انا مسوقتش المانى كتير بس كل يوم بركبها مع زميلى واحنا رايحين الشغل
بى ام 316 موديل 2007
وكفايه احساسى ان الشارع كله فى وادى وصالون العربيه وادى تانى
ممكن اتفهم انى واخد فكره غلط عن الكورى حيث ان عربيتى كورى قديمه شوية
لكن الالمانى اكيد لا
عارفين لو كنت كتبت نفس الموضوع دة بس مكتوب فى بياناتى انى امتلك عربية مثلا فرنساوى او اسبانى او حتى المانى بس مختلف
كان الكل قال
اة والله
اة والله
اة والله
:)))))))))
انا معاك فى شوية نقط و حاجات تانية لا
الكورى مناسب لمصر اوى و انا معاك بس الكلام ده كان امتى ؟؟ لما كانت الالنترا المانيوال فى التسعينات و السيراتو الهاى لاين اللى كانت تانك اوبشنز بـ حوالى 130 الف و السيراتو الكوبيه اللى شكلها جميل جدا بـ 130 برضه .. كده اقولك اه حقق المعادلة الصعبة عربيات معقولة شكلها حلو مليانة اوبشنز بسعر معقول ..
دلوقتى انا لما الاقى الكورى سعره تقريبا بقى مضروب فى اتنين و بقى تقريبا نفس سعر الاوروبى و فى ساعات اغلى منه لا معلش العربية الاوروبى غير الكورى مع احترامى الشديد للكورى و الله انا مش بكرهه بس دا تراكم خبرات فى اوروبا و مش فى العربيات بس فى كل حاجة شوف انت احساسك النفسى و انت بتشترى حاجة made in eu
و كمان تيجى تبص لقطع الغيار فى التوكيل .. ما انا مش هجيب سيراتو مثلا دلوقتى بـ 200 الف و اروح اشوفلها قطع غيار من التوفيقية .. ابص فى التوكيل الاقى اسعار قطع الغيار اغلى من الاوروبى برضه .. طيب ليه ؟؟ يعنى كده انا شايف ان الكورى فقد اهم مميزات تفوقه فى مصر ..
بخصوص بقى البى ام فبصراحة انا مركبتش الا الـ 330 و كانت فترة قليلة اوى و مش انا اللى كنت سايق فمقدرش احكم بس مش هضحك عليك انا لما بركب فلوينس و النترا الجديدة مثلا بحس بفرق بمجرد انى اقعد فى العربية ، فرق فى كل حاجة فى حجم الباب ، فى التقفيل ، فى .. فى حاجات كتير بصراحة انا مش هقدر اوصلك رأيى بس فعلا بحس بفرق فمتوقع انى لما اركب بى ام هبقى حاسس بفرق اكبر
بالنسبة للكارينز بصراحة انا شايف انها من افضل ما نزل من موديلات كيا فى مصر ، عربية عائلية واسعة جدا سعرها معقول جدا عفشة ناعمة و تكييف قوى .. بس لما الكارينز تبقى بـ 220 يبقى حرام بصراحة و انا اروح اركب c5 مثلا برقبة الكارينز فى كل حاجة تقفيل موتور خامات اوبشنز ..
