المشاركة الأصلية كتبت بواسطة seri0us
الف مبروووك على العربية و ربنا يرزقك خيرها و يكفيك شرها ..
انا رايي غير الاخ اللي شارك قبلي برده انك محتاج توكيل ... طبعا لاء لان الهيونداي
الماتريكس ناس كتيرة شغالة فيها و اللي هتعمله في العربية مش تصليح حاجة
مجنناك و محيراك ... انت كل اللي هتعمله كالتالي :
* تغيير سير الدينامو و سير التكييف و سير الكاتينة
* تغيير بوجيهات و هاتها 2 شمعة و لو محتاج تغيير طقم اسلاك بوجيهات هاته ب 65 ج
*تغيير فلتر هواء و فلتر تكييف و فلتر بنزين
* تغيير زيت العربية بالنوع المناسب للسيارة و انا عن نفسي بستخدم في الماتريكس الخليجي
بتاعتي امارات مصر ال 10000 كم ب 260 ج
* تغيير زيت الفتيس و فلتره و انا برضه بستخدم امارات مصر بجيب 4 عبوات ب 120 ج و فلتر الفتيس
الاصلي ب 65 ج
* تروح لعفشجي يربطلك العفشة و يطمن على اجزائها و ان شاء الله تكون تمام و ما تغيرش حاجة .. بس لو حاسس بدبه او خبطة صغيرة في المساعد فخلي بالك دي كاوتشة ميزان الواحدة ب 40 ج بس و كتير
من الصنايعية ما بياخدوش بالهم منها و يدحلك في مساعد و بطاحات و حاجات غريبة :(
اعتقد دي الحاجات المهمة و الاولية ليها بعد شراء اي مستعمل في السيارات .. و طبعا تديها تشحيمة حلوة في مركز محترم و تغسل الصالون و السقف من جوه و موكيت الابواب ..
ربنا يوفقك و يباركلك فيها و يصرف عنك ايذاء المفسدين :))
المفضلات