بص ياباشا :) الايدل كنترولر زي ما قولتلك هو بيظبط عدد لفات الموتور مع الاحمال وبدون الاحمال
يعني مثلا الطبيعي انك لما بتشغل التكييف بتلاقي عدد لفات الموتور بتزيد
لانها لو فضلت على معدلها كانك مش مشغل تكييف هتلاقي العربيه بترعش على السلانسيه
وعشان كده في العربيات القديمه (المكيفه) كان الميكانيكي يعلى الموتور شويه عشان لما تشغل التكييف ماتحسش بالرعشه بتاعت السلانسيه وكأن العربيه هاتفصل
ولما العربيات بدأت تطور شويه وبدأ يبقا في حقن الكتروني و و و عملوا الايدل كنترولر عشان يعوض الفرق (تلقائياً) في لفات الموتور مع الإحمال (التكييف) وبدون الأحمال
وفي ضوء ما سبق :) يتضح ان الايدل كنترولر لو مش متظبط العربيه هاتدور عادي جدا لكن مش هايقوم بوظيفه انه يعوض الفارق في عدد لفات الموتور مع الأحمال وبدون الأحمال وهتلاقي العربيه بترعش على السلانسيه
معنى ان في رشاش (او اكتر) بيسيل هو نفس فكره العربيات القديمه بردو لما بتكون شرقانه
بس في حالتنا هنا بيكون في رشاش (كانه شرقان) لانه منزل كميه بنزين ازيد من اللازم , والرشاشات الباقيه مستعدين للشغل عادي
ولما بتدوس بنزين بتخلي معدل ضخ البنزين في الـ 4 رشاشات تقريبا متساوى او متقارب من بعضه ومع بدايه المارش العربيه بتلقط على طول
اتمنى اكون قدرت اوضح ويكون كلامي سليم , ولو في خطأ اكون شاكر جدا للتصحيح من الزملاء عشان الكل يستفيد
المفضلات