صاجة التيل الخلفي ؟!!!

**heba_hassan** · 30-04-2013 02:51 PM

لو سمحت يا جماعه انا كنت قريت هنا قبل كدا عن صوت التريلا الي بيظهر في نيو صني
الصوت ده بدا يظهر عندي لما ادوس فرامل عربيتي عامله ٤١٠٠ كلم
كنت عايزه اعرف الصاجه دي متوفره في كل مراكز الصيانه ولا مراكز معينه ؟
وهي الصاجه دي موجوده أساسا ولا لسه هيقولولي هنحجزلك ولما تيجي هنكلمك !!!!
آخر حاجه وآسفه للإطالة انا بدفع فلوس للصاجه دي ولا علي حساب التوكيل ؟؟؟؟

**the_air_devil** · 30-04-2013 02:59 PM

حضرتك ده عيب تصنيع والمفروض بيتم تصليحه في الضمان ....عن نفسي توكيل السبع كلموني واستدعوا عربيتي علشان يغيروه , تكلفته حوالي 5400 جنيه بيتحملها الضمان كلها على بعضها وحضرتك مش بتدفعي قرش

حضرتك ممكن تتصلي بأي توكيل معتمد وتحجزي ميعاد وتقوليلهم انك عايزة تغيري الصاجة دي , والمفروض تكون موجودة ومحجوزة باسم حضرتك في معاد الصيانة اللي حجزتيه

بالتوفيق ان شاء الله

**heba_hassan** · 30-04-2013 05:26 PM

المشاركة الأصلية كتبت بواسطة the_air_devil

حضرتك ده عيب تصنيع والمفروض بيتم تصليحه في الضمان ....عن نفسي توكيل السبع كلموني واستدعوا عربيتي علشان يغيروه , تكلفته حوالي 5400 جنيه بيتحملها الضمان كلها على بعضها وحضرتك مش بتدفعي قرش

حضرتك ممكن تتصلي بأي توكيل معتمد وتحجزي ميعاد وتقوليلهم انك عايزة تغيري الصاجة دي , والمفروض تكون موجودة ومحجوزة باسم حضرتك في معاد الصيانة اللي حجزتيه

بالتوفيق ان شاء الله

شكرًا علي رد حضرتك
بس عندي استفسار لما اكلمهم اقولهم علطول عايزه أغير الصاجه ولا لازم يكشفوا علي العربيه الأول خصوصا أن الصوت مابيبنش غير لما امشي مشوار طويل يعني لو جربوها ممكن الصوت مايبنش - في الحاله دي المفروض اعمل إيه ؟
وشكرا علي اهتمام حضرتك

**abdulmoniem** · 30-04-2013 05:31 PM

لأ حضرتك هتقولي عايزة تغيري الصاجة ويحجزوهالك وتروحي وهما هيكشفوا وهيتصرفوا ويغيروها لو طلعت هي السبب

أنا عملت كدة وغيروها في أوتو إيجيبت ببلاش.

**Dr'AhmZZong** · 30-04-2013 07:13 PM

لو حضرتك اشتكيتي بيغيروها كده كده ..

**zambarota** · 01-05-2013 04:15 PM

السلام عليكم ورحمه الله

حضرتك دلوقتى تحجز صيانه استثنائيه نظرا لوجود صوت بالفرامل بغض النظر عن سبب وجود الصوت

طبعا هناك فى مهندس الصيانه هايقوم بالكشف على السياره وحضرتك توضحيله ان الصوت ظهر وانك سمعتى عن موضوع صاجه التيل الخلفى وهل هي السبب

لان ممكن يكون السبب الرئيسى هو تأكل التيل وتلف الطنابير

هو هايكشف على العربيه وهايشوف مصدر الصوت من الامام او من الخلف

لانى انا بعد لما ركبت صاجه التيل الخلفى كانت المشكله فى التيل الامامي

وشكرا