الموضوع: ضرورى جدا .. ياريت الدخول لكل حاجزى الاليزيه للاهمية

المشاركة الأصلية كتبت بواسطة k.lotfy

هو بالنسبه لصوت الموتور بيهدا بعد الاستخدام اللوجان اول ما جبتها كانت الصوت زى العربيات النقل بعد كده قل مع نفسه فمتهيألى اللى انت سمعته مش حيفضل على طول

مع احترامي ليك لكن صوت موتور اللوجان بالذات عالي جدا ومسموع جدا سواء من داخل او خارج العربية وبصورة مستفزة وهي جديدة وبعد ماتقدم وهي باردة وهي سخنة...يعني طول الوقت . الكلام ده عن تجربة 5سنين والموضوع ده كان معقدني وبعد مناقشات عديدة مع ملاك للوجان تأكدت انه علو صوت الموتور ده مالوش حل

شكرا mahmoudhanfe على الموضوع
اولا: يبدو ان العربية اللى انت شوفتها مكنتش دارت قبل كده...العربية اللى اتفرجت عليها فى عز العرب (الصحراوى) وده كان اول ما اعلنوا عن العربيةمكنش فيها مشكلة الرعشة دى. بالنسبة لصوت الماتور هو مش عالى قوى وكمان زى ما باقى الاخوة اكدوا ان العربية اول ما بتدورها بيبقى صوت الماتور عالى بعد ما تسخن ماتسمعلوش صوت ...انا عربتى الاكسارا كانت كده لدرجة انى مرة لفيت المفتاح تانى لانى كنت فاكر العربة مش شغالة :)
ثانيا: تكيف الستروين عموما مش قوى زى ما مهاب وضح بتبقى عايز تشغله على اعلى حاجة لحد ما يسقع وبعد كده ممكن تقلله
ثالثا: بالنسبة لسعر العربية وهى ليه رخيصة كان فى موضوع كان عامله احمد عادل على ما اتذكر وكان نقاش حول الموضوع ده...لا اعتقد فى موضوع ال Recycle كل ما هنالك ان العربية مفيهاش تكنولوجى جديدة
ملاحظاتى انا بقى على العربية :
1 جودة التقفيل مش عالية زى باقى منتجات ستروين
2 توفير فى الدهان (حوض الماتور مش مرشوش)
3 الماتور مفيش علامة ستروين عليه (مش عارف دى فى كل الموديلات الجديدة ولا الاليزيه بس)
4 السعر ...مع ان السوق كله ماشى غلط بس انا شايف ان سعرها زيادة حوالى 10 الاف جنية عن السعر اللى مفروض

المشاركة الأصلية كتبت بواسطة Mohab.Nabil

معلش فيه نقطة برضه نسيت اتكلم فيها

طبعا العربية اقل شوية فى التقفيل و الخامات من الـ c4/c5 و طبعا اقل بفرق كبير من الـ ds-line بس مش معنى كده ان العربية وحشة ... انا هحاول اوصل وجهة نظرى يعنى مثلا لو قولنا c4 تقفيلها 9 من 10 الاليزيه تقفيلها 7 من 10 بس هى اعلى من كل العربيات اللى بتنافسهم اللى هما مثلا 5 او 6 من 10 .. فلو ركبت سى فور او سى 5 و بعدين ركبت الاليزيه هتحس بفرق فعلا من جوة و ديه حقيقة انهم وفروا فى الخامات شوية بس وفروا لأنهى مستوى ؟ دا السؤال المهم يعنى فيه مستوى معين هما مش هيقدروا ينزلوا عنه و المستوى ده لسه برضه اعلى من المنافسين .. و اللى هيجيبها ان شاء الله لازم يبقى فاهم انها مش هتبقى زى الـ c5 فرق حوالى 100 الف جنيه فطبيعى ان مش هتبقى نفس الجودة .. اتمنى اكون قدرت اوصل وجهة نظرى

بالنسبة للمقارنة مع الريو بصراحة بعد اسعار الريو اللى بسمعها اظن ان الفئة اللى بـ 120 ديه هتبقى عربية فاضية تماما و مفهاش اى اوبشنز او وسائل امان فكده هى برة المقارنة مع الاليزيه لأن الاليزيه موتور اقوى و اوبشنز اكتر .. يا ريت حضرتك تصححلى لو كلامى غلط لأنى مش متابع اوى الاسعار كل يوم بتغلى

