بسم الله الرحمن الرحيم
النهاردة كنت مسافر والعربية كانت ناقصة ماية " بس فوق min " فهى ماية خضرا ومكنتش لاقيها فى البنزينات اللى جبنى فتوكلت على الله وسافرت بيها وقولت فى الطريق ابقى اجيب ,, المهم فى الطريق وعلى سرعة عالية نسبيا لقيت مؤشر الحرارة بيعلى روحت مهدى فرامل علشان اركن على جنب واشوف ,, والله مع اول دوسة فرامل المؤشر رجع تانى للنص ومع ذلك وقفت شوية وشوفت الماية لقيتها زى ما هى ,, روحت مكمل عملت نفس الحكاية مع سرعة عالية برضوا ومع اول دوسة فرامل المؤشر يرجع يثبت فى النص ,, المهم وانا راجع من السفر لقيت الماية الخضرا وجبتها وفى الطريق عملت نفس الحكاية بنفس الشكل روحت مبطل العربية وفتحت القربة واحدة واحدة لحد ما هديت وفتختها ودورت وزودت ماية وبقت فى المستوى الطبيعى ,, المهم بعد نص دقيقة من التزويد وبعد ما مشيت عملت نفس الحركة مع سرعة ومع اول دوسة فرامل يرجع للنص وبعدين لحد ما جيت معملتش كده تانى
انا عايز اعرف ايه الرابط ما بين الفرامل والمؤشر ؟؟!!
ملحوظة: كنت لسه مغير من كام يوم طقم دبرياج عند احمد فرج ,, فهل ممكن ساعة الفك والتركيب يكون سنسور ولا حاجة فك ولا باظ ؟؟
المفضلات