الموضوع: رد شركة "أوتو أيجيبت" على العضو "mmnagy"

السلام عليكم ورحمة الله وبركاته
فين صاحب الموضوع الأساسي أ. ناجي
يا ريت يشرفنا برده على هذا الأعتذار الرسمي على صفحات واحد من أكبر وأشهر المنتديات على مستوى العالم العربي .... مما يدل على حسن النيه ومحاولة لإرضاء العملاء بأي شكل.
مش مدح والله في أوتو ايجيبت ولا تقليل من حجم شكوتك ... معاذ الله لكن هي فضيلة " الاعتراف بالحق" عند مركز الخدمة وهذا من اهم أسباب النجاح.

الساده صقور نيسان و مالكى نيسان
هحكى اللى حصل
روحت اعمل صيانه ال 80 الف كم بمركز اوتو ايجبت بابو رواش وكان الاستقبال ممتاز والمعاملة ممتازه
طلب منى مهندس الاستقبال مراجعة حاله السيارة قبل البدء فى الاجراءات
بعد فترة خرج مهندس الاستقبال يخبرنى ان حاله العفشة سيئه و مطلوب تغير قطع غيار كثيرة والا فالسيارة تشكل خطر على الركاب سالته عن التكاليف الابتدائية فتعدت رقم كبير لم يكن فى حوزتى سعتها طلبت منه تغير قطع الغيار اللى انا معايا فلوسها وبعد طول انتظار يخبرنى ان كل شئ تمام والعربية 100 100
بمجرد غادرت التوكيل لقيت التكيف عطلان مع انه كان شغال رجعت للمهندس قال اصل سربنتينة التكيف مكسوره ولازم اغيرها وثمنها 1700 جنية غير المصنعية والفريون ومش هينفع يغيرها اليوم علشان الزحمة قولتلة ازاى التكيف سليم و تقرير الحاله الفنية يثبت ذلك قالى هو كده وروح اى مركز يعجبك هيقولوا نفس الكلام
مكدبتش خبر ورحت مركز تانى بعديهم ب2 كم طلبت فحص التكيف قالوا عايز شحن فقط وشحنته والتكيف 100 100 اللى حصل خلانى اشك فيهم طلبت منه فحص العفشة وكان الرد العفشة ممتازة بس عايز اغير تيل الفرامل وسالتة عن قطع الغيار اللى فى الفتورة اكدى ان قطع الغيار ده الاصلى ولم يتم فك العفشة وقال باللفذ فبريكة اكد علية ان قطع الغيار ده متغيرتش قال نعم توجهت ثانى يوم لمركز الخدمه بعد ما كلمت خدمة عملاء اوتو ايجيبت وطلبت من مندوب خدمة العملاء يجيب مهندس منعندهم يكشف على العربية وفعلا قام مهندس من الشركه باثبات حالة العربية وان قطعالغيار لم يتم تغيرها واللى عايز يتاكد ممكن يكلمهم
بعد ما الشركه اتاكدت من خطاءهم حاولوا يدونى رشوه ( فرش جلد وطقم زينون) علشان اسكت بس انا رفضت وبعت الشكوى لشركه نيسان الشرق الاوسط و رقم الشكوى 10613 وفعلا الشركه كلمتنى وتحققوا من الواقعة
واللى يحب يتاكد يتفضل الورق موجود والعربية موجوده
انا كل غرضى نحذر بعض من الوقوع ضحايا لانعدام الضمير والاستغلال للشركات

[QUOTE

السيد الفاضل عضو نايل موتورز MM Nagy

السادة الأعضاء الأفاضل
نظرا لما حملته شكوى العضو من اتهام مباشر ل شركة" أوتو أيجيبت " بما يوثر سلبيا على سمعه الشركة و رغبتها المتواصلة في أرضاء كافة العملاء قد قررت الشركة الرد رسميا على الشكوى المذكورة :
1) حضر العميل يوم الأحد الموافق 31 مارس 2013 بسيارته لوحات (- - - س د ف) إلى مركز "أوتو أيجيبت " لأجراء صيانة ال80,000 كم

