ناوي اشترى بيكانتو وعايز نصيحتكم

**amrswira** · 18-08-2008 04:00 PM

السلام عليكم

دي اول مشاركة لي في المنتدي وكنت عاوز مشورتكم.
انا معايا ريجاتا 85 بدون تكييف, هيه عربية حلوه وقويه بس كبيرة اوي بنزين وحجم عشان كده ناويت ابيعها و احط تمنها مقدمة بيكانتو بس حاسس ان البيكانتو حتكون صغيرة من جوه وبتحك في المطبات الحلوة بتاعتنا ومش عارف ايه نظام المسافات الطويلة عشان انا بعمل 40 كم يومياً (ع الطريق الدائري) وعايز اعرف ايه الفروق بين الكملبات الهاف و الفول.

جزاكم الله خيراً

www.amrswira.com

**shery103** · 18-08-2008 05:25 PM

البيكانتو واسعة بطريقة مش ممكن من جوة على فكرة ، و دى عبقرية التصميم ، انها من برة متبانش انها واسعة من جوة خالص

تركب جوة ... حاجة تانية خالص ، واسعة جدااااا و مريحة اوى و بجد سواقتها ممتعة

و بالنسبة للفرق بين الهاف و الفول ، الفرق فى السنترلوك و ازاز كهربا ، بس كده

انا شخصيا مفرقش معايا الاتنين دول ، فوفرت 3 الاف جنيه و جبت كاسيت جامد
مكانتش هتفرق معايا غير لو مثلا الهاف نازلة من غير باور ، انما الباور اساسى فى كل الموديلات و كمان فى ال 2008 الباور كهربا ، و ناعم موووووووووت

بجد عربية محترمة جدا و زى الفل

**amr_elrashidy** · 21-08-2008 11:29 AM

احب اقولك لحضرتك توكل على الله العربية اكثر من ممتازة و عالية عن مطبات مصر لانها مهما حملتها مش بتريح لتحت خالص..الباور ناعم جدا حتى الموديلات القديمة الباور بتاعها زيت برضو هايل جدا..عيبها الوحيد خلى بالك منه جدا ..تعتبر مفهاش شنطة..لانها صغيرة جدا جدا..بس فعلا الصالون واسع جدا يشيل 5 قاعدين عادى جدا جدا..تكييف رائع..2 قزاز كهرباء..عفشتها كويسة بس خفيفة شوية مش حتحس انها عربية تقيلة على السكة بس ثباتها كويس اوى على السرعات..اتمنالك التوفيق