الموضوع: مياه الردياتير g12 plus plus

10% يعني لتر مياة تبريد قدام كل لترين ونص مية تقريباً او تلاتة تقريبا.
30% يبقي لتر مياة تبريد قدام قدام ٢ لتر مياة مقطرة.
عشان كدا طبيعي انك تلاقي درجة التجمد -٤ اللي هوا رقم تعبان وطبعاً اللي يقراه هيفكر انو مش مهم بالنسبة لنا.
بس قدام الرقم دا درجة غليان المية نزلت من ١٢٠ ل ١٠٠ او ٩٥ تقريبا ودا اللي مهم ومش كويس.

عشان كدا بيبقي أفضل طبعاً لو تجيب مياة تبريد بتركيز ٣٥٪ والباقي بيبقي مقطرة.
او تجيبها انت مركزة وتخلطها بلترين مياة مقطرة قدام كل لتر. وتبقي مسكت العصاية من النص.
او تخليها ٥٠:٥٠ يعني لتر مياة تبريد قصاد لتر مية مقطرة ودي افضل حاجة من وجهة نظري عشان اعلي درجة الحرارة اللي المية بتغلي عندها ومتسخنش بسرعة.

و IADA حلوة طبعاً وانا بفكر اجربها واشوف هتبقي كويسة ولا لأ. وشكرا علي مكان البنزينة اللي عندها.
وبالنسبة للمية ال g12 لو عايز تحطها بتركيز ٥٠:٥٠ وانت عارف ان العربية هتاخط ٥.٥ لتر
يببي هتحط لترين ونص مية تبريد ولترين ونص مياة مقطرة. بعدين ربع وربع من كل واحدة.
وعشان تحطهم الصح انت بتبدأ الاول بلتر مية تبريد وبعده لتر مياة مقطرة. عشان يبقي المكس مظبوط. بعدين تكرر العملية تاني. يبقي كدا ٤ لتر بعدين تمشي نص لتر بنص لتر عشان تظبط التركيز.