احسن صنايعية في العالم

**Mr_SelvesteR** · 07-05-2013 12:34 PM

بعد قرائتي لكثير من المواضيع في مختلق المجالات وفي انحاء بعض المواقع المنتشرة وجدت انني لابد لي ان ابدأ بحملة ارفع راسك فوق انت مصري عندك قدرات فوق الكل

بصيت وقريت لقيت الي يوقل مصر مفيهاش حاجة عدلة
قريت للي بيقول متعدلش حاجة ف مصر
قريت للي بيقول الخواجة عملها كدا وانت مش هتفهم اكتر منو

احب بقي اجاوب شوية
جميع سيارات السباق بيتم التعديل عليها اكيد مش من الخواجة
في صنايعية كتير في مصر اثبتوا كفائات عالية كفاية اننا البلد الوحيدة الي بنصلح اي حاجة حتي لو مفيش معدات كافية بنبتكر معدات
ممكن تلاقي صنايعي شاطر جدا في ورشة متر في متر
مش المصري دا الي كسب نوبل وكسب اعظم حرب في التاريخ الحديث
مش المصري دا الي كسب نوبل للعلوم
مش المصري دا مثال الطب
مش المصري دا كانت الثورة بتاعته اعظم ثورة قبل متتسرق طبعا

صدقوني لو فكرنا نثق في قدراتنا بدل محنا بنقلل من قدرات بعض وبنقلل من قدر الي قدامنا هنكبر ونعلي
احنا اكبر بلد واعظم تاريخ واقدم بلد
انتـ مصــــــ،،،ـــــري

**akmm** · 07-05-2013 01:49 PM

جميل ....................... ناقص الضمير والفنش الدقيق لأى تعديل ..............

**مهند-النجار** · 07-05-2013 01:50 PM

حلو وجهة النظر دي
لو علي التعامل و تقييف قطع الغيار ولو مفيش نخترع و ما الي ذلك احب اقولك شوف كوبا
ماشيين بعربيات م الخمسينات عشان عندهم حظر للاستيراد

**a_arazik** · 07-05-2013 02:36 PM

الكلام دة كلام زي الفل

**Ahmed Nasser** · 07-05-2013 02:54 PM

كلام جمييييييييييييييل
بس اغلبنا معنوش ضمير والناس اللى حضرتك بتكلم عليهم قليلين جدااااا

**dede_dodo88** · 07-05-2013 03:28 PM

نحب أحنا نصبر نفسنا بأي حاجة حتى لو مش حقيقية.. زي كده اللي يقولك المصري ده أذكي واحد في الكون بس اللي يكتشفه!! lol

