غالبا العربيه واخده هوا
لازم يتفضى أثناء ملء قربة الماء
و ياريت تستعمل ميه خضرا عشان تحافظ على الرادياتيير
عرض للطباعة
غالبا العربيه واخده هوا
لازم يتفضى أثناء ملء قربة الماء
و ياريت تستعمل ميه خضرا عشان تحافظ على الرادياتيير
ياجماعة فيه عربية ستروين معروضة عليا ب19000 موديل 94 بس انا هشتريها من صاحبها تقسيط بمقدم 10000 وقسط 1000 شهريا والمشكلة انى اول مرة اشترى عربية والمشكلة التانية انها فى اسوان وانا ساكن فى الهرم وخايف يتضحك عليا ياريت تساعدونى اعرف ازاى ان سعرها كويس بالنسبة لحالتها لانى خايف ملاقيش فى اسوان اللى بيفهم فيها وياترى لماارفعها فى بنزينة واشوف قدرة الموتور ده كفاية ؟ طيب والمفروض مايقلش عن كام ؟ طيب اشوف ايه تانى فى العربية عشان اقيم سعرها؟ ياريت د/احمد وجميع الاخوة يساعدونى وجزاكم الله خيرا
أولا السعر غالي شويه على الموديل ده بس يمكن السعر عالي عشان التقسيط
ثانيا أهم حاجه إنك تجرب تجميع و سحب العربيه
ثالثا لازم تكشف على الزيت إذا لقيته مش نضيف أو حسيت إن صاحب العربيه مهمل إحذر لو حتى حتشتريها ببلاش
لإن المهمل بتاخد من وراه عربيه خربانه و ده بصفه عامه عند شراء أي سيارة مستعمله
رابعا إختبر دورة التبريد و شوف السيارة بتسخن و لا لأ
خامسا خد بيها ملفات جامده على سرعه عاليه و إسمع صوت الكبالن لو حسيت بأي طقطقه أو ورة يبقى الكبالن على قد حالها
سادسا إجري بالعربيه و دوس فرامل طوارئ فجأه و سيب إيدك من على الطارة و شوف العربيه حتربط بعد كام متر و هل لما حتربط حتحدف و لا نظام التوجيه فيها سليم
سابعا حط فرامل و دوس بنزين على الآخر مرة واحده و شوف الشكمان الدخان بيخرج منه و لا لأ؟ و لو فيه دخان لونه إيه؟طبعا لو لونه أبيض تبقى المكنه مفوته و بتاكل زيت و لو إسود يبقى دورة العادم واخده هوا
ثامنا جرب كل الإشارات و الأنوار و أي حاجه بالكهرباء جوه العربيه
تاسعا بص على حرف الكبوت من جوه حتلاقي زي ما يكون فيه تنيه ملحومه و متساويه بدقه شديده (الفلوتو) تابع الفلوتو ده و شوف هل كله مساوي بعضه و لا لأ فإذا لم يكن كله بحذا واحد يبقى العربيه حصل فيها شغل سمكرة لإن السمكري مش يبعرف يرجع الفلوتو زي ما كان أبدا و كذلك لاحظ حوض الموتور (تجويف الكبوت إللي فيه المكنه)
و إبحث عن أي أجزاء غير متماثله (دليل على شغل السمكري)
و أخيرا
ربنا يعطيك خيرها و يكفيك شرها
بصراحه يا جماعه المنتدى ده هايل......
المهم انا بفكر اشترى الستروين ax المهم الميكانيكى بيقولى لو حالتها احسن حاجه سعرها دلوقتى يعمل 17000
ومش عارف اصدقه ولا لأ
خايف يكون هيخمنى وبالاخص ان انا اول مره افكر فى العربيه ده
المهم انتم ايه رأيكم فى السعر ده.......؟؟
ايه يا جماعه فين الردود
السلام عليكم ورحمة الله وبركاته
معايا ستروين Ax 1400cc موديل 1995 كاملة بحاة جيدة جدا اللون فضى عاملة 115000 كيلو متر مطلوب 20000
ازاى اعرف الفرش الاصلى
لدى نصيحة مهمة لمن يعانى من مشاكل سخونة السيارة مع التكييف:
1- تأكد من سلامة دورة التبريد وخلوها من جيوب الهواء وإستخدامك لمياه خضراء وليس مياه من الحنفية فى التبريد
2-تأكد من أن مروحة الريدياتير هى من النوع الكبير الخاص ب الفئة 1400 سى سى وليست النوع الصغير كالمركب فى الفئة 1100 سى سي
3- نصيحة مهمة جدا جدا : قم بتركيب ترموستات المروحة الذى يعمل بين درجات حرارة 85 و 75 (يعنى بتاع الفيات 128 ) وده علشان المروحة تبدء بدرى وتلحق تبرد المياه قبل أن ترتفع بصورة رهيبة 100 أو أكثر
4- لابد من مراعاة عدم القرص على الموتور أثناء تشغيل التكييف لأن ده بيرفع حرارة الموتور أوى ( يعنى ماتعديش 3000 أر بى إم) تمام
5-لدى أفكار أخرى فى هذا الموضوع وحلول لكثير من مشكلات دورة التبريد وكذلك معدلات إستهلاك الوقود فمن يريد أن يسأل فمرحبا به
بالنسبة لمعد استهلاك الوقود وافضل بنزين للعربية كام وكيف اقاا من استهلاك الوقود