و ربنا يبارك لكل واحد فى عربيته و كل واحد فعلا بيبقى ليه احتياجه اللى ممكن يلاقيه فى عربية و ميلاقيهوش فى التانية ، يعنى ممكن واحد يتقفل من عربية خالص عشان مفيهاش حامل اكواب مثلا مع انها ممكن تبقى افضل الف مرة من عربية تانية فيها بس هو محتاج الحامل ده فى معظم مشاويره واحد تانى مبيشربش و هو راكب العربية مثلا دا مش هيفرق معاه خالص و هكذا
معاك طبعا ان سعر الكورى دلوقتى استهبال رسمي وان اعلي سعر المفروض يكون لية هو 130-140 الف ودة فعلا رانج السعر سنة 2011 لما جبت عربيتي
Sent from my GT-N7100 using Forum Runner
هي ال 320 مش عاليه عن الارض فعلا بس مش ناشفه للدرجه اللي حضرتك وصفتها دي يمكن يكون ضغط الهواء في الاطارات زياده و لا حاجه ده اللي خللي حضرتك تحس بالشعور ده و اتفق مع الآراء اللي بتقول ان الفرق في الخامات المستخدمه و الخبره و عوامل الامان يعني العربيه تقفل عدادها و كمان تحافظ علي اللي جواها و دي المدرسه الاوروبيه بتهتم بحاجات زي الامان و جوده الخامات و جوده التقفيل و البيئة و استهلاك البنزين و ده مختلف مع المدرسه الآسيوي اللي بتركز علي اكبر مجموعه كماليات و اسرع سحب بس ينقصها جوده الخامات و الاهتمام بالأمان و طبعا الكلام ده له قياسات و اختبارات تصادم وحاجات زي كده و من الامثله البسيطه ان حضرتك تلاقي السيارات الأوروبي بيقول عدد الاحصنه الصافي بينما الاسيوي بيقول الاجمالي مثلا. انا علي فكره ضد مبدأ التعميم خالص لان كل موديل جوه كل ماركه حتي مختلف عن التاني و عند الاختيار المفروض الواحد يحدد احتياجاته و يشوف هتتوافر في اي موديلات لأي ماركات و يقارن ما بينهم حتي يختار الانسب له ففي مثالنا لو اولوياتي الامان مثلا هادور علي الالماني او الاوروبي و هيبقي سيدان مش suv و لا mpv علشان السعر الوهمي طبعا بينما لو عائلتي كبيره شويه و الميزانيه محدوده يبقي هادور علي mpv و تبقي عاليه عن الارض وثمنها وقطع غيارها أسعارهم معقوله ممكن أدور علي الكوري و مش شرط ان لما ربنا يفتحها علي بعد كده أني لازم أجيب سيدان و ما تكفيش عيلتي كلها علشان التطور ان الالماني هو التطور الطبيعي الكوري و الياباني الكلام ده راحت عليه خلاص المهم ميزانيتي قد ايه و احتياجاتي ايه و موجوده فين
كلام جميل ومتفق معاك بس احب اضيف اللى خلانى ادور عاي النت كمان اية ان دلوقتى نادرا تلاقي عربيات واخدة فى تصنيفات الامان الاوروبية اقل من 5 نجوم. السيراتو القديمة 4 الجديدة 5 السبورتاج واخدة 5 وواخدة افضل suv فى امريكااقتباس:
المشاركة الأصلية كتبت بواسطة Land_Cruiser
هى عندنا لو الاسعار ترجع تاني ذى من سنتين يبقى اتوقع اكتساح تام و كل عوامل الامان بقت ستاندارد خلاص حتى فى المانيوال مش ناقص غير ال esp وفرق او متعة القيادة بقي مقارب جدا
Sent from my GT-N7100 using Forum Runner
انا عندي سؤال مش قادر الاقي له اجابة
في دول الخليج برغم القدرة الشرائية العالية جدا، ليه العربيات الالماني قليلة جدا، والاوروبي - باستثناء السوبر كارز عشان مفيش بديل ليها- شبه منعدمة؟؟!!!!!
مش بس كدة
بالاضافة الى ما ذكرت حتى في العربيات الحديثة:
1- سعرها اعلى بكتير من البدائل بشكل لا يتناسب مع فرق الجودة لنفس الفئة. وبالتالي بنفس تمن الاوروبي تقدر تجيب بديل اعلى بكتييير وفئة اعلى بكتير. يعني مثلا بتمن باسات سي سي تقدر تشتري هيونداي جينيسس سيدان فوللي لودد تفوق الباسات في الخامات والموتور وحتى الثبات بحكم الفرق الشاسع بين الفئتين او كرايسلر 300c V8. وبتمن BMW الفئة الثالثة 330 ممكن تجيب هيونداي سنتنيال او كاديلاك.
2- بالرغم من ارتفاع سعرها، اعتماديتها سيئة واعطالها كتير خصوصا في الماركات الشعبية زي الاوبل والسكودا والفولكس والبيجو والستروين....الخ.
3- اللي بيشتري الماني في الخليج بيشتريه عشان المنظرة لانه سعره غالي جدا ومعروف ان اللي بيشتريه ميهموش الفلوس سواء في الصيانة او اعادة البيع وبالتالي بياخد مقابل ده برستيج اعلى. طبعا انا اقصد بالالماني BMW - مرسيدس - اودي. الماركات الشعبية التانية مبيشتريهاش غير المصريين والشوام.