الموضوع: تست درايف 127-سبعاوي

الموضوع دة انا كنت كاتبة فى توبك نادى محبى ومالكى ال 127 واحب ازود علية للاستاذ سبعاوى ان وزنى حوالى 115 كجم وطولى حوالى 185 سم ولم اعانى على الاطلاق من اى شىء ذكرة الاستاذ سبعاوى والتجربة خير برهان للاستاذ سبعاوى وكل من يريد الحضور من اعضاء المنتدى(العربية بتشيل 5 افراد 2 تخان زى فى الامام و3 عاديين فى الكرسى الخلفى وبتمشى على سرعة 120 مرتاحة) . وعلى من يريد ارسال ميل. وعلى فكرة انا مش متحيز لل127 لانها عربيتى الحالية ولكن لانها فعلا عربية كويسة وعلشان محدش يتهمنى بالتحيز انا اتمنى ان اغيرها طبعا بعربية اخرى تكون احسن واكبر وفيها تكييف.
ولكن العين بصير والايد قصيرة
الحاجة الاهم هى اننا لازم نفرق بين عربية وحشة وسيئة جدا زى اللى عمل عليها الاستاذ سبعاوى التست بتاعة والعربيات اللى حالتها جيدة لانى ممكن اجيبلك مثلا عربية لانسر موديل 2006 او 2007 وتكون كفرانة ولو حكمت عليها طبعا يكون حكم خاطىء ولا يعمم على اللانسر عموما

انا كمان فى النهاية عارف ان الموضوع فية شىء من الكوميديا والضحك ولكن انا حاسس انك متحامل اوى على عربية انا شايف ان ادائها افضل مما نتوقعة من عربية مثلها.


دة الموضوع اللى كنت باعتة فى توبك محبى ال 127

انا شخصيا معايا سوبر فيورا موديل 1986وبقالها معايا سنة ونصف وعلى فكرة علشان فى ناس كتيراتكلمت فى موضوع السى سى فى الفيورا يا جماعة فى منها 903 و 995 1050 سى سى مفيش حاجة اسمها 950 خالص

اما عن العربية فانا هحكيلكو انا بعمل فيها اية وانتوا تحكموا

1-انا بسافر بيها 3 مرات فى الاسبوع من العاشر من رمضان الى الاسماعيلية ( 150 كم رايح جاى بخلاف الكيومترات الزيادة للمشاوير الشخصية فى العاشر.وعلى فكرة احيانا بعد رجوعى من الاسماعيلية قد اسافر للقاهرة
2- بسافر بيها مرتين او مرة فى الاسبوع من العاشر الى بور سعيد (300 كم رايح جاى)
3- اما عن يوم الجمعة فلازم طبعا افسح مراتى وابنى وبسافر من العاشر للقاهرة او الجيزة عند نسايبى
4- يوم السبت طبعا لازم حد يخترعلى اى مشوار :)

على فكرة انا مشوار اسماعيلية بياخد 10 لتر 90 ب 13 جنية وبور سعيد 20 لتر ب 26 جنية يعنى كمان لو حطيت 80 هيبقى اقل بكتير يعنى 9 جنية و 18 جنية بس انا عامل عمرة من 6 شهور وبحط 90 علشان احافظ على العربية وكمان علشان بسافر كتير وعايزها تنجز معايا ومتعطلش منى على طريق بسبب انسداد كاربرتير ولا حاجة. وبحط زيت نضيف علشان يحافظ على الموتور وعمرة يطول . غير كدة بعمل الصيانة العادية جدا اللى ممكن تحصل فى اى عربية على فترات متابعدة مثل دينامو - مارش - تقطيع بسبب طقم كهرباء او تنظيف كربراتير ... الخ.

يعنى الخلاصة ان العربية دى مبترتاحش ولا يوم فى الاسبوع وبتعمل حوالى 5000 كم فى الشهر.

اما الثبات جيد جدا مع سرعة معقولة مث 110 او 120 بالكتير

عيوب السيارة مثلها مثل اى سيارة قديمة
1- صوت عالى للموتور داخل الكابينة
2- هواء داخل من كل حتة :)
3- اعطال كثيرة نسبيا
4- شاسية ضعيف الى حد ما ( يظهر عيوبة فقط فى حال زيادة الحمل(الركاب) عليها لفترات طوية
5-صغيرة الحجم وخصوصا الشنطة

ولكن فى المجمل سيارة فوق الممتازة فى من وجهة نظرى المتواضعة وادائها بالنسبة لى كان اكبر بكثير جدا من الذى توقعتة من سيارة فى مثل فئتها. واترك باقى الحكم لكم بعد رائى الشخصى فيها.

نسيت اقولكو انة كان معايا قبلها فيات 131 ومش حاسس بفرق غير فى الحجم!!!!

موضوع رائع يا سبعاوي , بس اعتقد انه فكاهى اكتر منه جدى
عموماً انا مسكت نفسي من الضحك بالعافية وانا في الشغل

مش ممكن ياسبعاوى الى انت عملته فينا ده قمة الكوميديا .
انا مابطلتش ضحك من اول الموضوع الى اخره.

المشاركة الأصلية كتبت بواسطة mtageldeen

أنا لي واحد صاحبي جاب بالعربية 130 كم والرادار مسكه
ولما وصل للظابط عشان المخالفة الظابط قال:

أنا مش مصدق ولو عملت مخالفة هيقولو عليه مجنون
إمشي يابني بس قوللي الأول عملت كده إزاي؟
127 بتستهبل فاكره نفسها بورش ولا إيه

دي سرعتها ممكن توصل ل140 كمان يا باشا بس لو موتورها بحالة الزيرو ........فيه ناس كتيرة فعلا ما بتصدقش انها عربية كويسة ...... فاكرينها عاملة زي السيات علشان شكلها قريب منها شوية بس هي عربية فعلا ممتازة وعملية جدا برغم ان اخونا سبعاوي شردها خالص بالتست درايف اللي عمله ده :D

المشاركة الأصلية كتبت بواسطة mtageldeen

أنا لي واحد صاحبي جاب بالعربية 130 كم والرادار مسكه
ولما وصل للظابط عشان المخالفة الظابط قال:

أنا مش مصدق ولو عملت مخالفة هيقولو عليه مجنون
إمشي يابني بس قوللي الأول عملت كده إزاي؟
127 بتستهبل فاكره نفسها بورش ولا إيه

الحكاية دى حصلتلى شخصيا قبل كدة فى طريق مصر اسماعيلية بس الضابط
مارضيش ياخد الرخصة ولايحرر مخالفة لانة ماقتنعش بالفكرة اصلا