ضرورى جدا .. ياريت الدخول لكل حاجزى الاليزيه للاهمية

**mahmoudhanfe** · 16-05-2013 10:15 PM

المشاركة الأصلية كتبت بواسطة aliabdo

موضوع رعشه الموتور ده نسبى مقدرش اجزم فيه حاجه كل الى اعرفه انها نفس موتور السى فور و مستمعتش حد اشتكى من الموضوع ده قبل كده بالعكس الستروين معروفه بالهدوء و قله الاتهتزازات
هل حضرتك ممكن تكون تقصد بالاهتزاز ده اثناء تدوير المحرك و لا الاهتزاز ده على طول ولا العربيه كانت لسه دايره يا ريت توضح

لا يا باشا انا قصدي علي اهتزاز دائم والعربية دايرة

برده انا عايز اقول لحضرتك ان هي في فرق كبير بينها وبين السي فور في السعر

**zooma2009** · 16-05-2013 10:16 PM

المشاركة الأصلية كتبت بواسطة Karim Hegab

انا هطلب الوكيل تانى يوم السبت يبعتلى العربيه تانى و هاسوقها لاطول فتره و هجرب المكيف لاطول فتره و اصور فيديو الموتور وهو شغال .... وهابعتلكوا التقرير كامل .... وربنا كريم ان شاء الله و تكون عند حسن الظن ...

وارجع ااكد ان المكونات ريسيكل او لا .... طب ماهو كل حاجه فى حياتنا ريسيكل من اول اللبس لغايه المكونات اى شىء بما فيهم السياره ... وعلى العموم النقطه المهمه فى الموضوع هيا المكيف و الموتور .... وان شاء الله تكون عند حسن الظن

عايز اقولك ان المنتدي كله في انتظار تقريرك , اهم نقطتين زي مقولت التكييف في الحر ... والموتور وصوته والاهتزازاات

وياريت طبعا لو عرفت تصور فيديو ... يا سلااام .... بجد كل المنتدي هيدعيلك

**mahmoudhanfe** · 16-05-2013 10:19 PM

المشاركة الأصلية كتبت بواسطة karim hegab

انا هطلب الوكيل تانى يوم السبت يبعتلى العربيه تانى و هاسوقها لاطول فتره و هجرب المكيف لاطول فتره و اصور فيديو الموتور وهو شغال .... وهابعتلكوا التقرير كامل .... وربنا كريم ان شاء الله و تكون عند حسن الظن ...

وارجع ااكد ان المكونات ريسيكل او لا .... طب ماهو كل حاجه فى حياتنا ريسيكل من اول اللبس لغايه المكونات اى شىء بما فيهم السياره ... وعلى العموم النقطه المهمه فى الموضوع هيا المكيف و الموتور .... وان شاء الله تكون عند حسن الظن

ياريت يا استاذ كريم والله وتبقي ريحتنا من القصة ديه
عشان عندنا هنا في مصر كلها الوكيل عنده ٣ عربيات بالعدد ٩٠ مليون بيتفرجوا عليهم ومفيش وفكرة التست درايف ديه مش موجودة اصلا

**mahmoudhanfe** · 16-05-2013 10:21 PM

المشاركة الأصلية كتبت بواسطة zooma2009

عايز اقولك ان المنتدي كله في انتظار تقريرك , اهم نقطتين زي مقولت التكييف في الحر ... والموتور وصوته والاهتزازاات

وياريت طبعا لو عرفت تصور فيديو ... يا سلااام .... بجد كل المنتدي هيدعيلك :s_thum1[1]:

فعلا المنتدي كله في انتظار تقريرك
وياريت تقولنا الاقبال عليها ايه اخباره عندك

**mahmoudhanfe** · 16-05-2013 10:26 PM

المشاركة الأصلية كتبت بواسطة الجنرال

المهم بس حاجة .. دلوقتى التسليم هيبقى فى نص يونيو خلاص اكيد؟؟

ومفيش حاجة خالص هتبقى فى اخر مايو على كده

اه فعلا ده كلام اكيد ،،،

وواضح ان حضرتك الريو مزعلاك جامد بالرغم من ان انها منتشرة بشكل كبير

بس احنا لازم نطمن للاليزيه تماما قبل ما ناخد الخطوة ديه

وبالنسبة لموضوع البنزين ده ،، ان اللي اعرفه ان البنزين المفروض ميقلش عن النص لانه بيبرد الطرمبة ولو قل جامد اداء الطرمبة بيكون سئ جدا
وكمان الاخر ده بيكون الشوائب اللي في التنك

ياريت برده حضرتك تقولنا ايه اللي انت شايفه في الاليزيه افضل من الريو بعد ما جربتها

