بخصوص ريموت السيارة الستروين AX فيمكنك مراجعة الرد السابق رقم 14 في الصفحة الثانية من هذا الموضوع وكان الرد هو:
عرض للطباعة
بخصوص خبرتي مع موضوع غسيل الموتور،
فقد قمت بغسيل موتور سيارتي مرتين منذ شرائي لها منذ عامين تقريبا وهذه ملاحظاتي:
1- كثير من الناس حذروني من الغسيل بالماء خوفا من وصول الماء للأجزاء الكهربائية (البوبينه، موزع الكهرباء، البوجيهات، ..) مما قد يؤدي إلى مشاكل كثيرة لذلك فأنا أفضل الغسيل بالجاز فقط.
2- الغسيل بمدفع المياة القوي في محطات البنزين قد يؤدي إلى تلف أو قطع في بعض الوصلات والأسلاك الكهربائية القديمة بالسيارة وهذا حدث معي لدرجة أن كبلين من كابلات البوجيهات وجدتهم مفكوكين من موزع الكهرباء بعد غسيل الموتور وسرت بالسيارة ولا أعلم بذلك مما أدى إلى انخفاض في كفاءة الموتور أثناء السير (عدد 2 سلندرات من الأربعة لم يكونوا يعملوا) والشعور بالتقطيع في حركة الموتور وأعتقدت أن المياة وصلت للأجزاء الكهربائية ولم تعد الأمور لطبيعتها إلا بعد تركيب الكابلات المفكوكة مرة أخرى لكن بعد عذاب لاكتشاف السبب
لذلك أنا أفضل غسيل الموتور فقط في أضيق الحدود وعند الضرورة الشديدة وبالجاز وليس بالماء و باستخدام فوطة قدر الإمكان وليس بمدفع الماء
يمكنك الاطلاع على موضوع
"بالتليفونات والعناوين ومستوى الأسعار - كل مراكز خدمة ستروين Ax"
لمعرفة معلومات عن عفشجي للستروين
وهذا رابط الموضوع:
http://www.nilemotors.net/Nile/showthread.php?t=56934
كل اللي اقدر اقوله تسلم معالي الدكتور
ونخدمك في تليفون عطلان
موبايلي
0127290050
محمد جلال
الله يسلمك يا عزيزي الأخ محمد
واتمنى لك السلامة دائما
صحيح عايز اغير البطارية
واظبط الابواب والاكر بتاعتها
واغير مساعد الشنطه
واركب قلة ميه للمساحات
طبعا محتاج خبرتك
وكمان حصل معايا موقفين
الاول وانا ماشي رايح مشوار بعيد حبتين فجاءه العربيه بطلت
اجي ادورها تدور ... ارفع رجلي من ع البنزين تقف
على طول كلمت الميكانيكي بتاعي شاب محترم وفاهم
قالي ان البك بتاع السلانسيه عايز يتنضف بالهوا
دخلت بنزينه وقلت يا جماعه عايز انضف بك السلانسيه بالهوا
الراجل بتاع البنزينه كش وقلق ورد على وقال اخاف ابوظ لك الدنيا والهوا عنده فيه مياه
قمت انا فكيت البك ده وهو زي فيشتين دكر ونتايه يدخلوا في بعض بنظام عاشق ومعشوق
ونفخت فيهم ب بئــي
وركبتهم زي ما كانوا
ودورت دارت يا معلم
رحت اخر النهار للميكانيكي بتاعي كشف على البك وجد الدنيا زي الفل وقال ان ممكن شوية تراب نتيجة التنضيف هم اللي اثروا على النحو سالف البيان
قشطه
الموقف التاني
وحدة الرفع .... عندي كان الزرار اللي في الباب الشمال بيعلق لكن اليمين شغال عادي
وبعدين رحت للكهربائي فضل يقلب يمين وشمال
ويفك وحدة الرفع ويركبها ويجرب كذا حاجه لحد ما عرفنا السر بالصدفه
وهو ان الزجاج كان بيضغط على السلك الموصل للكهرباء لزرار الباب الشمال وكان ده سبب المشكله
والحل جبنا ابزيم بلاستيك مشرشر وبعدنا السلك تماما عن مسار الزجاج وانتهت المشكله على خير
وعادت الامور لمجاريها
صحيح المسوجرين بتوع البابين اللي قدام مش موجودين اعمل ايه
اقصد الجزء اللي بيكون ظاهر من فوق وبتقفل المسوجو منه وتفتح
اعمل ايه
دكتور احمد انا اسف باتقل عليك
وشكرا لك جدا