الموضوع: حتي الالماني بيحصل له كده - الحوادث مالهاش كبير

ربنا يسترها علينا وعلى جميع المسلمين

المشاركة الأصلية كتبت بواسطة Samir Elshahawy

أنا ما قولتش أن مالهاش لازمة و الا كان الكوريين نفسهم ماتعبوش نفسهم و أتنازلوا عن السعر المنخفض لسياراتهم علشان يزودوها بالوسائل دي كمان

كتر خيرهم بصراحة ناس افاضل ... ده على كده نعمل للصينيين تمثال اللى تقريبا كل عربياتهم فيها الكلام ده !!!!!
يابشمهندس فى ماركات تانية من التسعينات بتنزل بوسائل امان "استاندرد" من ايام ما كان فى ماركات بتكتب الدهان الميتاليك من ضمن الكماليات
وبيبقى فى minimum مش بيتنازلوا عنه مش بيحطوا وسائل الامان مع البلوتوث علشان يبيعوا

طبعا لأ مش معني كده أنك تمشي بسرعة 200 كم / س أو تقفل العداد و تقول لي ماهما صمموها علشان كده أو تقضيها غرز و تكسر علي الناس التانية و تقول لي أصلها ثابته

ولو ان مش مبرر بس متعرفش التانى وراه ايه
واعتقد ان حضرتك ليك هنا مواضيع بتستعرض امكانيات الالنترا فى التسارع والثبات

يعني واحد شوفته بأم عيني راكب عربية وااااااااو اللي هيا (بلاش أسمها و بلدها برضه) عمال يجري و مقضيها غرز و الطريق أصلا مش مستحمل و كلنا ماشيين واحدة واحدة الكبير فينا جايب 90 بالعافية و ده معدي طاير من جنبي مش أقل من 140 , طيب هاتروح فين ما الطريق قافل ؟؟

و هووووووووووووووب طاااااااااخ طش لبس في الرصيف و مال علي جنبه و طبعا بهدل له عربيتين 3 مالهومش ذنب أنا واحد منهم الاكصطدام بتاعه لما طار في الهوا (أصل العربية متينة جدا و ماتتفكش من بعضها ههههههه) دخل تحت الأكصطدام بتاعي و كسر لي الفبرة اللي تحت

المهم وقفنا له طبعا علشان نطمئن عليه و اللي معاه
طبعا و لا أيرباج فتح بالرغم من أن العربية أتقلبت (مش كوري و لاصيني علي فكرة) و الازاز كله أتكسر علي دماغهم برضه أطمنا عليهم و طلبنا الاسعاف
المهم بأقول للبيه اللي سايق : يعني أنت شايف الطريق واقف و متنيل علي عينه , حد يدخل كده
عارفين رد عليا قال أيه ؟؟
ماهي فيها فرامل أي بي أس و أيرباجز
طيب و النبي تردوا تقولوا أيه ؟؟
و لا رد أنت بقي يا حسين

طيب ده واحد اهبل وجاهل
تقول ايه بقى على واحد عربيتة مفهاش abs ولا ايرباجز وعارف انه علشان يقف هيفرمل برجله والعربية مش ثابتة وبيجرى وبياخد غرز بردة ؟؟؟؟

الاتجاة الحديث فى الـ design ان اى عربية يبقى فيها crumple zones علشان تمتص الصدمات , زى عربيات الملاهى بيبقى فيها طوق كاوتش حوالين العربية ... تخيل لو مش موجود الطوق ده كنت هتعمل ايه؟؟


شوف هنا الفرق بين القوايم عند الكابينة وفى مقدمة ومؤخرة العربية



اى designer مبيبقاش همه العربية فى 60 داهية المهم الـ cage اللى فيه الركاب نحاول نشتت قوة الصدمة بعيد عنه علشان نحافظ عليهم , اختبارات التصادم بيقيسوا مدى تأثر الركاب والاصابات اللى حصلت مش بيعدوا كام فانوس اتكسر والا كانوا ركبوا ايرباجز للاكصدامات
صورة الـ SLR اللى حاتطها للى مخدش باله من المقصود , عربية عاملة حادثة واتقلبت على سرعة +200 كم/س واتقسمت 3 اجزاء منهم جزء كامل الصالون على بعضه مفيش فيهم قايم نازل فى الدواسة

