انا هحاول هبسطلك الموضوع خالص ,,,,,
المشكلة مش مشكلة نوع الرياضة اللى هتلعبها , المشكلة ف المواظبة
اى رياضة هتلعبها (شوف انت بتحب ايه ) هتفيدك المهم تواظب عليها يعنى تدى الموضوع اهمية بحيث انه يبقى life style
تقريبا كدة انا لعبت كل الرياضات اللى ف الدنيا و دول اكتر حاجة حسيت معاهم بنتيجة
- الجرى , رياضة ممتازة ف نظرى هى الافضل و سهل تمارسها ف اى حته و مش لازم sprint , المهم ان الجرى يكون متواصل مش 100 متر و تريح و 100 كمان و تريح و مهم انك تحسب لنفسك جريت كام كيلو او كام وقت حتى لو هتبدا من 3 دقايق و ياريت يكون الجرى ف تراك مش ع اجهزة
- السباحة , حلوة اوى و بتدى جسم جميل و مشدود خاصة انك بتقول انك بتحبها و خاصة اننا داخلين ع الصيف , و برضة تاخد الموضوع جد و تحسب لنفسك عملت كام كيلو متواصل
- الجيم , فى ناس كتير مبتحبوش الا انى بحبه جدا (عشرة اكتر من 5 سنين ) , لو كنت عايز تخس اجرى الاول لحد ما تنزل و بعدين روح جيم و بلاش حوار التخسيس ف الجيم و بلاش سونه و ابدا باوزان مرتاحة خالص عشان ماتكرهش الجيم
لكن
بلاش تبدأ بتمرينة سوبر ف الجيم لان دى مرحلة متقدمة
ابعد عن احزمة التخسيس اللى بتستخدم كهربا
انسى حكاية الرياضة اللى ف البيت
ظبط اكلك , الكمية و المواعيد ,,, و طول ما انت بتلعب رياضة فالمهم نوعية الاكل اكتر من كميتة
بلاش تاخد مكملات من الجيم خاصة الهرمونات بانواعها ال 2 و العب طبيعى احسن , الموضوع دا انا بحثت فيه للصبح و درسته كمان ف الكلية و عارف انا بقولك ايه و لو انت مصر فا ممكن نتناقش ف الانواع اللى ممكن تتاخد بس الافضل بلاش
حاول تريح يوم واحد ف الاسبوع او يومين بالكتير و ياريت اليومين مايكونوش ورا بعض و هتلاقى نتيجة ف الجرى بعد اسبوع واحد , هتحس بانك بتتنفس احسن و مش هتتعب لو طلعت سلم او عملت مجهود , السباحة هتلاقى منها نتيجة بعد فترة اطول شوية , بالنسبة للجيم هتحس بنتيجة بعد اول شهر و بعد 6 شهور هتكون واحد تانى ان شاء الله
المفضلات