2) في نفس اليوم قدم العميل شكوى مفادها انه تم احتساب قطع غيار لم يتم تركيبها فعليا في السيارة و سجلت الشكوى برقم CAS-01465-D0Q8L3

3) تم التحقيق في الشكوى و جاءت نتيجة التحقيق لتوضيح انه حدث لبس و خلط بين التقرير الفني لسيارة العميل و التقرير الفني لعميل آخر و هذا يعتبر خطاء أدارى و ليس خطا فني
4) ووفقا لسياسية الشركة قمنا بالاتصال بالعميل وعرض تعويض بمبلغ يفوق قيمة الفاتورة المستحقة لنا و كذلك قمنا بعمل اللازم نحو التأكد من عدم تكرار خطا مماثل
5) رفض العميل اى نوع من أنواع التعويض عن الخطأ و أصر على تغيير قطع غيار بقيمة (10,000) عشرة ألف جنية مصري
و بناءا عليه ووفقا لسياسة الشركة قد قمنا بكل ما يتاح إلينا عمله لإرضاء العميل و كذلك معالجة الخطأ من باب أن " الاعتراف بالحق فضيلة" إلا أن سيادته يصر على أن يحدد قيمة معينة للتعويض ذلك آو التشهير بالشركة بمختلف الطرق
ما سبق هو توضيح للشكوى و محاولة من الشركة للوصول إلى اعلي مستوى من الشفافية في التعامل و الآمر متروك لتقدير سيادتكم
كما أن الشركة تتشرف بتلقي اى شكوى أو اقتراحات على الرقم المختصر 16666

][/QUOTE]

فيه حاجة غلط و ده كلام قصاد كلام مع وجود كلام غير منطقى انتو الاتنين حكايتكم ماشية بنفس التسلسل لغاية اخر نقطة تختلفوا فيها :-
1- العربية عايزة صيانة 80 الف
2- العربية احتاجت لتغيير قطع غيار ف العفشة و الرجل دفع تمنها
3- العربية ما اتغيرش فيها حاجة و اصلا العربية سليمة و مش محتاجة تغيير حاجة الا الصيانة العادية و مركز بره قاله محتاجه تيل فرامل
4-الراجل اشتكى و انتم اكدتم على شكوته و التالى ابسط شئ التعويض برد قيمة الفاتورة
5- هو بيقول انتم عرضتم فرش جلد و زينون و انتو بتقولوا عرضنا مبلغ يفوق المدفوع و هو رفض طب رفض ليه ما هو ده كلام مش منطقى سامحنى يعنى و بترجعوا تقولوا طلب تغيير قطع غيار ب 10 الاف قطع غيار ايه اللى ب 10 بواكى عايز يغيرها و سيارته حسب كلامه و كلامكم و كلام المركز اللى راح لها بره سليمة و مش محتاجة الا صيانة ال 80 الف و تيل فرامل هما دول بيكلفوا 10 الاف

انا لو عميل و حصل ليا التالى و دا من كلامكوا انتوا الاتنين :-
1- سيبتوا ركبى ان العربية بايظة و محتاجة الافات عشان تبقى عربية
2- دفعت الفلوس اللى معايا عشان اغير اللى يمشى دلوقتى
3- استلم العربية تكييفها بايظ و هيا داخلة سليمة
4- اصلح التكييف بره بشكل محتلف عن اللى سمعته ف المركز
5- اكتشف ان عربيتى سليمة و مش محتاجة حاجة
6- اكتشف انى دفعت فلوس لقطع غيار مركبتش اصلا و ان عربيتى زى الفل و فابريكة
7- ضياع وقتى و فلوسى و ذهابى للكشف ف مركز اخر