من حوالى 7 سنين شفت حادثة اودام المنصة الساعة 5 الفجر , طريق واسع وفاضى وراجل ومراتة وبنتة فى عربية زلموكة (تمانينات) وواضح انه كان بيجرى .... دخل فى حرف الرصيف خلعه وقطع الشارع بالعرض لبس فى جولف 1 كانت واقفة خلاها علبة سردين وكسر عامود ........ العربية لحد اخر الرفرف الامامى متبهدلة بعد كده مفهاش خدش , البرابريز اتكسر من فانوس العامود لما وقع والناس سلام تماما

فى انظمة امان قبل وقوع الحادثة او لمنع او لتقليل فرص وقوع الحادثة او بمعنى اصح مساعد للسواق انه ميفقدش السيطرة على العربية ومنها انظمة الفرمل عموما وفى انظمة تانية لما بعد وقوع الحادث زى الايرباجز وقطع امداد الوقود و ................
لو الموضوع بالفانوس والاكصدام واللى برده هتلاقى فروق بين العربيات فيها كان زمان العربيات القديمة اللى من ايام ماكان الصاج ببلاش كانت خدت 20 نجمة

بالمناسبة عربية بيجو 404

طلعت فوق الرصيف ودخلت فى عامود , فردتين الشاسية كانوا قاعدين على حجر السواق , اعتقد ان العربية مش بتوصل 100 علشان نقول تهور سواق والعربية نفسها عبارة عن حديد فى حديد مش زى الجديد الفافى بتاع الايرباجز والكلام الفاضى

المشاركة الأصلية كتبت بواسطة Samir Elshahawy

فعلا .. بس انا بأجري بحساب و عامل حساب أني أمتي أعرف أفرمل و أوقف العربية و أزاي أتحكم فيها وهتلاقيني كاتب شروط في أول الموضوع لعمل تلك الاختبارات

زى ما حضرتك عارف بتعمل ايه وتتحكم فى العربية ازاى غيرك بردة كده وزى ما حضرتك مستعجل غيرك بردة مستعجل وان كان حضرتك كنت معترض على السرعة ومعترض على طريقة النقاش اللى كنت شايفها بتحرض الناس على الجرى

و علي فكرة .. كان معايا عربيات فيها اي بي أس لمدة 4 سنوات الاي بي أس أشتغل بالظبط 3 مرات بالظبط لأني بأعرف أمتي و أزاي أدوس فرامل علشان كده التيل و الكاوتش عندي عدوا ال 70 ألف و كانت حالتهم جيدة جدا

[/QUOTE]
مش مهم الـ abs اشتغل كام مرة( ماهو مش كل فرملة هشغل الـ abs علشان الناس تعرف) المهم لما اشتغل انقذك من موقف ولو بجزء بسيط ولا لأ ؟؟؟؟؟؟

الموقف اللى هتوصل ان الـ abs يشتغل مش هتبقى ساعتها بتحسب فى عمر التيل والكاوتش وساعتها مش هتفكر غير انك تدوس دواسة الفرامل للاخر وتحاول تفادى العائق قدامك وساعتها هتلاقى العربية بتلف معاك يمين وشمال عادى جدا مش ماشية فى خط مستقيم وانت ونصيبك

وعلى فكرة التحسيس الزيادة على تيل الفرامل صحيح بيوفر تيل بس بيعمل حاجة اسمها glazing بيخلى سطح التيل املس زى الزجاج وبالتالى الـ friction هيقل بين التيل والطنابير

بص هأقولك حاجة مهمة جدا قالها لي واحد كان بيعلمني السواقة زمان ..
"مش مهم تكون راكب أيه و أمكانيات عربيتك أيه , المهم أزاي تعرف تسوق و توصل بأمان"

[/QUOTE]
لامبورجينى راكبها حمار مش هتفرق عن الـ 128 غير انها ممكن تحافظ شوية على الحمار
انما 128 راكبها شوماخر مش هتبقى لامبورجينى

صحيح ان السواقة فى المقام الاول بتعتمد على السواق ولكن لاشك ان امكانيات العربية بتساعده وصحيح ان مش كل الناس معاها عربيات وكل واحد حسب امكانياته بس لما تبقى امكانياتى تسمحلى انى اجيب حاجة فيها شوية وسائل امان علشان تحمينى انا واللى معايا يبقى ايه المانع ؟!!

السلام عليكم

مفيش عربية تستحمل الحوادث أكتر من سرعات 140كم /ساعة غير عربيات الناسكار فى سباقات أمريكا لأن العربية بتكون مجهزة بقفص حديدى بيقلل مخاطر الحوادث