الموضوع: سلام كبير لتجار سوق السيارات

السوق ده سيىء جدا و معظم عربياته سيئة جدا و معظمهم هناك نصابين بلاش حد يروحو اصلا

المشاركة الأصلية كتبت بواسطة lad

السوق ده سيىء جدا و معظم عربياته سيئة جدا و معظمهم هناك نصابين بلاش حد يروحو اصلا

عندك حق وكلامك مظبوط
لو حد راح من غير ما يكون فاهم وعنده خبره فى العربيات هيتنصب عليه من غير كلام علشان كله هناك تجار فى تجار

المشاركة الأصلية كتبت بواسطة m.ayman

ناس انتهازيين جدا و اي كلام و كدابين و عبر الدنيا و الاخره فيهم ، و بلاش حد يتعامل معاهم الا لو فاهم قوي انه يطلع ال ١٪ المحترمين -و هما زباين عاديه مش تجار- اللي وسط ال ٩٩٪ من النصابيين اللي مسميين نفسهم تجار ، رحت مره مع اخويا هناك و من كتر ما الراجل اتخنق مني علشان بقفل عليه شغله الرخيص بقي عايزني امشي باي شكل علشان يرتاح مني و يلحق يخلص حالا في العربيه ..... فعلا البعد عنهم غنيمه

انا معاك فى كل كلامك
علشان كدا حبيت احذر منهم لحسن بعد ما تشترى انسا انك تعرف تعمل معاه حاجة حتى لو العربية فيها العجب

المشاركة الأصلية كتبت بواسطة lad

السوق ده سيىء جدا و معظم عربياته سيئة جدا و معظمهم هناك نصابين بلاش حد يروحو اصلا

اى نعم..!!!

انا واحد من اللى اتنصب عليهم عن جهل للأسف الشديد بس قدر الله وما شاء فعل

المشكلة ان المظاهر ماعادش ينفع بيها تحكم على حد

الراجل اللى باعلى العربية عنده زبيبة صلاة وكان شكله محترم وشغل "وعهد مين ده.." و "اقسم بالله"
وفى الاخر العربية طلعت مغيرة نص كامل

أنا أشتريت عربيات كتير من تجار و من غير تجار يعني مش بتفرق معايا خالص
المهم أبقي عارف أنا بأشتري أيه و بكام أو بالعكس عارف بأبيع أيه و بكام
و زي كل فئة من البشر فيه الكويس و فيه الزفت المهم أنك تقفل ودانك تماما من البائع سواء كان تاجر أو شخص عادي
يعني الصح أنك تدرس العربية كويس قبل ما تبدأ حتي خطوات الشراء و تعرف العيوب الشائعة فيها و تعرف كويس جدا أنت لازم تبص علي أيه و لو مش حاتعرف تعاين السيارة كويس يبقي تجيب حد ثقة يعني مش يبيعك للبائع و يقنعقك بأن العربية سليمة و تتطلع مضروبة في قطار و لا مغيرة نصف و الأفضل أنك تكشف عليها في مركز محايد و محترم حتي و لو سعر الكشف غالي
أما الفصال و السعر فأنا بأكون مباشر تماما مع البائع يعني بأقول له أنا حأدفع كذا بغض النظر عن هو طالب كام
لو يمشي معاه أهلا و سهلا لو مش موافق يبقي سلامو عليكم و خلص الحوار
يعني قصدي أقول أن موضوع التجار ده ليس ذو أهمية و بالذات أن السوق في مصر مليان عربيات و مافيش مشكلة عرض
المشكلة بتكون أن بعض التجار بيبقي معاهم عربيات نادرة و بحالة جيدة بس طبعا عارفين قيمتها السوقية كويس جدا و مغالين في سعرها (لقلة العرض منها) في هذه الحالة أنت أمام خيارين لا ثالث لهما :
تدفع بعد ما تحاول تفاصل شوية أو تسيبك من العربية دي تماما و ده الأختيار الأفضل
عموما قرارك بيتحدد طبقا لأحتياجك لهذه السيارة تحديدا

الظروف الأقتصادية الحالية و أرتفاع سعر الدولار و كمان أرتفاع العربيات الكوري (مش عارف ليه) عمل حالة عدم أستقرار في السوق يعني العربية أللي بخمسة قروش النهارده يمكن تتباع بكره بأغلي من كده فأكيد ماحدش حايقبل فكرة الفصال
كل ده ظروف سوق العربيات في مصر عموما بغض النظر عن تجار أو غير تجار