حتي الالماني بيحصل له كده - الحوادث مالهاش كبير

**Samir Elshahawy** · 28-04-2013 05:12 PM

الاخوة و الاخوات الكرام

أسعد الله أوقاتكم ..
ووقاكم ووقانا من شر الطريق و من شرور أنفسنا

كتير أوي من الناس ببتهكم علي السيارات الكورية أو الصينية و بتتهمها بالضعف و عدم وجود وسائل الامان و كل ماتيجي تتكلم يقول لك الالماني و متانته و حديده و تقله و لكن ..
هذا الكلام صراحة فيه الكثير من التجني و مخالفة الحقيقة اللي بتقول أن ربنا أدانا عقل نفكر بيه و نمشي بيه

مش معقول أكون راكب عربية مهما كانت قوتها و عايز أقفل بيها العداد و متخيل أن الفرامل ممكن تسعفني في أقل مسافة ممكنة لأن العربية ألماني و أنها لو ما أسعفتنيش يبقي متانة العربية هاتحول دون حدوث أي شئ لبدن العربية أو لي

مش هأتكلم كتير و هاسيبكوا مع الصورة فهي خير دليل علي ما أقول :

الصورة حقيقية لحادث وقع يوم 12 / 03 / 2013
بالمملكة العربية السعودية

**youssef_u** · 28-04-2013 05:35 PM

حضرتك مش متخيل السرعات اللي في السعودية و الطرق ، انتا ممكن توصل ٢٠٠كم/س و تفضل ماشي عليها فتره وانتا مش واخد بالك! وللاسف هناك بيوصلوا لسرعات اكتر من كده و فجأه يلاقوا عربية نقل يجي يطلع من جنبها يلاقي عربية ماشية بطئ ، يقوم لابس و البقاء لله

في مصر مفيش طريق يساعد عالسرعات دي ومع ذلك تلاقي كله متخيش في الحاجز الاسمنت

**bmya** · 28-04-2013 05:47 PM

العربيه دي بما انها مش في مصر فاكيد كان طاير 200 مثلا وطبعا لو اي عربيه مهما كانت عملت حادث على السرعه دي اكيد هتبقى كفته
ربنا يسترها علينا احنا بنمشي 200 بفيرنا ولانوس وسيراتو ههههههههههه

**dr.hazem** · 28-04-2013 05:55 PM

الله المستعان يا بشمهندس سمير

بغض النظر عن الحوادث...
من كم يوم كنت بتفرج على عربية مرسيدس حديثه (2007 تقريبا) والعربيه تمام ولقيت حوالين فتحة السقف صدا وصورته

الفكره ان في ناس بتعيب في عربيات تانيه كتير ولما يشوف مرسيدس فيها حاجه كده مبيتكلمش...

العربيات الجديثه كلها في رايي وسائل متحركه للموت!!!
والله هو الحافظ مع الاخذ بالاسباب...

تحياتي

**minicooper20** · 28-04-2013 07:23 PM

ما الفوانيس شغاله اهى و الشكمان زى الفل
لو كورى كان شكمان وقع من الزلموكه

**شاهين - بنز** · 28-04-2013 07:32 PM

الله يرحم صاحب المرسيدس ويغفرله
وطبعا السرعة ملهاش كبير مهما كان نوع عربيتك
و ال sl 63 amg إللي فوق سرعتها القصوى بتعدي 320 كم وشكله عمل الحادثة على سرعة مقاربة للقصوى

**MARTINDALE** · 28-04-2013 07:33 PM

مواضيع الحوادث لو هتؤخذ كمثال للمقارنه لازم تكون فيها شويه ارقام وشواهد .... يعني مثلا السرعه كانت كام ؟؟
اتقلب ولا لبس في عربيه ولا فاصل اسمنتي ؟
العربيه اللي لبس فيها عربيه عاديه صاج ولا مدرعه من النقل الثقيل ؟؟
.
.
.
لاني اعتقد ان عربيه كوري او ياباني لو اتحطت في نفس ظروف حادثه المرسيدس دي هتبقى عباره عن شظايا او ممكن يسلكوها من العربيه اللي قدامها بسكينه معجون , وطبعا لو كانت صيني ممكن تتحول لدفقه من الطاقه وتتلاشى حسب قانون اينشتاين

.

**ENG\AHMED** · 28-04-2013 11:48 PM

الصور دى لـ lamborghini murcielago والحادثة دى كانت على طريق الساحل من 8 سنين
عربية نقل بمقطورة قطع عليه الطريق على 240 كم/س
اظن الصور عايزة تتكلم :)

صاحب العربية عايش

دى بقى merc SLR
فى قطر وعلى 265
اعتقد بردة الصورة بتقول

الـ researches والخبرة ليهم تمن
ممكن تخلى سيات 133 تطلع من بورش 911 تيربو
بس فى النهاية دى هتفضل سيات والتانية لسة بورش
مع اول موقف البورش هتقف او هتطلع بأقل الخسائر فى حين السيات هتكتب "game over" على الزجاج

وفى النهاية ارادة ربنا فوق كل شئ

-

الموضوع: حتي الالماني بيحصل له كده - الحوادث مالهاش كبير

LinkBack

أدوات الموضوع

عرض

حتي الالماني بيحصل له كده - الحوادث مالهاش كبير - انشر الموضوع فى :

-

-

-

المواضيع المتشابهه

استفسار من ملاك اللوجان الاوتو بيحصل معاك كده وخش شوف افلام التوكيل

ياتري بيحصل ايه في جهاز الكمبيوتر اما الواحد يقفله وينام المصدر: ياتري بيحصل ايه في

حتي الضمان في مصر تعبان كده

الحمد لله _ السواقة مالهاش كبير

الكلمات الدلالية لهذا الموضوع

المفضلات

المفضلات

ضوابط المشاركة