تمام كلامك سليم 100% ...
بس فى شويه حاجات احب اقولها لصاحب الموضوع :
- اعتقد ان صوت موتور اليابانى و الكورى اهدى من الاروبى بصفه عامه ده بخصوص مقارناتها مع الريو .. اما صوت الموتور العالى اللى فى اول ما ادور العربيه ده بيبقى بكبيره 15 - 20 ثانيه مش اكتر و rpm ينزل و صوت الموتور يهدى ... قصدى اقولك انك مش محتاج تدور العربيه فتره كبيره عشان تعرف صوت الموتور عالى او واطى ( غالبا هو صوت متورها كده )
- التكييف نفس الكلام اليابانى و الكورى معروف ان تكييفهم افضل و بيسقع اسرع و اقوى و ده سبب الاقبال عليهم فى دول الخليج اكتر من الاروبى لارتفاع الحراره.
- اما حته recyceled .. معلش ده كلام فاضى مع الاعتذار لصاحبك ... و انا مع ا / مهاب فى السعر ده حتبقى افضل من الريو بمراحل اللى عشان تاخد مميزاتها حتدفع حوالى 25 او 30 الف زياده و ربنا يوفقك فى الاختيار .

فيديو من الاخر .. هتشوف وتسمع بنفسك صوت الموتور وشوف الار بي ام فين (بالمناسبة الفيديو ده لـ 301 مش الاليزيه بس مش فارقة الاتنين حاجة واحدة)

Peugeot 301 1,6i 2013 - acceleration 0-190 km/h - YouTube

المشاركة الأصلية كتبت بواسطة dozo

تمام كلامك سليم 100% ...
بس فى شويه حاجات احب اقولها لصاحب الموضوع :
- اعتقد ان صوت موتور اليابانى و الكورى اهدى من الاروبى بصفه عامه ده بخصوص مقارناتها مع الريو .. اما صوت الموتور العالى اللى فى اول ما ادور العربيه ده بيبقى بكبيره 15 - 20 ثانيه مش اكتر و rpm ينزل و صوت الموتور يهدى ... قصدى اقولك انك مش محتاج تدور العربيه فتره كبيره عشان تعرف صوت الموتور عالى او واطى ( غالبا هو صوت متورها كده )
- التكييف نفس الكلام اليابانى و الكورى معروف ان تكييفهم افضل و بيسقع اسرع و اقوى و ده سبب الاقبال عليهم فى دول الخليج اكتر من الاروبى لارتفاع الحراره.
- اما حته recyceled .. معلش ده كلام فاضى مع الاعتذار لصاحبك ... و انا مع ا / مهاب فى السعر ده حتبقى افضل من الريو بمراحل اللى عشان تاخد مميزاتها حتدفع حوالى 25 او 30 الف زياده و ربنا يوفقك فى الاختيار .

اتفق مع حضرتك تماما فى موضوع ان صوت الاوربى اعلى من الكورى لانى كنت قارنت صوت موتور عربيتى مع الاكسنت والفرق كان رهيب للاكسنت .. وواضح فعلا ان فى اجماع على ان التكييف اقل فى القدرة من الكورى

بس اللى مش طبيعى اكيد رعشة الموتور وديه مش عارف ممكن يكون سببها ايه ,, ياترى هو الموتور ضعيف ولا تصميمه وتصنيعه كدة

المشكلة فى رعشة الموتور ,, مش دلوقتى
حاليا العربية لسة زيرو وكل حاجة جديدة
لكن مع الوقت القواعد بتاعت الموتور حتتهالك اسرع طبعا ,, والرعشة اللى مكنتش حاسسها جوة الكبينة حتوصلك

المشاركة الأصلية كتبت بواسطة الجنرال

فيديو من الاخر .. هتشوف وتسمع بنفسك صوت الموتور وشوف الار بي ام فين (بالمناسبة الفيديو ده لـ 301 مش الاليزيه بس مش فارقة الاتنين حاجة واحدة)

peugeot 301 1,6i 2013 - acceleration 0-190 km/h - youtube

بصراحة صوت الفيديو فى العربية ديه اكثر من رائع
وتوحيلك بقوة الموتور وكفاءته