الموضوع: حتي الالماني بيحصل له كده - الحوادث مالهاش كبير

المشاركة الأصلية كتبت بواسطة Walid_M

أنا عايز أقول حاجة !!!

مما لا شك فيه ان هيونداي حدث لها تطور هايل المرحلة الاخيرة ...

لكن الألماني قصة ثانية خالص ...
كفاية تسمع قفلة الباب !!!

بصراحة محدش حيقدر الكلام ده الا لو ركب الالماني واستطعمه !!!

الهيونداي جميلة في فئتها السعرية
لكن لو دخلنا على فئة أكبر حتتعب قوي عشان تلاقي مكان ...

وبعدين تعالى نحسبها سوا ....
لو اتعرض عليك انك تاخد عربية من إثنين هدية مثلاً
والعربيتين دول واحدة النترا والثانية مرسيدس
ما اعتقدش حيبقى فيه منافسة !!!

الهيونداي حلوة ... وحلوة قوي كمان فيما تقدمه مقابل سعرها

يعني جري ونعومة وتكييف وصيانة وقطع غيار وسعر إعادة بيع !!!
كل الكلام الجميل ده يخلي الناس تحبها !!!

إنما ساعة الجد .... لو معايا ثمن الألماني وحأقدر على مصاريفه موش حافكر من أصله
العملية محسومة !!!

تحياتي

+1
هعلق بس على نقطة الصيانة وقطع الغيار واعادة البيع

زماااان كان الكورى عموما واليابانى (على اد اللى بنشوفهم هنا) عربيات بسيطة وسهلة مفهاش كهربا وتعقيد كتير وتصميم متوسط وبالتالى اسعار قطع الغيار وسعر العربية قليل ( اللانسر والكورولا لحد اوائل الالفينات كانت بتجيلنا كربراتير ) بالاضافة لجودة الصناعة اليابانى

وطبعا بما ان المستهلك المصرى عدو التكنولوجيا - فى العربيات بس انما موبايل مثلا لازم يواكب اخر التطور التكنولوجى ويبقى على الموضة - .... المهم عربيات بعيدة عن الـ electronics مع العوامل اللى فوق وبالتالى الناس كانت مقبلة على شرائهم

دلوقتى بقى ابتدت العربيات دى تشم التكنولوجيا ( بلوتوث وباركنج سينسور وفتحة سقف , حاجة فخيمة يعنى ) وابتدت العربيات دى تبقى معقدة وابتدت تغلى وابتدت قطع الغيار تغلى وابتدت الفجوة بينها وبين الالمانى - على سبيل المثال - تقل وفى بعض الاحيان بقت قطع الغيار والصيانة اغلى من الالمانى والناس عمالة تشترى

طيب ياعم دة فرق السعر كام الف مش مستاهلة وهات حاجة المانى احسن

لا اصل انا هجيب الهاى لاين فيها بلوتوث ومسند ايد وباكنج سينسور وزجاج فمية انما الالمانى هتبقى فاضية بالسعر ده

طيب ياعم هيبقى فيها abs ebd وايرباج ومش موجودين فى التانية

اصلا العربية الـ ....... فراملها جامدة مش محتاجة abs وبعدين حساسات وصيانة وايرباج تفتح ومصاريف واصلا الـ abs محتاج تكارك على الفرامل مرتين بسرعة علشان يشتغل يعنى هتكون لبست ومش هتلحق تفرمل

=========
لفت الايام وبقى فى عربيات كورى بتنزل بالحاجات اللى فيها حساسات ومصاريف دى
تيجى تكلمه يقولك لأ اصل دى فيها ايرباج واحد بس لو فتح مش مشكلة انما دى فيها 4 هفلس لو فتحوا


العربيات بتغلى وقطع غيارها بتغلى واحيانا بتبقى اغلى من الالمانى اللى مولع ناااااار والناس بتشترى ويقولك قطع غياه رخيصة وصيانتة سهلة وسهل فى بيعه


رأيي الشخصى ان كلها كام سنة وهتبدأ شعبية الكورى تقل لصالح صناعات تانية

المشاركة الأصلية كتبت بواسطة samir elshahawy

التهور ثم التهور ثم التهور
مش معني أن عربيتي فيها أي بي أس أني لازم أستخدمه أو أني أجري و بعدين أستخدم الفرامل بأقصي قوة في أخر لحظة ... ده تصور خاطئ تماما

و مش معني أن عربيتي جامدة أني أجري و اقفل العداد و أدخل بيها في حائط

المغزي من الموضوع أن توافر عوامل الامان و القوة بالسيارة لايعطي أبدا المبرر للسرعة الزائدة أو التهور في القيادة أو حتي الاستهانة بسيارة أخري لاتتوافر بها مثل تلك العوامل لأن سائق السيارة الكوري أو الصيني التي لاتتوافر بها تلك التكنولوجيا علي حد زعم البعض يدرك جيدا مدي أمكانيات سيارته و يقود بحرص زائد و قد يصل سالما أذا ماقدر الله له ذلك و أبعد عنه البعض الذين يخطئون في الحسابات

اما من يظن أنه بملاذ من الحوادث لأن سيارته تحتوي كل وسائل الامان و الدفاع و التحصين فيسرع و يتهور و يحطم كل القواعد و القوانين فهو هالك لامحالة لأنه بذلك يتحدي قوانين الطبيعة التي وضعها الخالق سبحانه و تعالي

فهمتوا المغزي من الموضوع خاصة و انا بأشوف كل يوم التهور و الاستهتار و اللامبالاة علي طرقنا اللي مش مستحملة أصلا
ربنا يكتب لنا و يكتب لكم جميعا السلامة

يعنى وسائل الامان لها لزمة ولا لأ ؟؟؟
احنا بنتكلم عن جدوى وسائل الامان مش السواق متهور ولا لأ
يعنى نفس السواق (سواء متهور ولا عاقل) ومعاه عربيتين واحدة فيها وسائل الامان والتانية لأ انهى احسن؟؟؟