الموضوع: ضرورى جدا .. ياريت الدخول لكل حاجزى الاليزيه للاهمية

ما هو احنا محتاجين نتأكد الاول من الوكيل الجديد .. اللى انا قلته ده متولي تقريبا ده .. بناءا على كلام الراجل .. الله اعلم هل صح ولا غلط انا مش فى السوق

ومحتاجين نعرف تاريخه برضه

المهم بس حاجة .. دلوقتى التسليم هيبقى فى نص يونيو خلاص اكيد؟؟

ومفيش حاجة خالص هتبقى فى اخر مايو على كده

موضوع رعشه الموتور ده نسبى مقدرش اجزم فيه حاجه كل الى اعرفه انها نفس موتور السى فور و مستمعتش حد اشتكى من الموضوع ده قبل كده بالعكس الستروين معروفه بالهدوء و قله الاتهتزازات
هل حضرتك ممكن تكون تقصد بالاهتزاز ده اثناء تدوير المحرك و لا الاهتزاز ده على طول ولا العربيه كانت لسه دايره يا ريت توضح

المشاركة الأصلية كتبت بواسطة الجنرال

السلام عليكم ورحمة الله

انا بصراحة مش شايف فى اللى انت شفته ده مشكلة ما عدا حتة رعشة الموتور .. واخوانا ردوا على نقطة الصوت بتاع الموتور وعلى التكييف

انا بس احب اطمنك على موضوع الريو لان انا معايا ريو دلوقتى .. انا لما بنزل الصبح علشان اروح الشغل واشغل العربية العربية بيبقى صوتها عالي جدا والrpm بيبقى معدي الواحد ونص احيانا كمان .. بعد دقيقة بالضبط لما العربية تسخن بينزل لتحت ال الالف لفة وصوت العربية بيرجع لطبيعته

اللى ممكن فعلا اقلق منه حاجتين:
1- رعشة الموتور ودي لازم نتأكد منها الاول
2- التوكيل بتاع العربية ... وده اللى بيخليني بفكر في ال301 على اساس ان توكيل بيجو افضل من سيتروين

فى الاخر .. بصراحة الموضوع ملهوش حل غير الاستخارة فقط .. الواحد يستخير وربنا يسهلها ان شاء الله

استاذ جنرال شكرا علي ردك

انا بس عايز اسال حضرتك ،، انت معاك الريو الشكل الجديد ؟ ولو فعلا حتغيرها ليه ومع ان العربية لسة جديدة


عايز اقولك حاجة كمان بقي
انا كان معايا المدام ،، وانا جوة العربية ،، هي كانت برة ،،، قالتلي في ريحة بنزين جامدة اوي ورا ،، طبعا انا فهمت انها من الجكمان

طيب ده معناه ايه رعشة في الموتور ،، وبنزين متحرقش

المشاركة الأصلية كتبت بواسطة الجنرال

ما هو احنا محتاجين نتأكد الاول من الوكيل الجديد .. اللى انا قلته ده متولي تقريبا ده .. بناءا على كلام الراجل .. الله اعلم هل صح ولا غلط انا مش فى السوق

ومحتاجين نعرف تاريخه برضه

انا بس عايز اقول
ان عز العرب كوكيل افضل بفرق كبير من بيجو

ومتمرسين اكتر بكتير

انا بصراحة الريو عاجباني قوي لكن عندي مشكلتين فيها .. انا طريقي كله على الدائري والعربية مع العفشة الناشفة مش هتكمل معايا .. انا بحس بكل حاجة جوه العربية وده السبب اللى مخليني عايز ابيعها

كنت متردد فى الاول وقلت مش لازم وخلاص اتعود لكن لما شفت الاليزيه اخدت قرار البيع على طول

بالمناسبة انا عارضها للبيع لو حد عايز يشتريها .. العربية هاتشباك مانيوال

بالنسبة لموضوع الموتور .. واضح ان العربية فيها مشكلة فى البنزين علشان كده بترعش .. لانك قلت ان لمبة البنزين منورة وكمان في ريحة بنزين .. فاكيد رعشة الموتور بسبب نقص البنزين .. بس محتاجين تأكيد برضه

المشاركة الأصلية كتبت بواسطة zooma2009

تفتكر يكون ده السبب ؟؟؟؟؟ العربيه اول لما بتدور بتبقي ار بي ام اعلي وصوتها اعلي لحد اما تسخن ويبدأ صوتها يهدا !!!!!!

والله ممكن
انا عربيتي برده اول ما بدور صوتها بيكون عالي وبيهدي بعد تقريبا ديقتين كدة واول ما بتحرك مش بسمعه

انا هطلب الوكيل تانى يوم السبت يبعتلى العربيه تانى و هاسوقها لاطول فتره و هجرب المكيف لاطول فتره و اصور فيديو الموتور وهو شغال .... وهابعتلكوا التقرير كامل .... وربنا كريم ان شاء الله و تكون عند حسن الظن ...

وارجع ااكد ان المكونات ريسيكل او لا .... طب ماهو كل حاجه فى حياتنا ريسيكل من اول اللبس لغايه المكونات اى شىء بما فيهم السياره ... وعلى العموم النقطه المهمه فى الموضوع هيا المكيف و الموتور .... وان شاء الله تكون عند حسن الظن