القعدة مش واطية العربية فعلا واطية وبتحك فى كانز البيبسي ونشفة ... جدا
لا لا لأ..؟؟!!! :redeye:
معلش ياشهدى - إسمحلى..
- انت لو ماحسيتش بفرق بين الكيا والـ320 إلا على 160 كم/س... يبقى انت سواق مشروع (= ميكروباظ إسكندرانى) مش ملاكى؟!! :grin54:
ههههههههههههههههه
مبدئيا: كل الـe90 عفشتها ناشفة عشان الكاوتش الـRunflat والسوست الناشفة!
دى RWD لو رفعها عن الأرض ground-clearance + سوست ناعمة >> هتـoversteer وتعمل spinــات للصبح؟؟!!! :dribble:
ثانيا: لا طبعا فيه فرق؟!! وفرق واضح لـ less-than-average driver كمان؟؟!!!
بتكلم عـ السرعات الصغيرة-إلى-متوسطة أشهدى :unhappy:
- محيستش بفرق فـ وضعية السواقة (الـlowered) وثقل الدركسيون -الدقة بتاع الـsteering؟!!
- فيه فرق فـ إستجابة دواسة البنزين ونقلات الفتيس ولا لأ؟؟
(الفتيس كده مش متفاهم أوى مع الموتور؟؟ مفيش upshift قبل ميعادها ولا تسقيطة مالهاش لازمة)؟!!
- أكيد يعنى لاحظت فرق فـ الفرامل والملفات؟!!
رغم ان العربية مش صغيرة.. بس محسيتش انك راكب حاجة كومباكت dynamic؟!! متحكم فيها ومالكها فـ الزحمة؟!!
ياراجل طب أهم فرق :fundamental: الـRWD..
محسيتش بالشاسيه ونظام الدفع المختلف؟؟؟!!!!!! :alien42:
العربية بتزقك لقدام ياشهدى (الباور جاى من ورا) مش بتجرك بالعجلتين اللى قدام زى الكبالن؟!!
مش بقولك انت سواق كارينز؟؟!!! :grin54::grin54:
lol
حبيبى :)
طيب نسبنا من المقارنه دلوقتي ايه رايكم نقارن بين عربيه كوري موديل 2000 مثلا وعربيه الماني موديل 2000 برضه الاتنين عدوا عليهم 13 سنه تقريبا مين هايكسب دا الفرق بين الالماني والكوري بكل بساطه
اللي حصل لك ده يمكن بسبب انك مسقتش الألماني لفترات طويلة.
انت عارف ان كان معايا أوبل كورسا و أوبل فيكترا .. و أنا بطبيعتي بحب الحاجه الهاي كواليتي .. يعني مبعرفش أشتري حاجه ملهاش ماركه .. و حاليا أنا راكب عربية هيونداي.
أولا الألماني قعده مختلفه و أريح بكتير خصوصا في السفر .. وضع الكرسي ووضع المكان اللي بتحط فيه رجلك الشمال (لو العربية أتوماتيك) وارتفاعك عن أرض العربية ووضع رجلك على الدواسات أفضل من الكوري بمراحل .. و ده بيخلي العربيات الألماني أكتر راحه من الكوري في السفر.
مره كنت راجع من القاهره للزقازيق بالعربية الفيكترا .. و بعد ما وصلت بيسألوني الطريق كان عامل ايه .. فكرت كده و قلت لهم تصدقوا أنا مش فاكر حاجه من الطريق .. يعني محستش اني عديت على قليوب و قها وطوخ و بنها لحد ما وصلت الزقازيق .. الشاهد انت فعلا مبتحسش بتعب اليفر في الألماني.
تاني حاجه طبعا الثبات .. برضه في السفر الألماني .. و خصوصا الأوبل فيكترا كانت ولا كلمه في الثبات و الغرز على 160 و 180 ولا تحس ان ضهر العربية حدف ولا ان العربية اتحركت من مكانها .. و شوف الموضوع ده
http://www.nilemotors.net/Nile/259309-a.html
ييجي بعد كده الجودة و التقفيل .. كل كابل محطوط في عازل .. و كل فانوس حواليه كاوتش و الفرش و البلاستيكات و التابلوة مصنوع من خامات كويسه فعلا .. و ده تحسه حتى و انت بتقفل باب العربية أو الشنطة أو بترفع الكبود .. هتلاقي وزنه أتقل بكتير من مثيله في العربيات الألماني.
و طبعا التكنولوجيا اللي بتكون سابقه بكتير .. يعني مثلا العربية الفيكتر بتاعتي موديل 2002 .. فيها تكنولوجي احدث بكتير من عربيات كوري في الفئة بتاعتها موديل 2010 مثلا.
انا مبقولش طبعا انها أحسن في كل حاجه .. من ناحية تانية عاوزة صيانة في مراكز معينة و مصاريف أكتر في الصيانات و قطع غيار أغلى نسبيا.
