اه طبعا غير كل حاجة حتى لو صاحب العربية قالك انا مغير كل حاجة و حتى لو الميكانيكي شاف انهم تمام ...
لان عربيتي برضه صاحبها قالي انا مغير زيت الفتيس و كان اخرها 140 معايا فلما عملت كل حاجة الا زيت الفتيس اخويا قالي غيره بحاجة مضمونة زي امارات مصر و هتشوف السحب و بالفعل ما شاء الله تجميعها من اساسه فرق 180 درجة عما قبل :))
و خلي بالك ان كل 10000 كم هتغير بوجيهات و فلتر هوا و تنضف بوابة البنزين لانه بيترسب عليها بلاوي من وساخة البنزين حتى لو 92 ... و بيبقى له اسبراي جميل جدا بيساعد في تنضيف البوابة ..
و يا ريت بعد كل الصيانة دي تجيب لك عبوة تنظيف انجكشن من منتجات ليكوي مولي و تصب العبوة على تفويلة تانك البنزين ... وااااااااااااااااااو بجد مش عاوز اقولك هتلاقي نعومة فائقة و توفير استهلاكي للوقود راااااااااااااائع ...
و كل 40000 كم هتغير زيت الفتيس بالفلتر بتاعه و تخلي اللي هيغيره يغسل الكارتيرة كويس و ينشفها و يخلي باله من قطع المغناطيس اللي لازقين في صاجة الكارتيرة و هم بيبقوا 5 قطع تقريبا علشان دول اللي بيشدوا الرايش الناتج من احتكاك تروس الفتيس و ابعادهم عن زيت الفتيس ...
لو داومت على اللي قولتلك عليه و اللي انا اتعلمته من المنتدى التحفة ده بجد بجد هتحس ان عربيتك احلى عربية في الوجوووووود من كتر ما كل حاجة فيها مظبوطة ع الشعرة و زي ما الخواجة قال :))
بالتوفيق و ربنا يعينك ع الصيانة الصغننة دي ... ما تقلقش مش بتاخد وقت اطلاقا من مشاغلك :))
المفضلات