ياباشا ربنا يخليك, وأكيد دعوتك ليا هحتاجها برضه :)
أنا أفتكرتك نسيتنا,,عاش من شافك, يارب تكون كويس وكل حاجة عندك تكون تمام.
بالنسبة ل اللنك اللي أنت حطيته دا فيه overview ممتاز عن تشخيص حالة عطل السولونيد فالف وغربلة الضغوط,
وباقي الملف خاص بأجهزة ال OBD اللي بتتوصل علي العربية عشان تقرأ الضغوط بتاعت الفتيس والبراميترز التانية,,
دا المانيوال الخاص بفتيس بيجو وستروين AL4, فيه معلومات كتير مفيدة لو منزلتوش لسه.
AL4 Transmission
وكان دكتور رفعت سألني عن طريقة تغير الزيت الصح سواء في التوكيل أو برة التوكيل,,
أحب أضيفها في الموضوع هنا بالمرة عشان تبقي مرجع لأي حد يحب يغير الزيت بنفسه أو لما يجي وقت تغير زيت الفتيس بتاعك amounir6666
زيت الفتيس ليه طبة تحت بطارية العربية, لازم تشيل البطارية عشان توصل للطبة دي,
وسواء هتزود زيت بس,, زي ما كان بيحصل في أحمد عمارة وأتكلمنا علي الموضوع دا قبل كدا أنو غلط, أو هتغير زيت كامل ودا الصح عشان تنزل أكبر قدر من الزيت القديم المحروق قبل ما يبدأ يعمل رأيش ويأذي البادي فالف والبلوف,,
لازم بعد ما تزود أو تغير زيت أنك تقيس الزيت اللي أتحط وبقي في الفتيس,
لأن الزيت الزايد هيعمل Overheating والناقص هيأذي الأجزاء الميكانيكة,,
والطريقة الصح انك تزود زيت قد اللي نزل بالظبط,, وبيكون في معدل 3 لتر,,
وبعدين بتزود نص لتر ب نص لتر وأنت في كل مرة بتكشف علي معدل الزيت من ال Level Plug من تحت,,
بالنسبة لطريقة تغير زيت الفتيس فيها سهلة جداً,
دا الفيديو الخاص بفك طبة زيت الفتيس, وتفريغة,
www.youtube.com/watch?v=QPaYZi6ZNYE
هيفك الطبة الاساسية ال Level Plug في الدقيقة 7:30 اللي بنعرف منه الزيت مظبوط جوا الفتيس ولا لأ,
وبعدها ال Drain Plug اللي بيتفضي منها الزيت كله من أول الدقيقة 8:35
وشوف منظر الزيت بعد ما تتفك هينزل أسود بلاك أزاي,,
دا بقي الفيديو الخاص بتغير زيت الفتيس,,
وبعدين بعد ما يتم غيار الزيت هيقيس الزيت الجديد من ال Level Plug تحت..
АКПП AL4 / DP0. Замена масла. Часть2 Проверка уровня - YouTube
من أول الدقيقة 9:10 في الفيديو, هتلاقيه حاطط ترمومتر عشان يشوف درجة حرارة المتور عشان يبدأ يفك طبة الزيت عشان يقيس وينزل الزيت الزيادة من الفتيس,, والدرجة الصح بتكون ما بين 60 ل 70 سيلزيوس وعشان كدا هوا بدأ فك أول ال 60
مهم جداً أن الفتيس ميكونش فيه زيت زيادة عشان ميعملش overheating
وأنت ممكن تتابع درجة الحرارة من عداد العربية من غير ترمومتر عادي.
في الدقيقة 9:50 هتلاقيه لما فك الطبة العربية نزلت زيت وكانت دايرة,, بس هيا كدا مش بتنزل الزيت بتاع الفتيس كله,,
هيا بتنزل الزيادة بس من ال level plug الأولاني,, وهتفضل تنزل كل الزيادة لحد ما تبدأ تنقط نقط بسيطة يبقي كدا الزيت مظبوط.
أما لو كانت العربية مبطلة وفتحت ال level & Drain Plug هتنزل كل الزيت اللي في الفتيس,
اللي هما ال 3 لتر اللي قلنا عليهم, وهيفضل جواة 3 لتر تانين في القربة.
شكل ال Level Plug وال Drain Plug من جوة الفتيس,
المفضلات