صور لادا نيفا التي نزلت عند الأمل ولم يحدد سعرها بعد

**فادى** · 21-08-2008 01:14 PM

يا جماعة سعة المحرك لازم تكون كبيرة لأن دى عربية 4*4 محتاجة عزم كبير عشان اجتياز العوائق, ميزة هذه السيارة الأساسية هى وزنها المنخفض و ده بيديها رشاقة و بيساعد على اجتياز الطرق غير المعبدة بمحرك صغير نسبيا, لكن مهما كان لازم سعة المحرك تكون كبيرة عشان تبقى مناسبة فى الطرق غير المعبدة,
على فكرة النيفا مشهورة بقدرتها الرائعة فى الطرق غير المعبدة و دى ميزتها الأساسية و مادامت توفر الحد الأدنى من الكماليات (التكييف, الباور) فلا بأس بها أبدا خصوصا فى السعر ده.

**tutankhamoun** · 21-08-2008 01:32 PM

المشاركة الأصلية كتبت بواسطة فادى

يا جماعة سعة المحرك لازم تكون كبيرة لأن دى عربية 4*4 محتاجة عزم كبير عشان اجتياز العوائق, ميزة هذه السيارة الأساسية هى وزنها المنخفض و ده بيديها رشاقة و بيساعد على اجتياز الطرق غير المعبدة بمحرك صغير نسبيا, لكن مهما كان لازم سعة المحرك تكون كبيرة عشان تبقى مناسبة فى الطرق غير المعبدة,
على فكرة النيفا مشهورة بقدرتها الرائعة فى الطرق غير المعبدة و دى ميزتها الأساسية و مادامت توفر الحد الأدنى من الكماليات (التكييف, الباور) فلا بأس بها أبدا خصوصا فى السعر ده.

معاك يا هندسة
بس الكلام ده للناس اللي فعلا بتشتريها علشان تمشية بيها في ظروف صعبة
و ده مش متوفر في سوق 4*4 المصري
حيث أن أغلب الملاك لهذا النوع من السيارات
يستخدمونها داخل المدن حيث لا يحتاجونها فعلا
و شكرا على مشاركاتك يا باشمهندس فادي القيمة

**Kareem Khattab** · 22-08-2008 03:37 AM

تم حذف الرسالة لخلوها من اى مضمون-الإدارة

**Mosso** · 03-09-2008 08:48 PM

والله انا بفكر ,
و انا كنت قلت من فتره اني محتاج عربيه دفع رباعي و يكون سعرها في الحنين,
و اسمع بصراحه ان النيفا اعتماديتها عاليه جدا
بس هل الجديده دي الي لسه مش عارفين عنها حاجه هتبقى بنفس الاعتماديه بتاعت القديم؟؟؟
و المشكله كمان في التوكيل الي اسمع نه سيء لاقصى درجه,
يا ترى لو توكلت على الله و جبتها مين بيفهم فيها و خصوصا انها انجكشن مش كربراتير,
و ايه التعديلات الي ممكن تتعمل عليها بحيث اظبط الشكل البدائي بتاعها شويه,
و هل قطع غيارها هتكون متوفره؟؟؟
والله لو لقيت حل للمشكلات دي كلها انا ممكن افكر بشكل جدي جدا فيها

**ALIHUSSIEN** · 03-09-2008 08:51 PM

هل فيه لادا أوتوماتيك ؟؟؟؟

**mohamed2002** · 03-09-2008 08:52 PM

المشاركة الأصلية كتبت بواسطة mosso

والله انا بفكر ,

و انا كنت قلت من فتره اني محتاج عربيه دفع رباعي و يكون سعرها في الحنين,
و اسمع بصراحه ان النيفا اعتماديتها عاليه جدا

بس هل الجديده دي الي لسه مش عارفين عنها حاجه هتبقى بنفس الاعتماديه بتاعت القديم؟؟؟
و المشكله كمان في التوكيل الي اسمع نه سيء لاقصى درجه,

يا ترى لو توكلت على الله و جبتها مين بيفهم فيها و خصوصا انها انجكشن مش كربراتير,
و ايه التعديلات الي ممكن تتعمل عليها بحيث اظبط الشكل البدائي بتاعها شويه,
و هل قطع غيارها هتكون متوفره؟؟؟
والله لو لقيت حل للمشكلات دي كلها انا ممكن افكر بشكل جدي جدا فيها

المفروض انها تقفيل شركة الامل وهمابيقفلو ال 2107 كاربراتير وانجيكشن ,ففمكن يكون منها كاربراتير,ال 2107 الجديد مش بنفس قوة ومتانة الادا القديمة ,لكن برضه لادا:)
التظبيط هيا معاها ديفيندر وشوف الجنوط وطيبة كدة
قطع الغيار اعتقد انها كلها متقاربة مع النيفا القديمة ما عدا الفوانيس الخلفية مش زي القديمة بس حتتوفر اكيد وحتكون باسعار مناسبة جدااا

**Mosso** · 03-09-2008 08:54 PM

المشاركة الأصلية كتبت بواسطة ALIHUSSIEN

هل فيه لادا أوتوماتيك ؟؟؟؟

حضرتك احنا فرحانين ان نزل منها بتكييف و باور

**Mosso** · 03-09-2008 08:57 PM

في معلومات عن قدرات التوكيل اسعارهم و امكانياتهم و تعاملهم لاني بسمع من ناس كتير انه عامل زي ما يكون ورشه ميكانيكي عاديه,

**Chicco** · 07-09-2008 11:38 PM

موسو سنسيه حيقلب كاماراد

بصراحة هي كده متفصله عليك 4x4 و سعرها كويس ....متقلقش من التوكيل ...أهم حاجة الضمان ....الصيانة و الميكانيكا حتبقى سهلة إن شاء الله ...العربية ما فيهاش أي تكنولوجية متطورة (ميزة في المحروسة !!)

**Mosso** · 08-09-2008 12:05 AM

شيكو باشا ,
انا عرفت سنسيه بالعافيه انما كاماراد قدامي بحث طويل بقه,
حضرتك عارف ان مشكلتي مع اللاوندي عويصه شويه....

والله يا Dr انا محتار و الواحد قاعد يفكر بس كل الناس كل مقولها بفكر في نيفا بلاقي رد فعل غريب بيبان على وشهم,
لدرجه ان انا كمان بدأ رد الفعل ده يبان على وشي كل ما افكر,
و الي كان منهم متفهم الوضع و وافق يناقشني قاللي هو انت تضمن ان النيفا بتاعت دلوقتي هي النيفا بتاعت زمان؟؟؟!!!!!!!!
قاللي الحاجه الوحيده ان الاتنين عربيتين بدائيتين مع الفرق ان زمان كانت بدائيه بضمير و مناسبه لعصرها و دلوقتي بقت بدائيه بس
فانا محتار بقه بس هنزل ان شاء الله برضه ابص بصه عليها كده

مشاهدة نتائج الإستطلاع: ما رأيك في هذه السيارة مبدئياً

الموضوع: صور لادا نيفا التي نزلت عند الأمل ولم يحدد سعرها بعد

LinkBack

أدوات الموضوع

عرض

-

-

-

-

-

-

المواضيع المتشابهه

ماتور لادا نيفا وماتور لادا 2107 هل ينفع؟

نيفا و شركة الأمل

يا رجالة ... نيفا 2008 نزلت عند الأمل

شيفروليه كروز ليست ب 170 الف ولم يحدد سعرها بعد

مقارنة بين الأمل وحمدى لادا

الكلمات الدلالية لهذا الموضوع

المفضلات

المفضلات

ضوابط المشاركة