ارجوكم أفيدونى كيا سبورتاج وﻻكيا كارنز الشكل الجديد وﻻ اﻷفضل هيونداىix35

**dr.sherif** · 18-05-2013 08:09 PM

شاكر لتعليق حضرتك ... وانا فعلا ذهبت اليوم وشوفت السيارة ix35 وقالولى فى التوكيل اول فئة 200000 جنية وحجز 20000 لمدة شهر وقابل للزيادة الاكيدة كمان تخيل حضرتك ... الحقيقة العربية من برة مميزة ومناسبة لي جدا شكلها انسيابى وفورمال اكتر من الاسبورتاج لكن بصراحة وللاسف من جوة وحشة جدا تقفيل ضحيف وخامات رديئة ومكنتش متخيل كدة ....تصوروا مصر دى البلد الوحيدة فى العالم اللي تدفع فيها تمن مرسيدس علشان تركب تكتك وكمان بتنططوا علينا سبحان الله العظيم... المهم انا حاسس ان الاسبورتاج خاماتها افضل وخصوصا انى علمت ان التقفيل الجديد2014 اوروبى مع انى عارف ان كل دى اشتغالات

**dr.sherif** · 18-05-2013 08:15 PM

المشاركة الأصلية كتبت بواسطة m i d o

انا شخصيا بحب الاسبورتاج وبكرة اكتر الاستغلال و السرقة والي حصل دة سرقة وعلي فكرة انا كنت قرئت في جريدة الاهرام ان في واحد كان حاجز عربية تمنها 275 الف بس مش فاكر نوعها بصراحة ووقت الاستلام بقت 300 الف وراح حماية المستهلك بورق الحجز بتاعة و اجبرو الشركة تدية العربية بالسعر الي هوة حاجز بية يعني حضرتك كان ممكن تعمل كدة بس لو ملاكش في السكك دي و اللف يبقي هات ix35 عربية جميلة ولسة منتشرتش اوي يعني هتحس انك راكب عربية مميزة ويغورو بتوع كيا بالسرقة بتاعتهم دي بس نصيحة لوجة الله بالمبلغ دة هات حاجة الماني او علي الاقل ياباني متجبش كوري ابدا بالسعر دة حرام بصراحة

انا شاكر لتوضيح حضرتك .....بس للاسف عندنا هنا فى مصر الصياعة بالفطرة (واسف على اللفظ) هما كتبين فى العقد ان التسليم بسعر اليوم والوكيل غير مسئول عن تحرك السعر وكل العملاء المحترمين وقعوا على ذلك مضطرين .... لكن لو عند حضرتك اى وسيله اضغط عليهم بيها عمرى مهتأخر حتى لو بالقانون والمحاكم لان دول مستغلين

**AFT** · 18-05-2013 08:49 PM

غريب جدا موضوع الحجز ده....كان لسه واحد من يومين سأل وقاللي ان اول وتاني فئه موجوده وجاهزه لتسليم فوري !!!!!!
طب ممكن تسأل في معارض غير التوكيل.
بالنسبه للخامات انا مش معاك خالص انها سيئه ولكن حتى لو...هل تستاهل تدفع فرق 25 الف للسبورتاج عشان خاماتها ؟؟؟؟

اني شبه متأكد انهم نفس الخامات.

**dr.sherif** · 18-05-2013 09:35 PM

ﻷ.. على فكرة فعلا خامات اﻹسبورتاج أحسن شوية وممكن تقول الطابلوة أكثر ثراء وأقيم منحيث الشكل
وكمان عاوز أوضح لحضرتك إن بالنسبة لى الفرق بين الهيونداي واﻹسبورتاج حاليآ 8000 جنية فقط ﻹنى حاجز الكيا من زمان وممكن أستلم فى أى وقت
وشكرا لحضرتك على الافادة والتعليق

**AFT** · 19-05-2013 09:19 AM

المشاركة الأصلية كتبت بواسطة dr.sherif

ﻷ.. على فكرة فعلا خامات اﻹسبورتاج أحسن شوية وممكن تقول الطابلوة أكثر ثراء وأقيم منحيث الشكل
وكمان عاوز أوضح لحضرتك إن بالنسبة لى الفرق بين الهيونداي واﻹسبورتاج حاليآ 8000 جنية فقط ﻹنى حاجز الكيا من زمان وممكن أستلم فى أى وقت
وشكرا لحضرتك على الافادة والتعليق

طيب حلو....مدام انت مقتنع ب الاسبورتاج يادكتور....وانت حاجز من بدري ...ليه محير نفسك :) توكل على الله

**dr.sherif** · 19-05-2013 12:04 PM

يعنى إنت رأيك كده..خلاص نتوكل على الله
بس إنت عارف أنا كان نفسى أركب أو أقتنع بأى عربية تانية غير الكيا ﻹحساسى إن كل اللى حصل دة كان ﻻزم على اﻷقل ردة عندى إنى مشتريش وأرجع الحجز ...بس أعمل إية آدي الله وآدي حكمتة

**AFT** · 19-05-2013 02:03 PM

المشاركة الأصلية كتبت بواسطة dr.sherif

يعنى إنت رأيك كده..خلاص نتوكل على الله
بس إنت عارف أنا كان نفسى أركب أو أقتنع بأى عربية تانية غير الكيا ﻹحساسى إن كل اللى حصل دة كان ﻻزم على اﻷقل ردة عندى إنى مشتريش وأرجع الحجز ...بس أعمل إية آدي الله وآدي حكمتة

انت اللي رأيك كده يادكتور مش انا :)
انا حاولت اقوللك ال ix35 ارخص وجاهزه للاستلام,,,,وحضرتك رديت بمنتهى الثبات انها معجبتكش :)

SO WHAT :)
وخلي بالك كمان انك لو لغيت فلوس الحجز مش بترجع علطول بتاخد شوية وقت,,,,ومبلغ الحجز كبير برضه