السلام عليكم..أنا هدخل في الموضوع علي طول..
أنا عندي 26 سنة..من زمان وأنا مهمل في موضوع الأكل والوزن الزيادة لحد 3 شهور فاتوا..تعبت ساعتها وجالي مشاكل هضمية وعملت منظار وأفلام كده وماشي علي علاج بقالي شهرين والحمد لله في تحسن مستمر..

حالياً وزني نزل كتير.ومبقتش تخين زي زمان وده طبعاً بعد النظام الغذائي العنيف اللي مشيت عليه مجبر عشان أخف.

طيب أنا دلوقتي عاوز أنتهز فرصة نزول وزني وعاوز أعمل جسم رياضي كويس.مش عاوز عضلات ضخمة.يعني مش عاوز نظام كمال أجسام.لا عاوز جسم متقسم و عضلات شكلها كويس ومظهر صحي.

الأدوات المتاحة :-

- ممكن أوفر ساعتين في اليوم وقت.
- عندي مشاية كهربة بسرعات وفيها حزام هزاز قوي.
- مجهزة إني ألعب عليه سويدي.

نفسكم معايا بقه وساعدوني بخبراتكم..ولو في حاجة لازم أعملها عشان أكون جسم صح قولولي عليها..برجاء مشاركة الخبراء في هذا المجال أيضاً.

ويا سلام بقي لو تحددولي متوسط وقت عشان أوصل لنتيجة كويسة ومزهقش.شكراً