اعتقد ان لب الموضوع انه بيبحث عن الراحه وطبعا البى ام مش مريحه لو الطريق ضايع وتدبدب وتسمع صوت الكاوتش بيخبط فى الارض--حتى فى bmw528 -2012---بس لو طريق كويس استمتع وعيش
نرجع بقه لموضوع التماسك والاتزان
اصلا ما فيش وجهه مقارنه العربيات الكورى كانك سايق العربيه على سطح مياه المحيط الاطلنطى بامواجه برياحه
احساسك بالتماسك على الطريق وهمى وسيطرة خداعه واى موقف صعب تلاقى العربيه عبرت عن نفسها باى حادث مفاجىء--اتقلبتى ليه ما كنتى كويسه--
لما تمسك باب عربيه كورى كانك ماسك منديل كلينكس اومروحه ريش بتاع الكبابجى
لما تمسك باب البى ام مثلا كانك ماسك ضلفه دولاب مصفحه ومتختخه وحاجه تملا العين
لما تقعد فى كرسى البى ام تحس ان الكرسى حاضنك وانك توحدت واصبحت جزء من العربيه
لما تقعد على كرسى عربيه كورى تحس انك هتتزحلق من عليه -صراحه ينرفز
طبعا احساس الماتور وقوته والكلام دة ملوش لزمه لان دى احصنه وسعه لتريه مختلفه تماما
نيجى بقه للحظه استعمال المفاتيح وترتيبها فى العربيه
العربيات الكورى بتعتمد على انها تديلك شكل جميل بترتب مفاتيح -زى الانتظار وزى الكاسيت وزى التكييف وزى الاضواء -على اساس جمالى فقط---شكل حلو وجديد
البى ام او اخواتها بتوازن ما بين الجمال والاستخدام
الحاجه مترتبه بشكل حلو وقيم وكمان سهل ان عقلك يحفظ مكانها بدون تعب-عكس الكورى هوة البتاع راح فين هوة بعيد كدة ليه وكل مرة تبص على نفس المفتاح علشان تشغله--
انما مثلا البى ام هيه مرة واحده فقط وتلاقى نفسك بتستعمل كل شىء فيها بتلقائيه بدون مجهود ولا تشتيت انتباة
بس ركوب المراكب فى المحيط اريح من دبدبه الاسفلت المكسر
كلام غريب جدا الكورى ميقارنش باليابانى اصلا ازاى هقارنه بالالمانى؟
ومن كلام صاحب الموضوع هو اختزل المقارنه ف عاملين فقط "السواقه على سرعه عاليه" و"ارتفاع العربيه عن الارض"
ماشى انخفاض البى ام مزعج فعلا وهو عيب فى شوارع مصر زى ماهو معروف بس حتى لى اتكلمنا فى سرعات اقل من 160 فالموضوع مش بس سحب العربيه وجابت ال 160 ف كام ثانيه!!الاهم احساسك وانت جوه العربيه بالامان والحقيقة ف البى ام انت لو مش باصص ع العداد مش هتحس انك بتجرى اصلا ولا مقطوره تمشى جنبك تحدفك على الجنب ولا الجو ده.
ولو افترضنا اننا هنمشى على 100 بس فى فرق السما والارض بين عفشه البى ام والكورى.
البى ام عمرك تسمع دبدبه ولا كركبه متعرفش مصدرها ولا كنبه ملخلخه ولا ازاز بيخبط من الهوا.
ولا السواق عمره يقولك ارجع بدماغك شويه عشان مدارى عنى المرايا ولا اللى وراك يقولك اطلع بالكرسى عشان انا طويل..ولا اللى بيدخن هيفتح حتى من الشباك يطفى منها لأن الطفايه مكانها سهل ان السواق يطفى ع المغمض.
ده حتى فرق الاضائه بين الاتنين واضح جدا
----
انا مش بتكلم ف كون البى ام يستاهلوا ال 200 الف الفرق ولا لا...لكن الاكيد ان فى فرق سواء ماشى بسرعه او حتى ف وسط البلد
بصراحة انا كنت داخل الموضوع ولسه هاسخن عليك وعلي كلامك لاني عارف انك بتعرف تركب
بس بصراحة كلامك خانك قوي :-)
ولسه هاكتب وارد وبالذات على ال e90 لقيت مصطفي سبق
الدفع الخلفي ماينفعش تقارنة ابدا بعربيه بتتجر من قدام
مش عارف اوصفهالك ازاي بس اي عربية الجر امامي تحس وهي طالع انها واحد سكران وبيطوح يمين وشمال
اي عربية وهي طالعه خلفي تحسها واحد بتاع رفع اثقال وقايم يرفع التقل نطر
الثبات مش محتاج تحس بيه على سرعات عالية والاهم من الثبات العزل والاحساس بالطريق
الدركسيون نقطة مهمة جدا بجد ازاي محستش بدقة التوجيه بتاعت الدركسيون
طيب انت سقت 320 استيب
لو كنت كمان سقت ال 1600 مانيوال كنت عرفت يعني ايه فتيس مانيوال رايح فين في كل نقلة
انا لما نزلت منها ورجعت اسوق الكورلا كلمة واحده قولتها لمصطفي
حسيت اني كنت سايق جرار زراعي (دي الكرولا ال 2007)
وضعية الفتيس ونقلاته ووضعية الدركسيون
بالذات الدركسيون كان اقرب ما يكون للوضع الافقي زي الاتوبيسات
لكن البيم وضعيه مختلفة تماما
الكرسي فعلا نشاف وبيدب في ضهرك لكن ده ليه اسباب كتير جدا هاتعرفها وانت سايق على سرعات ومش حاسس انك قاعد على بنش المحاضرات في الجامعه لاء كانك قاعد على الفوتيه بتاعك في البيه ومدفوس فيه لجوة
لو كنت جربت تفرررك فركة واحدة بيها وهي واقفة كنت عرفت احساس القوة جاية منين اللي بنحاول نوصلهولك
بس الغريب انك سقتها اكتر من ساعه ومحستش ده ؟