الموضوع: بجد محتار اوى وعايز مساعده ضرورى

الألنترا لو هيا جايه من كوريا هقولك اشتريها وتوكل ولكن غبور صناعته زفت وهيا ليست صناعه وده أصلا مثل صغير لصناعة بلدنا العزيزة

هوة مش الألنترا تقفيل كورى ؟

أنا من رأيي أن التويوتا لا وجود لها في مصر سوى الكورولا فقط ( قطعة من الذهب ) لكن كل موديلات تويوتا الأخرى لا سوق لها في مصر على الإطلاق ، التيرسيل كانت معدلة من الكورولا ومع ذلك ماتت والإيكو والياريس نفس السيارة ، حتى التويوتا القديم الكريسيدا والكورونا والكراون لا تجدها في مصر ، وسعرها أقل من الكورولا القديم أو في مستواه ، وتقيلة جداً في البيع ، وقل ما شئت ، لذا أنا أنصح بالكورولا فقط هي التي ينطبق عليها كل ما نعرفه من روعة التويوتا ، برستيج مناسب ، صيانة متوفرة ، قطع غيار معقولة ، سعر إعادة بيع هايل .
لذا فنصيحتي هي الإلنترا وخاصة أنها تقفيل كوري 100% ولا دخل لغبور بصناعتها أو تقفيلها .
تقبلوا خالص مودتي

أ. ابو عبد الله كتب :

الألنترا لو هيا جايه من كوريا هقولك اشتريها وتوكل ولكن غبور صناعته زفت وهيا ليست صناعه وده أصلا مثل صغير لصناعة بلدنا العزيزة

حبيبى ابو عبد الله , اول مره اختلف معاك و اول مره اقول يا ريت نتأكد من اللى بنكتبه قبل ما تكتبه علشان فى ناس ممكن تأخد الأراء على اساس انها اراء مصدقه ...... الألانترا من موديل التسعينات حتى الأن كورى 100 فى 100 و غير مجمعه هنا بمصر و ليس ليها اى علاقه بغبور سوى انه الوكيل و بيبعها زى ما بتجيله ما عدا الأنذار و السنسورز و وحدات رفع الزجاج و الكاسيت هم اللى بيركبوا هنا .
و بالفعل الأن فى اوروبا و امريكا لا يوجد اختلاف اسعار ما بين الكورى و اليابانى و لا اختلاف كفاءات حيث ان الأثنين يتساوا فى مرتبه واحده .

ا.حسام منير كتب:

صديقى العزيز ... صدقني نفسي أشوف الطرق اللي فى مصر اللي الواحد ممكن يسوق فيها على سرعة 200 كم / ساعة دى لا وطول السكة ... علشان تقدر توصل أسكندرية فى ساعة ....

باشا صباح الفل عليك اولا , ثانيا المسافه بتاعت طريق مصر اسكندريه تقاس من البوابه الى البوابه ( toll station)
و علشان كده ممكن تاخدها فى ساعه و ممكن ساعه الا ربع كمان , بالنسبه للطرق اللى ممكن تسوق على السرعه دى ( الصحراوى , الدائرى , المحور , الطرق مابين القاهره الغردقه , القاهره شرم , القاهره السويس , القاهره الأسماعيايه , داخل مدينه العبور , الطريق الدولى الساحلى , طريق العلمين , طريق اسكندريه مطروح , طريق اسكندريه كفر الدوار (زراعى) , صلاح سالم ناحيه المطار , ساعات كوبرى 6 اكتوبر ) عموما كل الطرق دى ممكن تمشى فيها من 160 الى 210 ......... بس طبعا بالنسبه للطرق الداخليه اللى ذكرتها هاتهدى كل شويه بس الطرق الخارجيه ممكن تفضل ثابت على سرعه عاليه لقله الكثافه المروريه فيها .
ملحوظه : لو لقيت عربيه سوده الساعه 8:30 الصبح معديه من جانبك على160 - 180 فى الدائرى يبقى انا ههههههههه و ربنا يستر

