الموضوع: ياريت حل نهائي لموضوع البطاريه؟؟؟؟

المشاركة الأصلية كتبت بواسطة goudamahdy

السلام عليكم ورحمة الله وبركاته
بص يا باشا الكلام ده عن تجربة شخصية ... أنا عربيتي صني 2011 مانيوال ... البطارية الأصليه مش 55 أمبير دي هي أصلا 45 أمبيبر وباظت عندي من شهر 11-2012 وغيرتها بواحدة 70 أمبير تركي مش فاكر نوعها ايه بالظبط بس العربية من ساعتها تمام الحمد لله وما فيهاش أي مشاكل.
فوائد تغيير البطاريه بأمبير أعلى :
1- طول عمر البطارية نسبيا عن الأقل منها وهذا يفسر كالآتي : لما تكون سعة البطارية كبيرة لما تيجي تبوظ الأمبير أكيد بيقل فلو هي من الأصل أمبيرها قليل هتبوظ بسرعة وهتضطر تغيرها بدري ... لكن لو الأمبير كبير هتتطول شويه لأن لغاية ما الأمبير يصل لدرجة إن كميته ما تدورش العربية هياخد وقت أطول ( أرجو الفكرة تكون وضحت )
2- لو العربية أوتو ( وده من أعضاء هنا في المنتدي لأن عربيتي مانيوال ) البطارية ذات السعة الأكبر بتخليك ما تحسش بنقلة الغيارات بتاع الفتيس ...
3- وفي نظري دي أهم نقطة ... التكييف : بيقل تأثيره جدا ع السحب لدرجة إني غيرت البطارية في الشتاء فلما شغلت التكييف على سبيل أني أحافظ عليه... السحب مش اتأثر كتير فظنيت إن الجو شتا والترموستات بيفصل بدري ... لما جه الصيف اليومين دول باشغله ما فيش تأثير ع السحب إلا قليل جدا وما شاء الله كفاءة التكييف عالية جدا لدرجة إني فكرت في تغير البطارية المرة الجاية إني أجيب بطارية 90 أمبير مش 70 علشان الواحد يستمتع بالتكييف والسحب ....
أرجو أني أكون أفدتك...

أ/ جودة ممكن حضرتك توضح قصدك إيه بأن ما فيش تأثير على السحب لما بتشغل التكييف (بعد تغيير البطارية).
اللى أنا أعرفه أن التكييف شغال بحركة ميكانيكية من موتور العربية .. فأكيد هيأثر على السحب.
إيه الرابط ما بين التكييف و البطارية ؟
و شكرا لك