بص يا دكتور رفعت, مبدئياً كويس أنك منزلتش الفتيس عند مودرن سيرفس,اقتباس:
المشاركة الأصلية كتبت بواسطة dr.refaat
لأن كل اللي أعرفهم ومعاهم 307 وراحو لهم وهما عايزين يغيرو زيت بس أو عندهم مشاكل في الفتيس مظبطوش لحد الفتيس منهم وعكو الشغل,,
وفعلاً الرسالة ممكن تطلع بسبب عيب بعيد عن الفتيس,, بس دا نادر ومش في حالتك لأنك لتقول فيه تأخير في النقلات.
وطالما المهندس لاقي الضغوط عندك مظبوطة,, يبقي أنت معندكش مشكلة في البلوف,,
وطالما العربية مش بترزع معاك في الغيارات في الزحمة,, يبقي أنت معندكش مشكلة ميكانيكة تستدعي أنك تنزل الفتيس,,
والأحتمال الغالب دلوقتي إن الزيت فقد لزوجتة بسبب كيلومتر العربية العالي,, ولازم يتغير خصوصاً لو متغيرش قبل كدا فهوا دلوقتي السبب الرئيسي في الرسالة دي بسبب غربلة الضغوط.
العسكري منصحكش بيه لأني روحت له مرة ولاقيته أي كلام,, وسمعت من ناس كتير معرفة شخصية مش من عال نت أن شغلة مش تمام ومشكروش فيه, وأنه كويس بس في الصيانات الخفيفة تغيير تيل وفلاتر والكلام دا.اقتباس:
المشاركة الأصلية كتبت بواسطة dr.refaat
بالنسبة للرسالة اللي طلعت لك, دي في الغالب بتكون مشكلة الكترونية,,
بس لو مصحوبة بنتشة أو رزعة بتبقي مشكلة في البلوف اللي بتتحكم في الضغط,
حضرتك مقولتش أنك عندك أي رزعة مع الرسالة, لان النتشة العادية ما بين الأول والتاني دي مفهاش مشاكل,,
فكدا أنت في الغالب معندكش مشكلة في الفالفات,
ممكن يكون عندك الزيت ناقص مش زايد ودا أحتمال كبير,, لأن العربية عاملة كيلومتر عالي دلوقتي, ولو متغيرلهاش زيت قبل كدا أكيد الزيت خف دلوقتي وأتحرق وعشان كدا عامل برجلة في الضغوط ودا السبب اللي طلع لك الرسالة.
الحاجة التانية اللي تخلي العربية تأخر نقل الغيارات هوا الكولر بتاع الفتيس, المبرد.
ودا بيبوظ أو بيتسد لما الزيت بيتحرق أووي ومش بيبرد الفتيس بكفائة, ومكتوب حتي في كتالوج أصلاح الفتيس إن لو الزيت نزل أسود ومحروق المفروض تغير الكولر معاه.
فدلوقتي مبدئياً لازم تغير زيت الفتيس بالزيت الأصلي بتاعها,,
أووعي تحط أي زيت فتيس أوتوماتيك, ولو كنت حطيت او زودت لها زيت أوتوماتيك زي بتاع موبيل مثلا دا هيكون سبب من أسباب طلوع الرسالة دي وهيأذي الفتيس.
فدلوقتي لو مش هتعرف تنزل تغير الزيت شوف حد يجيب لك الزيت الأصلي, واللتر دلوقتي ب 100 جنيه بقي أرخص من الأول,, وهيا هتاخد من 3.50 ل 4 تقريباً. يعني هتجيب 4 علب ب 400 جنيه.
وهتغيرة وتشوف الفرق في الأداء, وتشوف الزيت اللي نزل عامل أزاي,
بعد كدا لو المشكلة أستمرت والرسالة طلعت تاني, هنشوف الكولر وبلوف الضغوط.
بس ناخد خطوات حل المشكلة واحدة واحدة,
وموضوع أنك تجيب فتيس أستيراد دي منصحكش بيها,, لأن مشكلة فتيس البيجو وستروين al4
بتكون حاجة من تلاتة,,
يا (1)تغير زيت لأنه أتمشي عليه كتير وأتحرق, وتغير الكولر معاه لو مسدود لأن دا السبب الرئيسي لتأخير نقلات الفتيس.
(2) مشكلة في البادي فالف والضغوط ضعيفة, وهتغير ساعتها البلوف, تكلفتها حوالي 1000 جنية للأتنين,
(3) مشكلة ميكانيكية في الكلاتشات الخاصة بأحكام الضغوط, وتكلفت تغيرها أقل من 1000 جنيه.
لكن كا فتيس مش محتاج يتغير,, مع العلم أنك لو فكرت تجيب فتيس أستيراد في الغالب هيكون مش إستيراد ومن عربيات الحوادث هنا في مصر وفيه نفس المشكلة دي لانها منتشرة.
دا غير سوء تخزين المواتير الأستيراد والفتيس عند التجار بيكون مرمي علي الأرض أو في نص عربية بس مركون علي الأرض برضه وده بيأذي الفتيس جداً وهتشتريه من 5000 ل 7000 علي حسب حالته بعدين تبدأ تصرف عليه تاني عشان لو حساس السرعة فيه مشكلة ودا بيبوظ من ركنتة علي الأرض ولو طلع فيه نفس المشاكل اللي عندك دي تاني هتبدأ في نفس الموال من الأول.
فا أبدء بتغيير الزيت. وهوا في الغالب مشكلتك, خصوصاً إن فتيس موديلات 2008 مكنش فيه مشاكل زي الموديلات القديمة وأفضل من كل اللي في السوق.