معلش خدمه تانيه ياجماعه..أنا روحت المصريه وكنت ناوى على الياريس( كنت ناسى ان فى النترا ) المهم الموافقه بتاعت البنك وصلت الحمد لله
بس الموظف اللى فى المصريه قالى انه كلم التوكيل والتوكيل رد عليه وقاله ان مفيش النترا مانيوال متوفره حاليا وانه لسه فى شحنه هتيجى قدامها شهر او اتنين....وان الياريس موجوده لو عاوز استلم

أنا بصراحه شاكك فى الكلام ده وخصوصا انه قالى سعرها 95 يعنى استلام فورى..وحاس انه عاوزنى استلم اللى عنده وخلاص
بس عشان مظلموش عاوز أتأكد......فياريت لو حد يقدر يساعدنى ويعرف حد فى مبيعات غبور يكلمه يسأله أو لو يدينى رقم التلفون بتاعهم وأنا اتصل اتأكد
لان مش معقوله اروح استلم الياريس عشان هو بيقولى انها المتوفره
ومعلش متقل عليكم يا شباب
بس انتوا اللى بتطمعوا الناس فيكوا بصراحه بقى :lol: :lol:

أستاذ عبد الله أرجوا أن يتسع صدرك لكلامى الأتى :D :D :D

وخلي بالك اني راكب نوبيرا وعندي وبحبها جدا ولكن لها عيوب ومنها ( الفرامل و الأسكتره بتاعت الدركسيون و العفشة ناشفه مش زي الياباني
و بلية الدينامو الفيبر اللي لا العربيه سخنت بسبب وصلتين فيبر اتكسروا وسربوا الميه بتاعت الرادياتير كلها مما ادى بالتالي الى فرت بلية الدينامو
وبالتالي تم تخريب سير الكاتينه وهكذا وده حصل فعلا معايا )

مش معنى إن مشكله حدثت مع سيادتك فى عربيتك الدايو يبقى تعمم المشكله على السيارات الكورى كلها و يبقى عندك إنطباع عام عن الكورى إنه و حش أوى كده ... على فكره و لله الحمد أنا لما بذهب لتوكيل غبور كل حاجه بتتعمل فى السياره زى ما أنا عاوز بس مشكلته الوحيده هى الوقت الطويل فى الأنتظار

انا بصراحه لا أثق في منتجات غبور يعني من الاخر علشان الناس تفهم صح ومتعقدشي تقول الياباني ومش الياباني

الألنترا لو هيا جايه من كوريا هقولك اشتريها وتوكل ولكن غبور صناعته زفت وهيا ليست صناعه وده أصلا مثل صغير لصناعة بلدنا العزيزة

متهيأ لى أستاذ شريف رد على سيادتك فى الجزء ده ... و بحب أؤكد لك أيضا إنها كورى 100%

أنا مثلا وانا بشتري سيارتي كان امامي الألنترا وفضلت أجيب السيريون عنها يعني الموضوع بيرجع لشخص المشتري
انا بصراحه أشتري الياريس ولا أشتري الألنترا لأني بحب الحاجه الجيده اللي متعملشي حركات نص كم وده انا بلاقيه في الياباني ............

و على فكره برده أنا لما كنت بشترى سيارتى كان أمامى السيريون و الياريس لكن الأثنين ما أستريحتش لهم و زى ماسيادتك قلت دى أزواق شخصيه و أهواء ... مش حكاية يابانى و كورى ... و الحمد لله سيارتى معى منذ 28/12/2006 و حتى الأن ما شاء الله لا قوة إلا بالله زى الفل و لم يصدر منها أى دقة نقص مثل ما حضرتك بتقول عن الكورى ... و مش هانقول علشان دى 2007 يبقى لسه ما ظهرش فيها عيوب ... لى زميل معه ألنترا 2004 و ماشاء الله السياره زى الفل ما فيش فيها أى مشاكل...

فى مره من المرات كنت أغسل سيارتى فى المحطه و كان هناك شخص بيغسل سيارته أيضا و لا داعى لذكر نوعها كان بيسب و يلعن فى التوكيل و اللى عملوه معاه و كان توكيل يابانى على فكره ... فهل معنى كده إن كل التوكيلات اليابانى سيئه بالطبع لأ