كلام نهائي عن ال GPS Trackers

**ahmed rageh** · 16-03-2013 01:11 PM

السلام عليكم ورحمة الله وبركاته بسم الله الرحمن الرحيم
بالنسبة لموضوع الجي بي إس تراكرز انا كنت شغال سنة ونص في شركة تتبع سيارات
الحمد لله أخدت خبرة كبيرة في الحاجات دي بس لأسباب شخصية أنا سيبت الشركة دي وشغال دلوقتي في مجال تاني خالص
أنا أصلا مهندس إتصالات " هندسة إلكترونية منوف "
ندخل بقي في الموضوع علي طول عشان أنا شايف ناس كتير بتسأل عن الحاجة دي ومحدش كتير عارف عنها لأنها لسة جديدة ومانتشرتش في مصر جامد عشان الناس تبقي متأكدة منها
أجهزة التتبع الموجودة في مصر عموما كلها صيني
بس فيه فرق بين صيني فرز زبالة زي التليفونات الصيني اللي إنتشرت في مصر وبسعر رخيص
فبتبوظ بسرعة وبين الأجهزة النضيفة اللي بتتصدر لأوروبا ومش بيبقي فيه فرق بينها وبين أي منتج عالمي قوي ومعاه ضمان
أول حاجة أي واحد فينا لو هيسأل عليها وهو بيشتري جهاز هيا السعر
السعر دا بيتغير من جهاز للتاني علي حسب إمكانيات الجهاز وعلي حسب قوة السوفت وير بتاعة وسهولة الويب سايت اللي بيتم المراقبة والتتبع من خلاله وعلي حسب قوة البوردة بتاعة الجهاز وقوة الـchip بتاعت الإرسال والإستقبال
يعني مالأخر ممكن تلاقي جهاز ب 500 جنيه وجهاز بألف وخمسمائة وجهاز بألفين وهكذا
فرق السعر دا طبعا بيقابله فرق كبير في إمكانيات الجهاز نفسه ودقة تحديده للمكان
بالنسبة للأسعار بتبدأ من 1350 ودا جهاز كوبي مش أوريجنال فيه مايك وزرار طوارئ لحالات الخطر وتقدر تتتبع من خلاله العربية من علي الأكونت الخاص بيك علي موقع الشركة وتقدر توقف العربية وتشغلها عن طريق رسايل من الموبايل
الجهاز التاني دا بقي الأوريجنال عامل بحوالي 1700 جنيه ودا بيبقي فيه مايك وممكن يركب ليه سبيكر بس الإسبيكر بيغلي السعر شوية تقريبا حوالي 100 جنيه زيادة مش فاكر بالظبط
وطبعا زي ماقولت فرق الأسعار بين الأجهزة وبعضها بيبقي لأسباب كتير
الجهاز أبو 1700 دا أفضل من أبو 1350 في الموقع بتاعه وسرعة إستجابة الجهاز للأوامر وسهولة التعامل مع الموقع الخاص بيه وكدا
فيه بقي أجهزة أعلي من كدا كمان بس دي بقي بيركب لها كاميرات وحساسات للأبواب وممكن rfid عالأبواب وحساسات بنزين وشاشات ملاحة
الجهاز لوحده من غير الإكسسوارات اللي فيه تقريبا كان عامل 2000 بس الإكسسوارات اللي فيه دي بقي مش فاكر بكام بالظبط والله
أنا طولت عليكما أنا عارف بس كان لازم أعمل كدا لأن بصراحة مش بحب الفتي الكتير
الحاجة دي أنا كنت شغال فيها والحمد لله تقريبا عندي خبرة كبيرة قوي فيها عشان كدا وأنا بقلب لما لقيت الإستفسارات كتير عليها قولت أجيب مالآخر عشان مش عايز ألاقي حد تاني داخل يسأل علي التراكرز
:D[/FONT][/FONT][/FONT]

**mga747** · 17-03-2013 02:11 PM

جميل .. لو انا عايز اركب واحد فى العربية اعمل ايه ؟؟ (اروح لمين ؟؟)

**ahmed rageh** · 17-03-2013 11:25 PM

المشاركة الأصلية كتبت بواسطة mga747

جميل .. لو انا عايز اركب واحد فى العربية اعمل ايه ؟؟ (اروح لمين ؟؟)

هدي لحضرتك رقم كلمه وإستفسر منه أكتر
01062027621

**amr00** · 18-03-2013 08:52 AM

السلام عليكم

لو سمحت يا فندم من واقع خبرتك ممكن تعرفنى افضل نوع اسمه والموديل بتاعه . وعنوان الشركه ورقم تليفونهم .

وكنت عاوز اعرف راى حضرتك فى الجهاز ده MEITRACK_MVT100 User Guide V2 0
ودى صوره ليه

وشكرا لسعه صدرك يا فندم

**ahmed rageh** · 18-03-2013 08:35 PM

المشاركة الأصلية كتبت بواسطة amr00

السلام عليكم

لو سمحت يا فندم من واقع خبرتك ممكن تعرفنى افضل نوع اسمه والموديل بتاعه . وعنوان الشركه ورقم تليفونهم .