**WessamRaafat** · 07-05-2013 03:54 PM

الفكرة ازاى تثتمر الشطارة و تطلع منها حاجة مفيدة
الموضوع مش شطارة فردية و بس....الموضوع اكبر من كده بكتير
الموضوع:
1- قوانين تحترم و تتطبق على الكبير و الصغير (وفرض قوانين عمل صارمة تمشي على العامل و صاحب العمل وضمان حياة كريمة للعامل طالما انه مجتهد و منتج)
2- ثبات و مرونة القوانين (تغيير القوانين بدون داعي لا يشجع أبدا على الأستثمار وكمان لابد ان تكون مرنة لإستيعاب التطورلت المرحلية)
3- تشجيع الصناعات الأستراتيجية و الصناعات المكملة لها و صناهة بيئة مخدمة عليها
4- البحث عن اسواق جديدة لتسويق المنتجات زي أفريقيا و امريكا الجنوبية بدل ما عايزين نصدر لأوروبا و أسيا و هما سابقيننا بمراحل (بالبلدي ماتروحش تبيع المية في حارة السقايين)
5- عدم استخدام الطرق المباشرة لتوجيه طاقة الشعب لانها طرق اثبتت فشلها و استخدام وسائل ذكية غير مباشرة (يعني مثلا ماتقولوش بلاش تعليم عالي الصنعة احسن ، بدل كدة اعمل بيئة محترمة للعامل و مرتب كويس و تأمين شامل و حتلاقي الناس بتجري لوحدها على نوعية الشغل دي......مثال أخر بدل ماتقول للناس ماتخلفوش عيال كتير اعمل زي الصين و افرض ضرائب و مصاريف اعلى تصاعدية على الكفل التاني و التالت و هكذا....دا مجرد مثال مع ايماني بأن العدد مش هو المشكلة دلوقتي)
6- تشجيع العمل الجماعي للطفل و هوا صغير عشان يعرف قيمة التعاون مع الأخرين و كمان تخصيص عدد ساعات معينة للعمل الأجتماعي و الأنشطة المختلفة لأن الحتة دي عيب متأصل فينا و دايما تلاقينا بناكل في بعض سواء في الشغل او في الخارج و كل واحد هامه نفسه و بس
7- خلق القدوة الحسنة عن طريق حكومات محترمة و مسؤلين جيدين و رقابة صارمة عليهم ، تشتغل للناس فعلا و تحترم القوانين ، ماتلاقيش بوكس الشرطة مثلا هوا اللي بيمش عكسي
8- تكافؤ الفرص ، و نبطل حكاية ابن الباشا و ابن البيه لأن دي من اكبر مصايبنا....البني ادم البسيط لما يحس ان اللي بيبنيه في سنين بيعمله واحد تاني في يوم عشان قريب فلان واللا علان بيكفر بالشغل و يقوللك ماهي محصلة بعضها و كمان بيتحول لأنسان ناقم على المجتمع و احيانا مخرب ليه و بيدور على اي نهيبة ينهبها ماهي بايظة بايظة

و انا أول واد باكسر الأشارة لما سافرت برا مصر...بس لما حسيت ان الناس كلها حواليا بتحترمها انكسفت من نفسي و ابتديت اعمل زيهم

بجد انا نفسي مصر تبقى احسن بلد بس لازم الأول نعرف احنا فين...حتي لو مستوانا في الحضيض بس نعرف عيوبنا و نبتدي نصلح و نخطط كويس...و الأامثلة كتير
بس لو اعتمدنا اسلوب الشطارة و الفهلوة و المصري دا احسن واحد في الدنيا......كمل و انزل لتحت كمان لغاية محتلاقينا بنشتغل عند الفلبينيين و برضه هنقول ان المصري مافيش زيه

انا اسف انى طولت بس الموضوع يستاهل....لازم نغير ثقافتنا و نظرتنا لنفسنا و للعالم حوالينا و نبقى واقعيين
وللامام يامصر

**Mr_SelvesteR** · 07-05-2013 05:25 PM

المشاركة الأصلية كتبت بواسطة akmm

جميل ....................... ناقص الضمير والفنش الدقيق لأى تعديل ..............

موجود والله بس المشكلة ان احنا بنقول علي الناس دي حرامية فلوس او معندناش ثقة في حد

**Mr_SelvesteR** · 07-05-2013 05:30 PM

المشاركة الأصلية كتبت بواسطة مهند-النجار

حلو وجهة النظر دي
لو علي التعامل و تقييف قطع الغيار ولو مفيش نخترع و ما الي ذلك احب اقولك شوف كوبا
ماشيين بعربيات م الخمسينات عشان عندهم حظر للاستيراد

الاجة ام الاختراع والمصري معروف بجبروتو هههههههههههههههههاي :d

**Mr_SelvesteR** · 07-05-2013 06:04 PM

المشاركة الأصلية كتبت بواسطة مهند-النجار

حلو وجهة النظر دي
لو علي التعامل و تقييف قطع الغيار ولو مفيش نخترع و ما الي ذلك احب اقولك شوف كوبا
ماشيين بعربيات م الخمسينات عشان عندهم حظر للاستيراد

الاجة ام الاختراع والمصري معروف بجبروتو هههههههههههههههههاي :d