صنايعية اوبل وتجارب الاعضاء

**mexmarine** · 19-04-2014 05:28 PM

زى ما قولنا على الكويس نقول على السيئ يا جماعه .. ميكانيكى على الجميل فى العصافره بحرى امام مسجد بدر .. اخره 128 .. اوعى حد يودى عربيه اوبل عنده .. و تاجر قطع غيار مضروبه فى شارع جمال عبد الناصر قبل فيكتوريا و بعد شارع محمد نجيب اسمه ايمن الصعيدى و كل شغله مضروب و لا يمت للأوبل بشيئ حسبى الله و نعم الوكيل فيه الحرامى ده

**ahmedoasis** · 13-09-2014 02:59 PM

السلام عليكم

يا جماعة حد يعرف اركب مرايات اية قابلة للطى بدل الثابتة بتاعت اوبل كورسا 98 هاتشباك 1000 سى سى

بدون مبالغة كل شهرين مرايا دة غير ان اليمين مبقتش اغيرها..رجاء المساعدة

**احمد فهمى** · 13-09-2014 06:09 PM

المشاركة الأصلية كتبت بواسطة ahmedoasis

السلام عليكم

يا جماعة حد يعرف اركب مرايات اية قابلة للطى بدل الثابتة بتاعت اوبل كورسا 98 هاتشباك 1000 سى سى

بدون مبالغة كل شهرين مرايا دة غير ان اليمين مبقتش اغيرها..رجاء المساعدة

روح الحرفيين عند بتوع الاستيراد جرب بتوع الاسترا 1998 او الموديل الاعلي

**M.A.EL-SATAR** · 30-11-2014 03:50 AM

تجربيتي مع محمد علام تجربة سيئة والحمد لله ربنا سترها
انا رحتلوا كان عندي طقة وانا بكسر العجل شمال المهم قالي بطاحات وفعلا لاقيت البطاحة للشمال مكسورة فجبت جوز بطاحات وركبتهم
قفل وقلت للصنايعي تمام قالي تمام ومشيت بالعربية مفيش اي حاجة
وبعدين وانا مروح في طريق النصر وانا بجري شوية قلت اجرب العربية لاقيت وش العربية بلعب من قدام والدركسيون خفيف قلت في حاجة مش مضبوطة قلت اروح لبتاع الزوايا
وانا داخل على المجرة عند بتاع الزوايا راحت العجلة الشمال واقعة زي ما يكون المقص اتكسر
المهم ربنا بياركوا هو الناس اللي كانت عندة رفع العربية فقالي دي البيضة ملصت من الشمعدان اتاري الباشا اللي عند علام مكنش رابط المسمار اصلا
والعجلة فلتت وخدت الكوبلن معاها ولولا ستر ربنا انا كنت زماني في خبر كان
المهم هو ركب وقالي متقلقش ظبط زوايا وقالي الدنيا كدة تمام الحمد لله انت ربنا نجاك
دلوقتى يا شباب هي خلعت البيضة دة هي والكوبلن ممكن تاثر على حاجة في العربية لاحسن الواحد خايف يجربها ويركبها منهم لله حسبي الله ونعم الوكيل
مش عارف اجربها ازاي والا اكشف عليها تاني ازاي تنصحوني باية يا شباب