الموضوع: مياه الردياتير g12 plus plus

G33 دي لبيجو وسترويوين ولونها برتقالي. وهيا اللي موصي بيها للعربية عشان كدا كنت بدور عليها.
وبما انها مش متوفرة ف ممكن احط المية الحمراء بتاعت VW طالمها فيها OAT.

و بالنسبة لقصة التركيز فالحتة دي محتاجة جزئية تتوضح.
ان مادة الاثيلين جليكول الي بتمنع التجمد او بتخفضة ل 30- لو موجودة بتركيز 50:0 مع المبة هيا نفسها اللي بترفع درجة غليان الماء. مش مادة تانية. الأضافات التانية زي مانت وضحت لمنع الصدأ والرغوة وتزييت طلمبة المياة. بس مفيش حاجة تانية بترفع درجة حرارة الماء غير الايثيلين جليكلول.
فا كل ما يزيد التركيز بيخفض درجة التجمد اكتر وبيرفع درجة حرارة الغليان معاه.
فهيبقي مهم بالنسبة للصيف عندنا ان التركيز يبقي اعلي زي ماهو هيبقي مهم للدول اللي درجة الحرارة فهعا بتقل تحت الصفر بالكتير.
لان خليط من المية مع الايثيلين جليكول 50:50 بيخفض درجة التجمد لحد 30- زي مانت قلت بالظبط وبيرفع درجة غليان الماء ل ١٢٠ سيلزيوس.
ولو قل التركيز وبقي ايثيلين جليكول ٧٠:٣٠ للماء فالدرجة هتننزل ل 15- تقريبا مش فاكر ال Chart بالظبط دلوقتي.
طبعاً مش مشكلة بالنسبة لنا ان خفض درجة التجمد يقل. بس المشكلة ان درجة الغليان هتقل من ١٢٠ سيلزيوس لرقم اقل.
فعشان كدا كنت بدور علي حاجة بتركيز 50:50. او حاجة مركزة واحط قدام كل لتر من مياة التبريد لتر مياة مقطرة أفضل ما اشتريها متخففة.


المهم تركيزها كام يا باشا.
وجبتش ليه مية مركزة وزودتها انت عشان تستفيد بالتركيز.
وممكن تقولي جبتها منين بالظبط لاني مش لاقيها عند اللي روحت لهم.

وياريت لو استاذ حسام يقولي جاب ال IADA برضه منين عشان اشوفها قبل ما استري لاني سمعت انها افضل. لكن تركيزها قليل جداً. ١٠٪ تقريباً.؟