الموضوع: عايزكم تفكرو معايا بصوت عالي بخصوص جيب رانجلر (ديزل)

السلام عليكم ورحمة الله وبركاته


اخواني الكرام..



بقالي فتره بقرأ في موضوع 4×4 لاني عايز اشتري عربية من الفئة ده..

وكنت بفكر احولها لغاز عن طريق التانك اللي بيتحط ورا باعتبار ان العربية ده تشيلها مستريح..

بس قريت مدى فشل الموضوع ده على العربية وماتورها على المدى البعيد..

قريت مواضيع الاستاذ مينا ربنا يباركلة

رانجلر.... بس تيربو ديزل....


جي ام سي بليزر .... تيربو ديزل...

أفكار للرانجلر القديمة....



خلاص اقتنعت اني اعمل الموضوع ده..

نيجي بقى للتفكير بصوت عالي..

مبدئيا انا لا افقه شيء في العربيات.. فاعذروني لو كلمه وقعت مني وماطلعت في مكانها ..

بفكر في حاجه ولسه عايز اعرف التكلفة.. اني اجيب عربية فاضية خالص اسقطلها ماتور تربو ديزل واركبلها عفشتها بالحاجه اللي تعجبني..

دورت على النت على الشكل باعتبار اني خلاص حشتري فاضي فحختار الشكل

فلقيت ان الرانجلر الشكل بيتغير كل فتره

1988 - 1995



1997 - 2006



2007 - 2012

وده حاجه استغفر الله العظيم يارب مش تبعنا ..



فانا كنت بفكر في الشكل التاني.. بس ماعرفش الفاضي منها يعمل كام..

عرفت من الاستاذ مينا ان التربو ديزل بالفتيس حيعمل 18 الف بكل حاجته..

بس سؤال.. انا كنت عايزها اوتوماتيك.. وايه فايدة الفيتيس غرز.. وهل ينفع مع الاوتوماتك..

هل ماتور الديزل حيخلي العربية ده تترجرج..

وهل فيه موتور ايسوزو بس صوته مش عالي..؟؟

واخبار العزل في العربيات ده ايه..؟؟

وهل عفشتها كويسه ولا ححس بكل خبطه والتانية..

طب تكاليف تجميع عربية من اول وجديد ايه.. بمعنى لو حبيت اجيبلها كراسي وتكييف و و و ..

طولت عليكم كتير بس عايز افهم قبل ما اقرر قرار نهائي

اعتقد انى شفت رد مينا على موضوعك ....
مينا خبرته كبيرة جدا فى الموضوع ده و هو الى حيفيدك جدا
انا ممكن اجاوبك على بعض الاسئلة العامة ....
فائدة فتيس الغرز ...
بينقل الحركة للعجل الامامى ... يعنى العربية بتتحرك بالاربع عجلات ... مش بالعجلتين الخلفيتين فقط زى العربيات السيدان .... و ممكن طبعا تفصل فتيس الغرز و تخلى العربية دفع خلفى فقط

مشكلة حضرتك ... انك تلاقى موتور ديزل بفتيس عادى و عليه كمان فتيس غرز .... يفيدك مينا فى الموضوع ده
مينا ممكن يفيدك فى موضوع الفتيس الاوتوماتيك ده
محرك الديزل و الاهتزازات ....
بصفه عامة ... محرك الديزل بيعمل اهتزازات اكبر من موتور البنزين ... بس مينا عمل قاعدة فتيس كويسة جدا للرانجلر ... و متحسش بفرق بين لموتور العادى و الديزل
صوت الموتور عالى شوية .... بس انت بتتعود عليه بعد فترة

تعليق عربيات الدفع الرباعى بيكون ناشف فى الغالب .... فمتفتكرش انك حتركب عربية ناعمة زى السيدان :) و خاصة الرانجلر ... سوست ورقية اماميو و خلفية

ربنا يوفقك .... و خلينا متابعينك