ضرورى جدا .. ياريت الدخول لكل حاجزى الاليزيه للاهمية

**mahmoudhanfe** · 16-05-2013 09:20 PM

المشاركة الأصلية كتبت بواسطة aliabdo

بص الكلام الى حقول مش عشان اقنعك بالعربيه ابدا
صوت الموتور زيرو لعربيه بارده فى مكان مقفول لزم يكون عالي
الابواب للعربيات الزيزو كلها تقيله و لزم تتقفل جامد فى الغالب عشان لسه الكوتش مريحش
التكيف مش ممكن تحكم عليه فى عربيه لسه مدورها و وقفه مكانها
فكك من كلام اى بتاع سيلز حتى لو صحبك مع كام احترامى عشان طريقه التفكير بتتختلف من الى بيبيع و الى بيشترى
انا لسه شارى فيات نيو جراند بونتو و مسمعتش كلام اى حد من بتوع السيلز و دورت على النت لحد ما اقتنعت

خد وقتك فى التفكير و استخير ربنا و ان شاء الله بالتوفيق لما فيه الخير

شكرا علي الرد وفعلا كلام مقنع جدا ومنطقي

بس مجاوبتنيشرعلي مشكلة الرعشةواللي في الموتور

**zooma2009** · 16-05-2013 09:23 PM

المشاركة الأصلية كتبت بواسطة miceg

أولا الف شكر على طح الموضوع
ربنا يبارك فيك ويجعله في ميزان حسناتك
سيبني اتكلم فكام نقطة صغيرين
تدوير العربية في مكان مقفول لازم تسمعله صوت
وانا لاحظتها فالصني بتاعتي كنت بعملها تلميع في مركز مقفول زي جراج كدة
لقيت الصوت ماشاء الله مزيكا
مع اني فالشارع الطبيعي مكنتش بسمع الصوت ده
دي أول نقطة
النقطة الثانية موضوع التكييف
ممكن يكون ياجماعة التكييف مش مشحون كويس
ده طبعا أذا كان كلكم بتعملو ريفيو من عربية واحدة فمكان واحد
باقي ماباقي
ربنا يستر

هيا فعلا نفس العربيه اللي فتوكيل عز العربيه فالداوت تاون فأسكندريه

الفيراني الهاي لاين

**mahmoudhanfe** · 16-05-2013 09:29 PM

المشاركة الأصلية كتبت بواسطة zooma2009

اكيد احنا مع بعض لحد منوصل لحل سواء اليزيه او 301 او غيرها .... ان شاء الله خير

شكرا ياباشا علي ردك الجميل المفصل

هو انا سمعت صوت الريو جو المعرض وتقريبا نفس الارضيات الرخام والازاز وكمان المكان اضيق
والمقارنة ديه بقي هي اللي خلت دماغي تودي وتجيب
تقريبا نفس الظروف
عربية زيرو
مكان مقفول
بسوالفرق تن الاليزيه دارت اودامي
بس الريو انا روحت كانت دايرة وقالي احنا لازم نسخن العربيات كلها وبنغير مكانها

**mahmoudhanfe** · 16-05-2013 09:32 PM

المشاركة الأصلية كتبت بواسطة zooma2009

هيا فعلا نفس العربيه اللي فتوكيل عز العربيه فالداوت تاون فأسكندريه

الفيراني الهاي لاين

فعلا هي نفس العربية

**Karim Hegab** · 16-05-2013 09:42 PM

http://www.youtube.com/watch?v=3iDzYpZ4qsQh
الفيديو ده مهم جدا

**mahmoudhanfe** · 16-05-2013 09:47 PM

المشاركة الأصلية كتبت بواسطة karim hegab

http://www.youtube.com/watch?v=3idzypz4qsqh
الفيديو ده مهم جدا

انا كنت شفت الفيديو ده قبل ما احجز

بس يا استاذ كريم انت برده حاجز العربية ،، مقلتلناش رايك في الكام نقطة دوول ،، اظن انك اتفرجت علي العربية برده ودورتها

