بلى العجل

**kyrillos** · 15-05-2013 02:06 AM

مساء الخير
أحلى مسا على رجالة المنتدى, عايز خبرتكم معايا فى مشكلة فى العربية بعد اذنكم
بسمع صوت "ونه" كده وأنا ماشى, مش صوت مستمر, واضح انه طالع من العجلة, كأن العجلة مريحة أو مخرومة, بس الكاوتش منفوخ تمام ومتظبط الضغط فيه تمام, وبرده الصوت لسه بيطلع

من اللى قريته فى المنتدى, فهمت ان ده حاجة اسمها بلى العجل, انا بصراحة بقالى كتير قوى ماشى عليها كده ومكسل اروح اعملها ,والصوت زاد وعلى, فى ناس بتقول ده بيض العجل, مش عارف هل ده هو البلى برضه, ولا دى حاجة ودى حاجة
هو الحوار ده كبير ومكلف وفك جامد واشتغالات وكده ولا حاجة صغيرة ؟؟

وانا بقالى حوالى 5000 كيلو مظبطش زوايا ومحدش بص على العفشة؟ هل ده ضرورى برضه ولا ايه ؟؟ لانى ابتديت اسمع تخبيط فى المطبات والنقر, ولا العفشة كلها جابت أخرها ؟؟
نصايحوا بقى

**katoba** · 15-05-2013 05:15 AM

كان عندى حوار بلى العجل دة وكنت بسمع ونه وخصوصا لما عداد السرعه يعدى ال80 وكان صوت صعب اوى وبيعلى كل اما السرعه تزيد وبيختفى لما اعدى ال120 لان العجل بيخف عالارض ولما سالت الخبراء قالولى المشكله ياما فتيس ياما بلى عجل ونصحونى انى امور وانا ماشى بسرعه لما اسمع الونه دى ولو الصوت اختفى يبقى فتيس ولو مازال موجود يبقى بلى عجل وطلع فين بلى عجل وغيرته عالضمان والصوت اختفى تماما , وطبعا تربيط العفشة شىء مهم جدا

تحياتي ليك

**SYD** · 15-05-2013 08:19 AM

المشاركة الأصلية كتبت بواسطة katoba

كان عندى حوار بلى العجل دة وكنت بسمع ونه وخصوصا لما عداد السرعه يعدى ال80 وكان صوت صعب اوى وبيعلى كل اما السرعه تزيد وبيختفى لما اعدى ال120 لان العجل بيخف عالارض ولما سالت الخبراء قالولى المشكله ياما فتيس ياما بلى عجل ونصحونى انى امور وانا ماشى بسرعه لما اسمع الونه دى ولو الصوت اختفى يبقى فتيس ولو مازال موجود يبقى بلى عجل وطلع فين بلى عجل وغيرته عالضمان والصوت اختفى تماما , وطبعا تربيط العفشة شىء مهم جدا

تحياتي ليك

بالظبط كدة

هل الصوت بيظهر معاك وانت بتجري علي اسفلت ومفيش اي مطبات او اهتزازات علي الطرق؟

عفشة الفولكس عموماً مش بتحتاج تربيط بصفة دورية
رأيي تكشف علي جلب المقصات

تحياتي

**ehab_mansour** · 15-05-2013 10:09 AM

عشان تتأكد انه بلي عجل
هتمشي بالعربية علي السرعه اللي بيظهر فيها الصوت بوضوح و هتمور الفتيس و تسيب العربية تمشي لوحدها بدون موتور و تسمع لو الصوت موجود هيبقي احتمال كبير انه بلي عجل

و في طريقة اخري انك تشوف مصدر الصوت منين يعني يمين ولا شمال و قدام ولا في الخلف و بعد التديد هترفع العجلة مصدر الصوت و تلفها بايدك و تقرب ودنك من منتصف العجلة عند الأكس و تتصنت و تشوف لو فيه صوت خشونة او اي صوت غريب تبقي بلي فورا

**SYD** · 15-05-2013 10:20 PM

المشاركة الأصلية كتبت بواسطة kyrillos

هو يا باشا البلى
ماحدش قالى هى دى نفس الحاجة اللى بيسموها بيض العجل ؟؟
والحوار ده بيجى استيراد ولا جديد ؟ وفيه اشتغالات وكده ولا عادى ؟

البلي طبعا من المستهلكات وبالتالي لازم يتجاب جديد
بس تجيبه حاجة نظيفة مش اقل من 60-70 جنيه البلية
وفي حل تاني
انك تفك البلية وتجيب من skf في وسط البلد بنفس رقم البلية

تحياتي