفنوس اتكسر ريحت على الميكروباص شوية .. اجيبه منين وبكام ؟

بص يا باشا
من كلامك كدة - ان المياة اتخلطت بالزيت - وطبعا دخلت في جميع اجزاء المحرك مع الزيت
كلام الميكانيكي طبعا فتي ولا اساس له من الصحة - ومن الأخر بيسوحك عشان تغيب عنه يومين - لأنه غير متخصص
المياة حتي لو لتر كامل هتتبخر خلال ربع ساعة بالكتير نص ساعة - ودي هتلاحظها في دخنة الشكمان - هل الشكمان مازال بيطلع بخار او لون الدخنة بيضاء وكثيفة ؟؟؟
لو لا
يبقي اولا وفوراً - لازم تغير زيت المحرك بالكامل - والفلتر كمان

مشكلتك الأساسية في اللمبة اللي بترعش وليس في الصوت
لأن الصوت مرتبط باللمبة - ودة معناه ان ساعة الزيت اللي في اعلي المحرك مش حاسة بضغط الزيت او الزيت مش بيوصل ليها ودة سبب ان اللمبة تنور وبناء عليها بتسمع صوت التاكيهات

بعد التغيير لو لا قدر الله اللمبة ماطفيتش او مازالت بترعش
يبقي لازم تكشف علي طرمبة الزيت - لأن كدة هيبقي معناه انها ضعيفة ومش قادرة تضخ الزيت لفوق
لأن اللمبة تنور لو الزيت ضغطه ضعيف مش لو الزيت ناقص
وطبعا تنور لو الزيت ناقص - لأنه لو ناقص هيبقي ضغطه ضعيف
لكن لو كامل وبتنور ؟؟؟؟؟ يبقي الطرمبة مش قادرة تضخ وضغطها ضعيف

بالنسبة لنوع الزيت
اي نوع دلوقتي - حتي لو شيل الأحمر 20W/50 متعدد الدرجات multi grade

بالنسبة لنوع الفلتر
اي نوع دلوقتي - حتي لو بتاع فيات

المهم ما تمشيش علي العربية ولمبة الزيت منورة او بترعش
بعد ما تطمن مع شيل الأحمر والفلتر الغير مناسب
هات حاجتها الأصلية

وربنا يكفيك شر العين - لأنها كانت جامدة اوي عليك - وماتقلقش 0 كلنا هذا الرجل
هيا العربيات الألماتي كدة - منظورة

تحياتي
وربنا يستر طريقك ويطمنا عليك

والله المستعان
،
،

ربنا يبارك فيك ياباشمهندس محمد ...
اسمحلي اضيف حاجه بس بخصوص لمبه الزيت اللي بترعش
80% من الحاله دي بتبقي بسبب حساس الزيت (ساعه الزيت)
هي عباره عن صباع فيه ثقب صغير يسمح بمرور الزيت جوه علشان يحرك
رق رقيق ,اللي بيبوظ الحساس ده ان الزيت يبقي وسخ والاشواءب تسد الثقب ده
وده اعتقد اللي حصل مع اخونا ,لو طرمبه الزيت ضعيفه الموتور هيسخن قوي
وممكن والموتور شغال تفك فتحه تزويد الزيت وتزود بايدك من الاكسراتير وتشوف
الزيت هيطرتش بره ولا لا؟ لو اتنطر بره تبقي الطرمبه تمام..