طيب معلش حضرتك البس حزام الامان عشان تحمى اللى معاك فى العربية لو حصل حادثة ممكن حد من الركاب يطير من مكانه و يخبط حد تانى و يسببله اضرار جامدة
اما بالنسية للصورة ففى بعض الحالات الحوادث بتكون جامدة جدا و اقوى من استحمال العربية بس برضه الواحد يعمل اللى عليه و ربنا يستر (اعقلها و توكل) يعنى انا عن نفسى افضل انو لو حصلى حادثة افضل جوه العربية مش اطير لحد ما حيطة ولا الارض ولا شجرة توقفنى طب حضرتك حط ايدك على الاسفلت فى الشارع و اكحتها جامد فيها و شوف الوجع امل بقى لو بتكحت فيها على سرعة 40 ولا 50.
و بالنسبة للايرباج طبعا لازم تربط الحزام معاها و الا فعلا ممكن تقتل و الحاجة التانية ان الواحد لازم يقعد بعيد عنها بمسافة 25 سم على الاقل من منتصف عظمة القص او sternum و كمان محدش يحط حاجة على التابلوه فوق المكان اللى بتطلع منه (حتى لو كانت علبة معطر جو صغيرة) لان هتطير فى وش اللى على الكرسى و هى بتفتح بسرعة 220 ميل فى الساعة و بلاش اطفال يقعدوا فى الكراسى الامامية قدام الايرباج و كمان غلط و ممكن يسبب الوفاة استعمال الكراسى بتاعة الاطفال اللى بيبقى الطفل فيها باصص لورا (للكرسى او الكنبة) قدام مكان بتطلع الايرباج منه و لو فى ايرباج جانبية زى الكورولا الجديدة بلاش حد يريح من جوه على الابواب او القزاز او القوايم.
المفضلات