الموضوع: ترصيص و ظبط زوايا أسترا h

إمبارح و انا رايح الشغل لاحظت رعشة فى الطارة عند سرعة 120 كم و قولت كده لازم أبص على الكاوتش و ترصيصه
و بما انى شغال فى المعادى فطلعت بعد الشغل على Fit & Fix (فرع الأوتوستراد جنب سجن طرة) و طلبت أظبط زوايا و أرصص .
تم عمل اللازم و الموضوع أخد تقريبا نص ساعة و قبلهم نص ساعة إنتظار علشان كان فى عربية بتغير كاوتش :)
فيما يلى ما تم عمله طبقاً للفاتورة :
1- ضبط زوايا أمامى (قاللى الأمامى بس هو اللى محتاج ظبط) : 36.36 جنيه
2- ترصيص (تم ترصيص أربع فرد) : 54.55 جنيه
3- ضريبة مبيعات : 9.09 جنيه
الإجمالى : 100 جنيه مصرى

أكتشفت إن الكاوتش الخلفى حالته سيئة جداً و لما أشتريت العربية صاحبها قاللى لازم أغيره قريب و هو كان مغير الأمامى و مشى بيه 5000 كم (فردتين بريدجستون تورانزا ER300 يابانى) فقولت أسأل عليهم و أجيب زيهم .. طلعت الفردة عاملة 1040 جنيه (مقاس 205/50/16 )
عرضوا عليا فردة نفس المقاس بس فيرستون و كانت عاملة 775 بس أنا كنت عايز أشيل اللى قدام و أرجعهم ورا و أركب الجداد قدام و طبعا لازم اللى قدام يكونوا حاجة كويسة مش أقل من اللى ورا فلازم يكونوا تورانزا برضه !!!
المهم مشيت و حأعيد حساباتى تانى و ربنا يكرم و أجبيهم فى أقرب فرصه ..

المشاركة الأصلية كتبت بواسطة abo-berry

والله ياباشا انا بدور على نفس مقاساتك بالضبط عشان كده انا اتصدمت من سعر الفرده

انا برده أتصدمت بس زى ما قلت أنا مضطر أجيب حاجة زى اللى راكبة أو قريب منها ...
أعتقد حضرتك عندك فرصة تشوف السوق كله و تدرس كل الإختيارات المتاحة و أكيد فى حاجات برده كويسة و بسعر معقول ..بس صدقنى عوامل الأداء المتميز و الأمان و الصوت و ثبات العربية و كمان عمر الكاوتش كل دى حاجات ثمنها مش قليل و تستاهل بعض الصدمة :)
ربنا يكرمك و يوفقك انك تجيب أحسن حاجة بأحسن سعر