صور لادا نيفا التي نزلت عند الأمل ولم يحدد سعرها بعد

**Chicco** · 08-09-2008 12:14 AM

كاماراد يعني "رفيق " أو صديق ...كانوا بيستخدموها كتير أيام الأتحاد السوفيتي ....الرفيق برجينيف و بتاع ....ما علينا

بص هي العربية مش حتبقى مقنعة للناس انما فيها المتطلبات اللي إنت عايزها يا جميل ......
فعلا اللادا دلوقت مش بجودة اللادا زمان ....انما هما برضه بيحاولوا جامد .....
بص على العربية قبل ما تاخد أي قرار .....انما لو بالسعر ده أعتقد صفقة لا بأس بها

**Mosso** · 08-09-2008 12:21 AM

يا مسهل,
اهو نبص بصه كده ونشوف و ربنا يسهل,
و ان شاء الله هبقى اديلك لفه لوجبتها (حاجه سيبيشيال اهو)
هو كان حد يحلم يسوق لادا في الزمن ده :D

**Chicco** · 08-09-2008 01:14 AM

أنت بتقول فيها ..أنا فعلا نفسي اسوقها .....أنا إن شاء الله نازل مصر اجازة من ١٩ سبتمبر ..شد حيلك بقى

**Mosso** · 08-09-2008 01:59 AM

خلاص ان شاء الله لو جبتها و عجبتك هديهالك و اشحنها على كندا,
انا امبارح شفت في الجرنان التيجو كمان,
والله عايز ابقى ابص عليها بصه كده و اشوف ايه نظامها

**Chicco** · 08-09-2008 02:25 AM

ربنا يوفقك يا سنسيه

**wahba** · 08-09-2008 08:34 PM

السياره قويه جدا ولكن الكل عارف ان السيارات الروسية ناشفه في المطبات و خصوصا مصر كلها مطبات و الجلس في الخلف لا توجد له تهويه و السياره بابين فقط عند حدوث مكروه لا قدر الله مع ربط الاحزمه الامان يتاخر الخروج منها مما يسبب كارثة بالاضافه الي ارتفاعها عن الارض يجعلها سهلة القلب في الملفات و السياره اقرب ما تكون مصممه للدوريات الروسيه

**megoghanem** · 13-09-2008 03:16 AM

والله المصريين دول غلابة جدا وبيرضوا فعلا بقليلهوم
بقى الخليجيين بيكلموا فى لاند كروزر ولاند رووفر وهامر والغلبان عندهم يركب برادو أو شيروكي 4000 سي سي ع الأقل .. واحنا هنا مستكترين على نفسنا 100 سي سي زيادة فى عربية (اسم النبي حارسها) لادا .. لأ وإيه ونفس الشكل القديم وإن كان عاجبكوا

والله شعب لذيذ وطموحاته كلها تفصيل وعلى أده .. نفسه فى موبايل تاتش وبقلم تقوم الصين مانزله له موبايل كله على بعضه ب1000 جنيه .. نفسه فى دي في دي وعربية فارهة يقوم يركب سبرانزا .. ولو عايز دش بالكتير 200 جنيه بطبق حجمه زى طبق السطلة .. أو حتى دش مركزي أهو يبقى حقق حلمه .. أما التكييف بقى ففيه تكيف عجبة لأ ومحمول كمان ب400 جنيه وفيها ايه بس لو كنا هانحطله تلج من ورا المهم يشتغل واحنا نجيب العيلة كها تقعد (تتكيف)

**M.Elhamy** · 16-09-2008 02:53 AM

المشاركة الأصلية كتبت بواسطة megoghanem

والله المصريين دول غلابة جدا وبيرضوا فعلا بقليلهوم
بقى الخليجيين بيكلموا فى لاند كروزر ولاند رووفر وهامر والغلبان عندهم يركب برادو أو شيروكي 4000 سي سي ع الأقل .. واحنا هنا مستكترين على نفسنا 100 سي سي زيادة فى عربية (اسم النبي حارسها) لادا .. لأ وإيه ونفس الشكل القديم وإن كان عاجبكوا

والله شعب لذيذ وطموحاته كلها تفصيل وعلى أده .. نفسه فى موبايل تاتش وبقلم تقوم الصين مانزله له موبايل كله على بعضه ب1000 جنيه .. نفسه فى دي في دي وعربية فارهة يقوم يركب سبرانزا .. ولو عايز دش بالكتير 200 جنيه بطبق حجمه زى طبق السطلة .. أو حتى دش مركزي أهو يبقى حقق حلمه .. أما التكييف بقى ففيه تكيف عجبة لأ ومحمول كمان ب400 جنيه وفيها ايه بس لو كنا هانحطله تلج من ورا المهم يشتغل واحنا نجيب العيلة كها تقعد (تتكيف)

عندك حق