**Karim Hegab** · 16-05-2013 10:27 PM

انا عندى تعليق على موضوع صوت الموتور ده ... اولا انا معايا حاليا كورولا 2011 .... وهيا عربيه ونعم الصراحه كفايه انها مستحملانى وانا بطبعتى استعمالى عنيف على العربيه ... اللى معجبنيش فيها ان العربيه تقفيل اى كلام ... صوت الموتور عالى قوى ...مكونتها الداخليه فقيره جدا جدا ... المكيف كتير قوى اشتكيت منه يمكن علشان انا فى جده ... بس الصراحه احيانا بحس انوا مالوش وجود .... صوت العزل يعتبر مافيش واكتر من مره الناس اللى ركبت معايا اشتكت من النقطه دى ان العزل ضعيف وان صوت الموتور عالى...
اى عربيه فى الوجود لازم لما تشغلها الصبح لاول مره لازم صوتها يكون عالى قوى وانا عندى كده يوميا الصبح ... ال rbm بيكون فوق ال 1500 لفه و ساعات 2000 لفه بعد كده العربيه بتبداء تسخن و الصوت بيقل و لفات الموتور تقل ... العربيه فى الطبيعى صوتها عالى من يوم مركبتها زيرو الى الان وده الطبيعى ... بس انا منكرش انها عربيه عمليه جدا .... وده اللى اقنعنى برضوا بالستروين لان اصحابى كانوا بيشكرولى جدا جدا فى السترويين انها عربيه عمليه جدا و حته حديده ...

**hugan** · 16-05-2013 10:31 PM

متابع

**koj@k** · 16-05-2013 10:47 PM

ههههههه
والله ما عارف أقول إيه

recycled إيه يا اخونا !!!!!!!!!!

الاخ اللي قال الكلام ده , اتحداك لو جبت دليل على كلامك ده

وبالنسبة لأن سعر الكوري أعلى منها
هو المصري يحب كده إنه يضحك عليه

لما توكيل يبعلك عربية بسعر كويس , يبقى مش مصدق
بس ال rio اللي وصلت 148 ألف , تبقى فلة هههههههه

**Mohab.Nabil** · 17-05-2013 01:07 AM

recycled ايه يا جماعة صباح الفل

طيب انا عايز اى حد شاف خامات العربية ديه و البلاستيك بتاعها و شاف بلاستيك الكورى ( الاربى - الالنترا - الريو ) يحكم هو البلاستيك بتاع ايه جودته افضل .. اظن ان ديه مش محتاجة رأى حد و كل واحد ليه عينه اللى يشوف بيها و يحكم على جودة العربية و عمر ما شركة اوروبية ابدا هتنزل من اسمها انها تنزل عربية تعبانة عشان تعمل مبيعات فى مصر ، هى الاليزيه يعنى هتبيع كام عربية فى مصر هى او الـ 301 عشان ماركة تخاطر بأسمها عشانها ..

نرجع بقى للملاحظات اللى مكتوبة فى الموضوع و اللى انا فعلا بشكر صاحب الموضوع عليها لأن زى ما قلنا كتير هنا مفيش اى حد ليه مصلحة ان حد يجيب اليزيه او ريو و لازم نوصل الحقيقة على قد ما نقدر لأن ديه امانة و اى حد هيشترى العربية ديه و يضايق منها بسبب كلام غلط منى اكيد هيدعى عليا و هتحاسب انا على الكلام ده يوم القيامة .. انا هقولك اللى اعرفه و بكل امانة .. حكاية صوت ان الموتور صوته عالى دا موجود عندى فى السى فور اول ما بشغلها الصبح بس صوته مش اللى هو مرعب زى ما بتوصف بس بيبقى اعلى عن الطبيعى بس بمجرد ما بمشى شوية بيبقى الصوت هادى خالص بس انا هنا بتكلم انى بببقى راكب فى جراج فى الشارع يعنى الدنيا مفتوحة و ببقى جوة العربية و العزل بتاع ستروين جامد فمعرفش برا بيبقى ايه النظام بصراحة .. موضوع الرعشة دا بصراحة انا مش عارف سببه ايه و هل هو عادى ولا فيه مشكلة كده فى العربية الله اعلم مش عايز افتى .. بالنسبة للتكييف .. انا عندى التكييف فى السى فور و العربية واققة بيبقى مش لطيف خالص خصوصا لو فى الشمس بس برضه بمجرد ان الطريق ما بيفتح التكييف بيتحسن اوى بس برضه مش بتقلب ثلاجة يعنى انا عمرى مثلا ما قلت هقلل سرعة التكييف عشان بردت فى السى فور عكس الجين 2 مثلا كان فيه اوقات بحس ان ايدى هتتجمد من البرد و بقفل التكييف فتكييف الستروين و الاوروبى عامة مش قوى اوى بس مش سىء يعنى متتوقعش انه هيبقى ثلاجة