اعتقد انى لوعميل مكان الاستاذ صاحب الموضوع و محتاج تعويض حتى يفوق ما دفعته بالفعل تعويض عن حرقة الدم و الاعصاب و وجع الدماغ اللى مالوش لزمه و مش بسببى يبقى عادى جدا و دا اقل واجب و العميل ده لو كان حصل معاه الموقف ده و لقى انصاف فالتعامل و معاملة طيبة و تعويض يستحقه بالفعل لكان بيشكر فيكم دلوقتى بدل ما يشهر بيكم زى ما بيتقال و هو مش كسبان حاجة من الاساءة لسمعتكم

المشاركة الأصلية كتبت بواسطة sas5

السلام عليكم ورحمه الله
انا اسف جدا لردكم رد لم يقعننى انكم احسستم بالخطا وسوف يتكرر الخطا مرات ومرات لانك لم تتعاقبوا العقاب الرادع - واسلوب التعاطف معكم من بعض الاعضاء هو السبب فى تخلف البلد.
مثلما واحد يخبط عربيتى واجد مائه شخص يقولون لى معلهش ماهو الذى يده فى الميه غير الذى يده فى النار.
انتم اخطاتم خطا جسيم ولايمكن ان تقول لى حدث تبديل للتقرير بالخطا.
لا هذه سرقه ويجب ان تتحاسبو من اصغر موظف الى اكبر مدير بمركز الصيانه.
لو انتم فى بلد محترم كان ممكن يغلق مركز الصيانه لفتره معينه كعقاب

الصراحة الموضوع احلو اوى ..طيب انا مش هكدب العضو والا هكدب اوتو ايجيبت لكن هيكون عندى استفسارات وشوية اسئلة عشان اوصل مين الى غلطان فعلا
اولا :- هل التقرير الى بتطلعوا اوتو ايجيبت مذكور فية رقم العربية او رقم مسلسل يدلنا على العربية المذكورة ؟
بمعنى ان لو الشخص دة معاة تقرير اتلخبط مع تقرير شخص تانى فهنقول ممكن تحصل لكن تشخيص عربية يتلخبط مع تشخيص عربية تانية دة بقى الى صعب وخطاء كبير جداا....بس عشان بردو اقول ان دة خطاء مش عن عمد يبقى محتاج العربية الى دخلت فى نفس التوقيت وظهر فيها العيوب دى واتكتب ليها انها سليمة ..ودى طبعا بيانات متاحة فى اتو ايجيبت وسهل الوصول للعميل التانى ...هنستفيد اية من كدة ؟هنستفيد ان لو خطأ غير مقصود هيخصم من رصيد اتو ايجيبت لدينا لكن لو عن عمد .....مش عارف هنخصم منين.
ثانيا : عندما قام العضو المحترم بعرض مشكلتة طلب كل الاعضاء منه ان ياتى بدليل عما قال والراجل جاب تقارير من الشركة وطلب فحص عربية على حسابة الخاص عشان يبان صحه تقرير اتو ايجيبت من عدمة ..والان شركه اتو ايجيبت اتهمت صاحب الموضوع بانة حاول يستغلها ويشهر بها فحال عدم دفعها مبلغ 10.000 او تقوم بتصليحات مساوية لهذا المبلغ (على حسب فهمى للرد) ...وعشان الحيادية وعشان احنا منتدى مالوش علاقة بحد غير الحق والحقيقة وعشان احنا طلبنا دليل من صاحب الموضوع فى البداية ...محتاجين ما يثبت كلام اوتو ايجيبت من محاوله احد اعضاء منتدى نايل موتورز وهو شخص منا مادام على حق ووجب علينا الدفاع عنة مالم يثبت العكس وعلى شركة اتو ايجيبت ان تاتى بدليل عما تقول من محاولة ابتزاز وتشهير من قبل هذا العضو
ملحوظة للسادة الاعضاء الى ابدو رائيهم بتسرع :- ابسط الحقوق هى المساواة وزى ما طلبنا دليل على صدق كلام العضو وقدمه محتاجين دليل على صدق كلام اوتو ايجيبت محدش فينا مع العضو او مع اوتو ايجيبت لكن اكيد كلنا هنبقى مع الحق