وكنت عاوز اعرف راى حضرتك فى الجهاز ده MEITRACK_MVT100 User Guide V2 0
ودى صوره ليه

وشكرا لسعه صدرك يا فندم

بص يا باشا انا بصراحة ربنا ماشوفتش النوع اللي حضرتك حاطط صورته قبل كدا دا ولا إتعاملت معاه
فمقدرش أقول لحضرتك إنه وحش أو كويس لو شوفت الجهاز في إيدي أقدر أعرف الماتيريال بتاعت البوردة بتاعته كويسة ولا لأ أو حتي لو شوفت الويب سايت اللي بيتم المراقبة والتتبع من عليه أقدر أحدد من خلاله السوفت بتاعه كويس ولا لأ لأن السيرفرات اللي شغال عليها الويب سايت لو تعبانة هتبقي الماتيريال والسوفت وير بتاع الجهاز تعبانة ومش تمام
أما بالنسبة لأفضل نوع أنا إتعاملت معاه نوع إسمه mt100 , mt200
الشركة إسمها "إكسبريس لاين " رقم التليفون حضرتك ممكن تتصل علي الرقم دا وممكن تستفسر منه علي اي حاجة حضرتك عايزها بإذن الله 01062027621

**amr00** · 21-03-2013 07:05 AM

المشاركة الأصلية كتبت بواسطة ahmed rageh

بص يا باشا انا بصراحة ربنا ماشوفتش النوع اللي حضرتك حاطط صورته قبل كدا دا ولا إتعاملت معاه
فمقدرش أقول لحضرتك إنه وحش أو كويس لو شوفت الجهاز في إيدي أقدر أعرف الماتيريال بتاعت البوردة بتاعته كويسة ولا لأ أو حتي لو شوفت الويب سايت اللي بيتم المراقبة والتتبع من عليه أقدر أحدد من خلاله السوفت بتاعه كويس ولا لأ لأن السيرفرات اللي شغال عليها الويب سايت لو تعبانة هتبقي الماتيريال والسوفت وير بتاع الجهاز تعبانة ومش تمام
أما بالنسبة لأفضل نوع أنا إتعاملت معاه نوع إسمه mt100 , mt200
الشركة إسمها "إكسبريس لاين " رقم التليفون حضرتك ممكن تتصل علي الرقم دا وممكن تستفسر منه علي اي حاجة حضرتك عايزها بإذن الله 01062027621

طيب هو تركيبه ازاى اصل العربيه لسه فى الضمان و ايه اللى بيفصل الكهربا ولا البنزين ولا الاتنين
وبردو مش ممكن الرسائل تتاخر او متوصلش اصلا . والموقع مجانى مدا الحياه ولا فتره معينه
هو ينفع الشغل فيه يبقى عن طريق الاتصال مش الرسايل وايه هى نقط ضغف الجهاز . وسعره فى الشركه دى كام

شكرا ياباشا على النصيحه وعلى ردك ومنور المنتدى كله

**ahmed rageh** · 21-03-2013 06:25 PM

بالنسبة لحكاية الضمان دي ماتقلقش منها بإذن الله الجهاز مش بيخرج العربية من الضمان ولا حاجة
أما توقيف العربية بيتم عن طريق حاجتين يا إما كهربا كونتاكت أو قطع البنزين
دي ودي واحد بيقوموا بنفس الدور اللي هوا إني أوقف العربية
وطبعا العربية مش بتقف تقوم قافشة فرامل توتووتتوتتوتوتوتتو لعربية بيتفصل عنها البنزين تماما كأنه خلص وشطبت بنزين
أما بالنسبة لموضوع الرسايل : الرسالة لو إتأخرت هتتأخر مثلا دقيقة كأنك بتبعت رسالةلأي موبايل عادي
بس ما ينفعش أوقف العربية وأشغلها عن طريق الرن من الموبايل لأن الجهاز بيكون فيه تليفون لو رنيت بيفتح عليك
وطبعا لو عايز توقف الخاصية دي وتخليه يبعت رسالة بمكانه لما ترن من غير ما يفتح مافيش مشاكل متاحة برضو
بس اللي مش متاح إني أرن عليه يقطع ويوصل البنزين
الحكاية دي ياإما بالرسايل أو من الحساب الخاص بحضرتك عالموقع الخاص بالشركة
العيب الوحيد الموجود بأجهزة الجي بي إس عامة إننا بنعامل معاها كأننا بنتعامل مع موبايل يعني لو مافيش شبكة الجهاز مش بيستجيب للأمر إلا لما يلقط شبكة
أسعار الأجهزة في الشركة 1350 و 1700 و200
دا رقم مهندس صاحبي كان معايا في الشركة ممكن حضرتك تتصل بيه تستفسر منه 01062027621