**memoo1286** · 16-05-2013 09:55 PM

أنا أحب اشغل عقلى واسال كام سؤال والأجابة ممكن تقنعكم .
عربيه زى دى وبالمواصفات دى وأوروبى بالسعر ده أرخص من الكورى (الكيا ريو والهيونداى أكسنت ) تعتقدوا ده على حساب ايه؟ أكيد على حساب الخامات والكواليتى. بلاش تعالو نقارن السعر بتاعها ومواصفاتها مع ستروين زيها C4 أو بيجو 208 تقريبا نفس المواصفات بس سعر البيجو208 وسى4 أعلى بكتير . الستروين السى اليزيه والبيجو 301 جزء كبير من خامتها من مواد recycled وأكيد قطع غيارها غير معمرة

**الجنرال** · 16-05-2013 09:58 PM

السلام عليكم ورحمة الله

انا بصراحة مش شايف فى اللى انت شفته ده مشكلة ما عدا حتة رعشة الموتور .. واخوانا ردوا على نقطة الصوت بتاع الموتور وعلى التكييف

انا بس احب اطمنك على موضوع الريو لان انا معايا ريو دلوقتى .. انا لما بنزل الصبح علشان اروح الشغل واشغل العربية العربية بيبقى صوتها عالي جدا والrpm بيبقى معدي الواحد ونص احيانا كمان .. بعد دقيقة بالضبط لما العربية تسخن بينزل لتحت ال الالف لفة وصوت العربية بيرجع لطبيعته

اللى ممكن فعلا اقلق منه حاجتين:
1- رعشة الموتور ودي لازم نتأكد منها الاول
2- التوكيل بتاع العربية ... وده اللى بيخليني بفكر في ال301 على اساس ان توكيل بيجو افضل من سيتروين

فى الاخر .. بصراحة الموضوع ملهوش حل غير الاستخارة فقط .. الواحد يستخير وربنا يسهلها ان شاء الله

**zooma2009** · 16-05-2013 09:59 PM

المشاركة الأصلية كتبت بواسطة mahmoudhanfe

شكرا ياباشا علي ردك الجميل المفصل

هو انا سمعت صوت الريو جو المعرض وتقريبا نفس الارضيات الرخام والازاز وكمان المكان اضيق
والمقارنة ديه بقي هي اللي خلت دماغي تودي وتجيب
تقريبا نفس الظروف
عربية زيرو
مكان مقفول
بسوالفرق تن الاليزيه دارت اودامي
بس الريو انا روحت كانت دايرة وقالي احنا لازم نسخن العربيات كلها وبنغير مكانها

تفتكر يكون ده السبب ؟؟؟؟؟ العربيه اول لما بتدور بتبقي ار بي ام اعلي وصوتها اعلي لحد اما تسخن ويبدأ صوتها يهدا !!!!!!

**mahmoudhanfe** · 16-05-2013 10:00 PM

المشاركة الأصلية كتبت بواسطة memoo1286

أنا أحب اشغل عقلى واسال كام سؤال والأجابة ممكن تقنعكم .
عربيه زى دى وبالمواصفات دى وأوروبى بالسعر ده أرخص من الكورى (الكيا ريو والهيونداى أكسنت ) تعتقدوا ده على حساب ايه؟ أكيد على حساب الخامات والكواليتى. بلاش تعالو نقارن السعر بتاعها ومواصفاتها مع ستروين زيها c4 أو بيجو 208 تقريبا نفس المواصفات بس سعر البيجو208 وسى4 أعلى بكتير . الستروين السى اليزيه والبيجو 301 جزء كبير من خامتها من مواد recycled وأكيد قطع غيارها غير معمرة

برغم ان حضرتك هجمت علي العربية هجوم شرس اوي بصراحة ،، بس هي نقطة مهمة ولازم نفكر فيها
ياتري السعر التنافسي للعربية ده علي حساب ايه
وكمان ،، العربية مش حتتسوق الا في دول الي حد ما تعتبر فقيرة اول دول عالم تالت ،، حتي مش حتنزل في فرنسا ،، اللي هي المفروض بلد المنشا

بس اكيد مش لدرجة ريسايكلد ابداا يعني