اقتباس المشاركة الأصلية كتبت بواسطة ashouhdy مشاهدة المشاركة
القعدة مش واطية العربية فعلا واطية وبتحك فى كانز البيبسي ونشفة ... جدا
ارتفاعات العربيات اللي حضرتك جربتها كالأتي

كارينز 15.5 سم
بي ام e92 (الشكل القديم) 14.5
بي ام f30 (الشكل الجديد) 14 سم
سكودا أوكتافيا 14 سم

طبعا فرق ال 1 سم بين البي ام والكارينز يفرق في كتير من المطبات بين انك تحك أو متحكش بس خد بالك المطبات اللي عندنا دي كلها غير مطابقه للمواصفات العالميه لأن المطب لازم يكون ارتفاعه مش كبير ومسافته هيه اللي المفروض تبقى كبيره لكن هنا تلاقي المطب (مقب) ارتفاعه عالي وامتدادا مسافته مش كبير فلازم عربيات كتير تحك.

فطبيعي ان حضرتك تحس بفرق في الاتفاع بين التلاته وخصوصا انك متعود على ارتفاع الكارينز ده غير ان الكارينز جوه العربيه كراسيها كمان مرتفعه بس خد بالك ارتفاع العربيه بيبقى دايما ضد ثباتها وبتحتاج شغل أكتر من الصانع انه يتغلب على الارتفاع ده بزياده عوامل الثبات والصرف أكتر على العفشه وبعد ده كله تفضل برضه العربيه المنخفضه الارتفاع ليها ميزه أكبر عند الملفات والمناورات الحاده والمفاجئه.